18. १८. छुटय् जूगु राज्य
यक्व दँ लिपा, दाऊद सित अले वया काय् सोलोमनं इस्राएलय् शासन यायेगु शुरू यात। परमेश्वर सोलोमननापं नवानादिल, छन्त दक्वसिबय् अप्वः यःगु खँ छु खः धकाः न्यनादिल। सोलोमनं ज्ञान-बुद्धि फ्वँन अले परमेश्वर तसकं लय्तायादिल अले वयात हलिंमय् फुक्क मनूत स्वया बुद्धिंजाःम्ह मनू दय्कादिल। सोलोमनं यक्व खँ सय्कल अले व छम्ह बुद्धिया न्यायकर्ता जुल। परमेश्वरं वयात फुक्क खँय् माक्व बियादिल।
यरुशलेमय् सोलोमनं देगः दय्केगु ज्या शुरु यात व वया अबु दाऊदं दय्केगु ग्वसा ग्वःगु खः अले उकिया निंतिं सामानत मुंकूगु खः। अले मनूतय्सं परमेश्वरयात आराधना यायेगु व बलि बीगु नापलायेगु पालया पलेसा व देगलय् यात। परमेश्वर व देगलय् खनेदय्कः झायादीगु खः। अले वय्कः थः मनूतय्गु दथुइ च्वनादीगु खः।
अय्नं सोलोमनं मेगू देशया मिसायात माया यात। वं लगभग द्वःछि (१,०००) म्ह मिसात नां व्याहा यात, अले परमेश्वरया आज्ञा मानय् मयात। थुपिं मिसात मध्ये अप्व थें मेगू देशपाखें वःपिं खः। अले इमिसं थः द्यःतनं थःपिंनापं ज्वना वःगु खः अले उकियात इमिसं पुजा याना हे च्वंगु खम। सोलोमन बुह्रा जुइ धुंकाः वं नं इमपिं द्यःतय्गु पुजा यात।
परमेश्वर सोलोमननापं तंम्वयादिल अले वया अविश्वासया हुनिं वयात दण्डकथं वय्कलं सोलोमन सीधुंकाः इस्राएल राष्ट्रयात निगू राज्यय् ब्वथलादीगु बाचा यानादिल।
सोलोमन सीधुंकाः वया काय् रहोवाम इस्राएलया जुजु जुल। रहोवाम छम्ह मूर्खम्ह मनू खः। इस्राएल राष्ट्रया फुक्क मनूत वयात जुजु अभिषेक यायेगु निंतिं छथाय् मुन। इमिसं रहोबामयात सोलोम जुजुं तसकं थाकुक ज्या याकूगु व यक्व कर पुइकूगु खः धकाः वयात न्यकल।
रहोवामं मूर्खकथं इमित लिसः बिल, “जिमि अबुं थाकूक ज्या याकल धकाः छिमिसं बिचाः यात, अय्जुया जिं छिमित व स्वाया अप्व थाकूक ज्या याकेगु याये अले छिमित जिमि अबुं स्वया नं अप्व सजाँय् बी।
इस्राएल राष्ट्रया कुलत मध्ये झिगू कलं रहोबामया विरुद्धय् विद्रोह यात। खालि निगू कुल जक वप्रति विश्वासयायेबहःपिं जुल। थुपिं निगू कुलत हे यहूदया राष्ट्र जुल।
रहोबामया विरुद्धय् विद्रोह यापिं इस्राएलीतय्सं मेगु देशया कुलपाखें यरोबाम नांयाःम्ह छम्ह मनूयात थःपिनिगु जुजु जुयेत ल्यल। इमिसं थःपिनिगु राज्य देशया उत्तरपाखेया भागय् दय्कल अले उकियात इस्राएलया राज्य धकाः धायेगु यात।
यरोबामं परमेश्वरया विरुद्धय् विद्रोह यात अले मनूतय्त पाप याके बिल। यहूदाया राज्यय् दुगु देगलय् वनाः परमेश्वरया आराधना यायेगु पलेसा वं मनूतय्त पुजा यायेगु निंतिं निगू मूर्तित दय्कल।
यहूदा व इस्राएलया राज्यतय् दथुइ शत्रु जुल अले धुवांधु इपिं छगू मेगू विरुद्धय् लडाइँ जुया हे च्वन।
इस्राएलया न्हूगु राज्यय् फुक्क जुजुत तसकं मभिंपिं जुल। थुपिं जुजुत मध्ये अप्वः थें इस्राएलीतपाखें स्यापिं खः छायधाःसा उपिं व थासय् जुजु जुयेगु इच्छा याःगु खः।
इस्राएल राज्यया फुक्क जुजुत व अप्व थें मनूतय्सं मूर्ति पुजा यात। इमिसं मूर्ति पुजाया ज्याय् अप्वः थें व्यभिचार व गुबलें गुबलें ला इमिसं मस्त नं बलि बीगु यात।
यहूदाया जुजु दाऊदया सन्तानत खः। थुपिं जुजुत मध्ये गुम्ह गुम्ह ला भिंपिं हे खः सुनां खःकथं न्याय याना राज्य यात अले परमेश्वरया आराधना यात। अय्नं यहूदाया अप्व थें जुजुत तसकं हे मभिंपिं खः। अले इमिसं नं मूर्तिपुजा यात। गुलिं जुजुतय्संला मखुपिं द्यःतय्गु निंतिं थःपिनि मस्त नं बलि तकं बिल। यहूदाया अप्व थें मनूतय्सं नं परमेश्वरया विरुद्धय् विद्रोह यात अले मेपिं द्यःतय्गु पुजा यात।
बाइबलया बाखं : १ राजा १-६; ११-१२ पाखें
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।