12. १२. प्रस्थान
इस्राएलीत मिश्रदेश त्वःता वने दुगुलिं तसकं हे लय्ताः। इपिं आः दास जुया च्वनेम्वाल अले इमित बाचा यानातःगु देशय् वनाच्वंगु खः।
परमेश्वरं न्हिनय् सुपाँय्या तज्जाःगु थांपाखें इमित यंकिगु खः, व इमि न्ह्यः न्ह्यः वनेगु खः, अले चान्हय् मिया थां खने दइगु खः। परमेश्वर सदां इपिं नापं च्वनादी अले यात्राया ईलय् इमित लँ क्यनादिल। इस्राएलीतय्सं याये माःगु छगू हे जक ज्या इपिं परमेश्वरया ल्यू ल्यू वनेमाःगु खः।
उकिया छुं ई लिपा, फारो व वया मनूतय्सं थःगु बिचाः हिकल अले इस्राएलीतय्त हाकनं थःपिनि दास यायेगु इच्छा यात। परमेश्वरं फारोया नुगः छाकाबिल छाय्धाःसा मनूतय्सं वय्कः हे छम्ह जक सत्य याहोवे परमेश्वर खः धयागु खनेमा, अले फारो व वया द्यःत स्वया तसकं हे बल्लाःम्ह खः धयागु खँ इमिसं सिके फयेमा।
अथे जुयाः फारो व वया सिपाइँतय्सं इस्राएलीतय्त हाकनं थःपिनि दास यायेगु निंतिं इमित ल्यूत्तुलिया च्वन। इस्राएलीतय्सं मिश्री सिपाइँतय्सं इमित लिना च्वंगु खन, इमिसं थःत फारोया सिपाइँत व लाल समुदया दथुइ इपिं
मोशां इस्राएलीतय्त धाल, “ग्याये मते
अले परमेश्वरं सुपाँयया थांयात इस्राएलीत व मिश्रीतय्गु दथुइ तयादिल छाय्धाःसा मिश्रीतय्सं इस्राएलीतय्त मखनेमा धकाः खः।
परमेश्वरं मोशायात वयागु ल्हाः समुद्र पाखे ल्ह्वना लःयात निब्व यानाबिल। अले परमेश्वरं जव व खवपाखे तःधंगु ग्वाफय् हया समुद्रया दथुइ गंगु लँ दय्कादिल।
इस्राएलीत गंगु बँय् लःया पःखाःया दथुइ समुद्रय् झ्वःलिकं वन।
अले परमेश्वरं व सुपाँयात लँपाखें चिकादिल छाय्धाःसा मिश्रीतय्सं इस्राएलीत बिस्युं वना च्वंगु खनेमा धकाः खः। मिश्रीतय्सं इमित ल्यू वनेगु क्वःछित।
अथे जुयाः इपिं समुद्रया लँपु जुया इस्राएलीतय्गु ल्यू ल्यू वन, अय्नं परमेश्वरं मिश्रीतय्त अलमल यानादिल अले इमिगु सलगया वःपिन्त दीकादिल। इपिं तसलं हाला थथे धाल, “बिस्युं वनेनु
फुक्क इस्राएलीत आरामं समुद्रया उखेपाखे सिथय् थ्यने धुंकाः, परमेश्वरं हाकनं मोशयात थःगु ल्हाः समुद्रपाखे स्वके धयादिल। वं अथे याबलय् हाकनं समुद्र न्हापा गथे खः अथे हे जुल। सकलें मिश्री सिपाइँत लखय् दुबिना सित।
इस्राएलीतय्सं फुक्कं मिश्रत स्यूगु खंबलय् इमिसं परमेश्वरयाके भलसा तल अले मोशा छम्ह अगमवक्ता खः धकाः विश्वास यात।
इस्राएलीतय्सं तसकं उत्साह कया आनन्द मानय् यात छाय्धाःसा परमेश्वरं इमित सीगु व दास जुया च्वनेगु पाखें बचय् यानादीगु खः।
इस्राएलीतय्त परमेश्वरं मिश्रतय्गु विरोधय् त्याकादिल अले इमित दास जुयाच्वनेगु पाखें बचय् यानादिल धयागु खँ लुमंकेगु निंतिं दँय्दसं छुत्काराया नखः मानय् या धकाः धयादिल। इमिसं नखःया निंतिं छम्ह खुन मदुम्ह भ्याःचा स्याना उकियात सोडा मतःगु मरिनापं नया नखः हन।
बाइबलया बाखं : प्रस्थान १२:३३-१५:२१ पाखें
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।