22. २२. बप्तिस्मा बीम्ह यूहन्ना बूगु
न्हापा न्हापा परमेश्वर थः मनूतनापं थः स्वर्गदूत व अगमवक्तातपाखें नवानादिल। अय्नं पेसःदँ (४००) तक वय्कः इपिं नापं अथे हे नवानादिल। आकाझाकां छम्ह स्वर्गदूत जकरिया नांयाम्ह छम्ह पुजाहारीयाथाय् परमेश्वरया बुखँ ज्वनाः वल। जकरिया व वया कला एलिशिबा परमेश्वरया आराधना याइपिं खः अय्नं इमि छम्ह नं सन्तान मदु।
व स्वर्गदूतं जकरियायात धाल, “छिमि कलानं छम्ह काय् बुइकी। छं वयागु नां यूहन्ना ति। व पवित्र आत्मां जाःम्ह जुइ अले वं हे मसिहया निंतिं लँ तयार याइ।
स्वर्गदूतं जकरियायात लिसः बिल, “परमेश्वरं जितः छन्थाय् थ्व भिंगु खँ न्यंकेत छ्वयाहयादीगु खः। छं जितः पत्याः मयागु कारणं मचा मबुतले छ पाकः जुया च्वनि।” अले थत्थें हे जकरियां नवाये मफुत। अले व दूतं जकरियायात त्वःता वन। अनंलि जकरिया थःगु छेँय् लिहां वन अले वया कलाया प्वथय् दत।
एलिशिबा प्वाथय् दुगु खुला (६) दुबलय् व हे स्वर्गदूत आकाझाकां एलिशिबाया थःलाम्हय्सिथाय् खनेदय्कः वल, वयागु नां मरियम खम। व छम्ह कन्याम्ह खः वयागु मगनी योसेफ नांयाम्ह मनूनापं जुइधुंकूगु खः। स्वर्गदूतं धाल, “छं प्वथाय् दइ अले छम्ह काय् बुइकी। छं वयागु नां येशू ति। वय्कः स्वर्गय् च्वनादीम्ह परमेश्वरया काय् जुइ अले वय्कलं मनूतय्गु नुगलय् सदां सदां राज्य यानादी।”
मरियमं लिसः बिल, “थ्व गुकथं जुइ फइ, जि ब्याहाला मजुनि? स्वर्गदूतं धाल, “पवित्र आत्मा छंके झायादी अले पवित्र आत्माया शक्तिया किचः छंके वइ। अथे जुयाम व मचा पवित्र परमेश्वरया काय जुइ।” मरियमं स्वर्गदूतयातं धाःगु खँय् विश्वास यात अले व खँयात नालाकाल।
मरियमं स्वर्गदूतनापं खँल्हाःगु छुं ई लिपा हे व एलिशिबायात नापलायेत वन। एलिशिबां मरियमं ज्वजलपा धाःगु न्यनेवं हे वया प्वथय् च्वंम्ह मचा सना हल। परमेश्वरं इमिगु निंतिं यानादीगु ज्यात खनाः इपिं मिसात तसकं हे लय्ताल। एलिशिबायाथाय् स्वलाति च्वना मरियम थःगु छेँय् तुं लिहां वन।
एलिशिबां छम्ह काय् बुइके धुंकाः स्वर्गदूतं उजं ब्यु थें जकरिया व एलिशिबां वयागु नां ‘यूहन्ना’ तल। अले परमेश्वरं हाकनं जकरियायात नवाये फय्कादिल। जकरियां धाल, “परमेश्वरया प्रशंसा जुइमा, छाय्धाःसा वय्कलं थः मनूतय्त थुइकादीगु दु।
थ्व बाइबलया बाखं लूका १ पाखें काःगु खः
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।