11. ११. छुत्काराया नखः
परमेश्वरं फारोयात अझनं वं इस्राएलीतय्त मिश्रदेशं वने मबिल धाःसा मनू व पशुया न्हापां बूम्ह सन्तानयात स्यानाबीगु ख्याच्वः बियादिल। फारों थ्व खँ न्यन अय्नं वं परमेश्वरयात विश्वास मया अले वय्कःया आज्ञा मानय् मयात।
परमेश्वरं वय्कःयात विश्वास यापिनिगु निंतिं थःम्ह जेठाम्ह सन्तानयात बचय् याये फइगु छपु लँ बियादिल। फुक्क छेँजपाखें खुन मदुम्ह भ्याःचा ल्यया हयाः वायत स्याये माःगु खः।
परमेश्वरं इस्राएलीतय्त भ्याःचाया हि कयाः इमिगु छेँया मू ध्वाखाय् इलाब्यु, अले उकिया ला छुया सोडा मतःगु मरिनापं न धकाः धयादिल। अले हाकनं व नये धुंकाः इमित मिश्र देश त्वःतेगु निंतिं तयार जु धकाः नं वय्कलं धयादिल।
इस्राएलितय्सं परमेश्वरं धयादी थें हे यात। बाचाईलय् परमेश्वर मिश्र जुयाः झायादीबलय् न्हापां बुपिं फुक्कसिया काय्यात स्यानादिल।
फुक्क इस्राएलीतय्गु छेँया ध्वाखाय् हि इलातःगु खः, अथे जुयाः परमेश्वरं उपिं छेँतय्त त्वःता झायादिल। उकि दुने च्वनाच्वंपिं फुक्क बचय् जुल। भ्याःचाया हियागु हुनिं याना इपिं बचय् जूगु खः। मिश्रीतय् फुक्क जेठाम्ह काय्पिं सित, ज्वनाः झ्यालखानय् कुनाः तःपिनि काय्पिं निसें फारोया जेठाम्ह काय्तक फुक्क सित। मिश्रदेशय् यक्व मनूतय्त कष्ट जूगुलिं ख्वया हाला हःगु खः।
अय्नं मिश्रीतय्सं परमेश्वरयात विश्वास मया अले इमिसं वय्कःया आज्ञा नं मानय् मया। अथे जुयाः परमेश्वरं इमिगु छेँयत त्वःतामदी। परमेश्वरं मिश्रीतय् न्हापां बूम्ह काय्पिं फुक्कसित स्यानादिल।
व हे चान्हय् फारों मोशा व हारूनयात सःता धाल, “इस्राएलीतय्त ज्वनाः थत्थें हे मिश्रदेश त्वःता हुँ।
यहोशू बुह्रा जुइ धुंकाः वं इस्राएलया फुक्क मनूतय्त छथाय् मुंकल। अले वं उपिं मनूतय्त सिनै पर्वतया इस्राएलीतनापं परमेश्वरं यानादीगु बाचायात मानय् यायेमाःगु करंकाःगु खँयात लुमंकल। मनूतय्सं परमेश्वरया विश्वासयायेबहपिं जुइगु व वय्कःया व्यवस्था मानय् यायेगु बाचा यात।
बाइबलया बाखं यहोशू १-२४ पाखें
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।