19. १९. अगमवक्तात
इस्राएलीतय्गु फुक्क इतिहासय् परमेश्वरं इमिथाय् अगमवक्ता छ्वयादिल। अगमवक्तातय्सं परमेश्वरपाखेंया बुखँ न्यनिगु खः अले वय्कःया बुखँत मनूतय्त धाइगु खः।
आहाब जुजुं इस्राएलय् शासन यानाच्वंबलय् एलिया छम्ह अगमवक्ता खः। आशाब छम्ह मभिंम्ह मनू खः वं मनूतय्त बाल नांयाम्ह द्यःयात पुजा यायेगु निंतिं हपाः बीगु खः। एलियां आहाबयात धाल, “जिगु वचन मदय्नं फुक्क इस्राएलय् नं सुतिं लः खनेदइ न वा वइ।” थ्व खं याना आहाब तसकं तम्वल।
परमेश्वरं एलियायात धयादिल, छन्त आशाबं स्यायेत सनाच्वंगु दु उकिं वपाखें सुचुलेत मरुभूमिइया छगू खुसिचा लिक्क च्वंगु थासय् हुँ। न्हिया न्हिथं सुथय् क्वः नं वयात मरि व ला नयेत हयाबीगु खः। आहाब व वया सिपाइँतय्सं एलियायात मात्तुमाला जुल अय्नं इमिसं वयात लुइके मफुत। अन फुक्क थासय् तसकं सुख्खा जुया वन गुकिं याना लिपतय् खुसिचातय्के नं लः सुना वन।
अथे जुयाः एलिया छगू लिक्क च्वंगु देशय् वन। व देशय् छम्ह भाःतसीधुंकूम्ह मिसा व वया काय् अनिकाल जुया च्वंगुलिं नयेगु निंतिं नास मुंकेगु याना च्वंगु खः। अय्नं इमिसं एलियायात वास्ता मया अले परमेश्वरं इमित नयेगु नसा बियादिल। इमिगु छ्वचुं न्ह्याय् थलय् व चिकं तय्गु थल गुबलें खालि मजुल। अनिकालया फुक्क ईलय् इमित नयेगु नसा दत। एलिया अन छुं दँतक जक च्वन।
स्वदँ व खुला दय्धुंका परमेश्वरं एलियायात इस्राएलया राज्य् लिहां वना आहाबनापं खँ ल्हाः हुँ धयादिल, छाय्धाःसा वय्कलं हाकनं पृथ्वी वा वय्कादीत्यंगु खः। आहाबं एलियात खंबलय् वं थथे धाल, “छ हे खः थ्व फुक्क समस्या हःम्ह मनू
इस्राएल राज्यया मनूत व बालया पेसः व न्यय्म्ह (४५०) अगमवक्तात ज्वनाः फुक्क कर्मेल डाँडाय् वन। एलियां मनूतय्त धाल, “छिमिसं गुबलय् तक मन हीकाः च्वनेगु? याहोवे परमेश्वर दु धइगु खःसा वय्कःया सेवा या।
अले एलियां बालया अगमवक्तातय्त धाल, “छम्ह द्वहँ स्या अले उकियात बलिकथं तयार या अय्नं उकियात मि च्याके मते। जिं नं अथे हे याये। सुया परमेश्वरं मिं लिसः बियादी व हे धात्थें सत्य परमेश्वर खः।” अथे जुयाः बालया पुजाहारितय्सं बलि तयार यात अय्नं उकि मि धाःसा मच्याकू।
अले बालया अगमवक्तातय्सं थथे धकाः प्रार्थना यात, “हे बाल, जिमिगु खँ न्यनादिसँ
व दिंया लिपतय् एलियां परमेश्वरया निंतिं छम्ह बलि तयार यात। अले वं मनूतय्गु झिनिगः ततःग्वगु तेपय् लः हया बलिया लाय्, सिँइ व बँय् नापं वेदीया चाकःछिं फुक्क थासय् मप्यातले प्वंकाबिल।
अले एलियां थथे प्रार्थना यात, “याहोवे अब्राहाम, इसहाक व याकूबया परमेश्वर, थौं जिमित छि हे इस्राएलया परमेश्वर खः धकाः व जि छिकपिनि दास खः धकाः क्यनादिसँ। जिगु प्रार्थनाया लिसः बियादिसँ अले थुपिं मनूतय्सं छि हे छम्ह जक सत्य परमेश्वर खः धकाः म्हसीमा।”
