46. पौलुस मसीही विश्वासी बनुआय

शाउ ल नामर गोटक माने रेउआय जोन यीशु उपरे विश्वास ना करी रेउआय। जेबे हाय जुआन रेउआय, तेबे हाय स्तिफनुस के मारबा लोक र फोटीर निगरानी करी रेउआय। पाचे, हाय विश्वासी मनके सताय रेउआय। हाय यरूशलेम ने घरे – घरे जाईकरी माने आउरी बायले दुनो के गिरफ्तार करी जेलखाना ने डाली देई रेउआय। तेबे महायाजक शाउ ल के दमिश्क नगर ने जीबा काचे अनुमति देउआय। हाय मन हायतीर मसीह मनके गिरफ्तार करबा काचे आउरी हाय मनके लेवटाय करी यरूशलेम ने आनबा काचे शाउ ल के बोलुआत।

अतः शाउ ल दमिश्क ने जीबार यात्रा के शुरु करूआय। हाय नगर ने खेटबार खिनिक पयले, हातार चारो बाटे बादरी ले उजर चमकू आय, आउरी हाय भुई ताने घसरी जाउ आय। शाउ ल काके आले बोलबा दाय सुनुआय, ’’हे शाउ ल! हे शाउ ल! तुई मोके काय काचे सताय बी आस?’’ शाउ ल पचारू आय, ’’हे परबु तुई कोन आस?’’ यीशु जवाब देउआय, ’’मुई यीशु आंय। तुई मोके सतायबी आस!’’

जेबे शाउ ल उठू आय तो हाय दखके ना सकते रेउआय। हातार मित मन हाके दमिश्क ने दरी करी नेई रेउआत। शाउ ल तीन दिन तक काई बले खाई पी ना रेउआय।

दमिश्क ने हनन्याह नामर गोटक चेला रेउआय। परबु हाके बोलुआय, ’’हाय घरे जा जोन ताने शाउ ल ठेबला आचे। निजर हाथ के हातार उपरे सोंगाव ताकि हाय फिर ले दखो।’’मांतरहनन्याह बोलुआय, ’’हे परबु, मुई सुनली आची कि ए माने विश्वासी मनके कसन सतायला आचे।’’ परबु हाके जवाब देउआय, ’’जा! मुई हाके यहूदी मन ताने आउरी दूसरा जातिर लोक मन ताने मोर नामर घोषणा करबा काचे चुनली आची। हाय मोर नाम काचे खुबे दुःख सहसी।’’

अतः हनन्याह शाउ ल लगे जाउ आय, निजर हाथ के तार उपरे सोंगाउ आय, आउरी बोलुआय, ’’यीशु, जोन एती आयबा ताने तोर बाट ने तोर उपरे प्रगट होई रेला, मोके तोर लगे पटायला आचे कि तुई फिर ले दखके मुराव, आउरी पवित्र आत्मा तोके भरी दो।’’ हड़कीच दाय शाउ ल दखके सकूआय, आउरी हनन्याह हाके बपतिस्मा देउआय। तेबे शाउ ल भात खाउ आय आउरी फिर ले ताकतवर होई जाउ आय।

तेबेले, शाउ ल दमिश्क ने रेबा यहूदी मन ताने ए प्रचार करबा टा शुरु करी देउआय। हाय बोलुआय, ’’यीशु ही परबुर बेटा आय!’’ यहूदी लोक मन अचंभित रेउआत, कायकाचे कि शाउ ल विश्वासी मन के मारी देबार कोशिस करी रेउआय, मांतरहाय यीशु उपरे विश्वास करी रेउआय। शाउ ल यहूदी मन संगे वाद – विवाद करूआय। हाय दखाउ आय कि यीशु ही मसीह रेला।

खुबे दिनर पाचे, यहूदी मन शाउ ल के मारी देबार योजना बानाउ आत। हाय मन हाके मारबा काचे नगरर कोपाट ने लोक मनके पटाउआत। कि हातार निगरानी करोत मांतरशाउ ल हाय योजनार बारे ने सुनुआय, आउरी हातार संगवारी मन बाची करी निकलबा ने हातार मदद करूआत। गोटक राती हाय मन हाके टुकना ने बोसाय करी नगरर काति ले हाके तले उतारी देउआत। दमिश्क ले बाची करी निकललार पाचे शाउ ल यीशुर बारे ने प्रचार करबा टा जारी सोंगाउ आय।

शाउ ल प्रेरित मनके मिलबा काचे यरूशलेम जाउ आय, मांतरहाय मन हाके डरते रेउआत। तेबे बरनबास नामर गोटक विश्वासी शाउ ल के प्रेरित मन लगे आनुआय। हाय तीके सांगूआय कि शाउ ल कसन साहसी होईकरी दमिश्क ने प्रचार करी रेला। हातार पाचे, प्रेरित मन शाउ ल उपरे विश्वास करूआत।

खिनिक मा विश्वासी मन जोन मन यरूशलेमर सताव ले पोराय रेउआत हाय मन अंताकिया नगर ने जाई रेउआत आउरी यीशुर बारे ने प्रचार करते रेउआत। अंताकिया ने रेबा लोक मन खुबे यहूदी ना रेउआत, मांतरपोयला हार, हाय थानले खुबे लोक मन विश्वासी बनी जाउ आत। बरनबास आउरी शाउ ल ए नुआ विश्वासी मनके यीशुर बारे ने आउरी खुबे सीखायबा काचे हाय ताने जाउ आत आउरी कलीसिया के मजबूत करूआत। यीशु उपरे विश्वास करबा लोक मन पोयला हार अंताकिया ने ‘’मसीही’’ बोलाय होयलाय।

गोटक दिने, अंताकिया ने मसीही लोक मन उपवासर संगे पारतना करते रेलाय। पवित्र आत्मा तीके बोलुआय,’’बरनबास आउरी शाउ ल के हाय काम के करबा काचे अलग करी दियास जाके करबा काचे मुई हाय मनके हाग देली आची।’’एकाचे अंताकियार कलिस्या बरनबास आउरी शाउ ल काचे पारतना करूआत आउरी तिकर उपरे निजर हाथ मनके सोंगाउआत। तेबे हाय मन तीके आउरी दूसरा जागा ने यीशुर बारे ने शुभ संदेसर प्रचार करबा काचे पोटाय देउआत। बरनबास आउरी शाउ ल अलग – अलग जातीर लोक मनके शिक्षा देउआत, आउरी खुबे लोक मन यीशुर उपरे विश्वास करूआत।