6. परबु इसहाक काचे जुगाड़ करुआय

जेबे अब्राहम खुबे डोकरा होई रेउआय तेबे हातार बेटा, इसहाक, गोटक मानेर बोरसर होई रेउआय। एकाचे अब्राहम निजर गोटक सेवक के हाय देस ने पोटाउआय, जोन ताने हातार लोक बाग मन रेयते रेउआत, ताकि हाय निजर बेटा इसहाक काचे बायले आनके सको।

गोटक लम्बा यात्रार पाचे, अब्राहमर सेवक हाय देस ने जाउआय, जोन ताने अब्राहमर लोक बाग मन रेयते रेउआत। परबु हातार अगुवाई करूआय, की हाय रिबका ले मिलो।

रिबका निजर परिवार के छाड़ी करी हाय सेवक संगे इसहाकर घरे लेवटी जिबा काचे मानुआय। जसन रिबका खेटुआय, इसहाक हातार संगे बिया करूआय।

गोटक लम्बा बेरार पाचे अब्राहम मोरी जाउआय। तेबे परबु अब्राहमर बेटा इसहाक के आशीष देउआय, कायकाचे की परबु अब्राहम संगे वाचा बाँधी रेउआय। हाय वाचा ने परबुर गोटक प्रतिज्ञा एटा रेउआय की अब्राहमर गिनके ना सकलामा वंशज होयबाय। मांतर इसहाकर बायलेर बेटा-बेटीर जनम ना होउआय।

इसहाक रिबका काचे पारतना करूआय, आउरी परबु हाके जुड़ाव पिला के पेटे हारिन होयबा काचे सक्षम करूआय। जोन बेरा हाय पिला मन रिबकार पेटे रेउआत हाय मन लड़ते रेउआत, एकाचे रिबका परबु के पोचारू आय की ए काय होयसी आचे।

मापरी रिबका के बोलुआय, ”तुई दुई ठन बेटा के जनम देबीस। हातार वंशज अलग-अलग जाति बनबाय। हाय मन गोटक दूसरा ले लड़बाय। मांतर बड़े बेटा ले जनमबा बीती जाति के छोटे बेटा ले आयबा बीती जातिर आज्ञा के मानके पड़सी।”

जेबे रिबका पिला मनके जनम देउआय, तो बड़े बेटा लाल आउरी रुंआदार रेउआय, आउरी हाय मन हातार नाम एसाव सोंगाउआत। तेबे छोटे बेटा एसावर लेड़ी के दरी करी जममुआय, आउरी हाय मन हातार नाम याकूब सोंगाउआत।