अले थत्थें हे सर्गं मि कुतुं वया ला, सिँ, ल्वहँतय्, बँय् अले वेदिया चाकःछिं दुगु लःनापं मिच्यात। मनूतय्सं थ्व खंबलय् इमिसं बँ भ्वसुला थथे धाल, “याहोवे धात्थें हे परमेश्वर खः।
अले एलियां धाल, “बालया सुं नं अगमवक्तात बिस्के छ्वये मते।
अले एलियां जुजु आहाबयात धाल, “थत्थें हे शहरय् लिहां झासँ, छाय्धाःसा तसकं वा वइन।” अले थत्थें हे सर्ग खिउँसे च्वना वल अले तसकं वा वयेगु शुरु जुल। याहोवे नं तसकं गनाच्वंगु बँयात लखं प्याकादीगु खः अले वय्कः छम्ह जक सत्य परमेश्वर खः धयागु खँया दसि बियादिल।
एलियाया ईलय् परमेश्वरं एलिशा नां याम्ह छम्ह मनूयात वय्कःया अगमवक्ताकथं ल्ययादिल। परमेश्वरं एलिशापाखें यक्व हे अजूचायापुगु ज्यात यानादिल। उपिं मध्य छगू अजूचायापुगु ज्या नामानयाथाय् जूगु खः, व छम्ह सिपाइँतय् तःधंम्ह कप्तान खः अले वयात छगू ग्यानापुगु छेंगूया ल्वचं कयाच्वंगु खः। वं एलिसाया बारे न्यनातगुलिं व एलिशायाथाय् वन अले थःत लाय्कादीत इनाप यात। एलिशां नामानयात न्ह्यक्वः तक यर्दन खुसिइ लुकूंब्यु धकाः धाल।
न्हापां ला नामान तंम्वःगु खः अले अथे यायेत व मानय् मजुल छाय्धाःसा थ्व ला छगू मुर्ख खँ थें खनेदुगु खः। अय्नं लिपा वं थःगु मन हिकल अले थःत न्ह्यक्वःतक यर्दन खुसिइ लुकूंबिल। नामान दकलय् लिपांगु लुकूंबिया थाहां वल वयागु छेंगू न्हापा गथे खः अथे च्वंक फुक्क ल्वय् लनांवन।
परमेश्वरं मेपिं यक्व अगमवक्तात छ्वयाहयादिल। इपिं फुक्कसिनं मनूतय्त मूर्ति पुजा त्वःतेत व मेपिन्त खःकथं न्याय यायेत अले इमित दया यायेत इनाप यात। अगमवक्तातय्सं मनूतय्सं मभिंगु ज्या मत्वतल धाःसा परमेश्वरया आज्ञा मानय् मयात धाःसा परमेश्वरं इमित दोषी ठहरय् यानादी अले इमित दण्ड बियादी धकाः ख्याच्वः बिल।
अप्वः थें ईलय् मनूतय्सं परमेश्वरया खँ मन्यन। इमिसं अप्वयना अगमवक्तातय्त मखुगु व्यवहार यात। अले गुबलें गुबलें इमिसं अगमवक्तातय्त स्यायेगु नं यात। छक्वः यर्मिया अगमवक्तायात स्यायेत लः मदुगु तुंथिइ क्वफानाबिल। अले व तुंथिइ च्वंगु भ्यातः नालय् प्यपुन अय्नं व खना जुजुयात माया वनाः वं थः च्यःतय्त यर्मिया सी न्ह्यः हे तुंथि नं थकाय्केबिल।
मनूतय्सं अगमवक्तातय्त घृणा याना च्वंसां नं इमिसं परमेश्वरपाखेंया खँ मनूतय्त धया हे च्वन। पश्चाताप मयात धाःसा पमरेश्वरं मनूतय्त नाश यानादी धकाः वं ख्याच्वः बिया हे च्वन। इमिसं मनूतय्त परमेश्वरया मसिह झायादीगु बाचायात नं लुमंकाबिल।
बाइबलया बाखं : १ राजा १६-१८; २ राजा ५; यर्मिया ३८ पाखें
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।