23. २३. येशू बूगु
योसेफ नां याम्ह छम्ह धर्मीम्ह मनूनापं मरियमया मगनी जूगु खः। मरियमया प्वथय् दुबलय् वं सिल। वयागु प्वथय् दुम्ह मचा थःम्हसिगु मखु धकाः वं सिकल। योसेफं मरियमयात बेज्जत मयासे दुनें दुनें त्वःता छ्वयेगु ग्वसा ग्वल। अय्नं वं अथे याये न्ह्यः म्हगसय् छम्ह स्वर्गदूत वयाथाय् खनेदय्कः वल।
स्वर्गदूतं योसेफयात धाल, “योसेफ, मरियमयात ब्याहा यायेत ग्याये मते। छायधाःसा पवित्र आत्मां वया प्वथय् दुगु खः। वं छम्ह काय् बुइकी। वयागु नां येशू ति (उकिया अर्थ ‘याहोवेनं बचय् यानादी’) छाय्धाःसा वय्कलं मनूतय्त इमिगु पापपाखें छुतय् यानादी।
अथे जुयाः योसेफं मरियमयात ब्याहा यात अले वयात थः कला नाला थःगु छेँय् यंकल अय्नं योसेफ मरियमया मचा मबुतले व नापं मद्यं।
मरियमया मचा बुइगु ब्यथा जुइगु ई लिक्क वबलय् रोमी सरकारं फुक्कसित जनगणनाया निंतिं थथःगु पुर्खात च्वनाच्वंगु शहरय् हुँ धकाः उजं बिल। योसेफ व मरियमं इपिं च्वनाच्वंगु थाय् नासरतनिसें बेथलेहेमतक ताहाकःगु लँपु जुया वनेमाल छाय्धाःसा इमिगु पुर्खा दाऊदया शहर बेथलेहेम खः।
इपिं बेथलेहेमय् थ्यन अन च्वनेगु निंतिं गननं थाय् मदु। इपिं च्वनेगु निंतिं इमिसं छगू साया गः जक दुगु खः। इमिसं मचायात अन हे बुइकल अले मरियमं मचायात इचां भुनाः पशुतय्त नकिगु थलय् थ्यनातल छाय्धाःसा मचायात तय्त गनं हे थाय् मदु। इमिसं मचायागु नां ‘येशू’ तल।
उखुन्हु चान्हय् लिक्क लाःगु ख्यलय् फैजवाःत फैचात पिवाः च्वनाच्वंन। आकाझाकां उबलय् हे तसकं जः थीम्ह स्वर्गदूत इमिथाय् खनेदय्कः वल अले थ्व खनाः इपिं ग्यात। स्वर्गदूतं धाल, “ग्याये म्वाः, छाय्धाःसा जि छिमित लसतायागु भिंगु खँ कं वयागु खम। छिमि मसिह बेथलेहेमय् बूगु दु।
मचायात मावनेनु अले इमिसं मचायात इचां भुनाः फैतय्त नकिगु थलय् थ्यनातःगु लुइकल।” आकाझाकां सर्गय् परमेश्वरया प्रशंसा यायां थथे धकाः म्ये हाल, स्वर्गय् च्वनादीम्ह परमेश्वर तःधं जुइमा। अले परमेश्वरयात यःपिं मनूतय्त पृथ्वी च्नाच्वंसां शान्ति दयेमा।”
छुं दिं लिपा, फैजवाःत येशू बूगु थासय् थ्यंकः वल अले स्वर्गदूततय्सं धाःथें हे वय्कःयात इचां भुना फैतय्त नकेगु थलय् थ्यनाः तःगु खन। इपिं तसकं लयलय्ताल। मरियम नं तसकं लय्ताल। फैजवाःत, इमिसं खंगु न्यानागु फुक्क खँया निंतिं परमेश्वरयात प्रशंसा यायां फैत दुगु ख्यलय् तुं लिहां वन।
छुं ई लिपा तापकं पूर्बया ज्ञानीपिं मनूतय्सं सर्गय् अजूचायापुगु नगु खन। उकिया अर्थ यहूदीतय् छम्ह न्हूम्ह जुजु बूगु दु धयागु खँ इमिसं सिकल। अथे जुयाः व जुजुयात स्वयेगु निंतिं इपिं तापाक्क लँपुइ वन। इपिं बेथलेहेमय् थ्यंकः वल अले येशू व वया मां अबु च्वनाच्वंगु थाय् लुइकल।
उपिं ज्ञानी मनूतय्सं येशूयात वया मानापं च्वनाच्वंगु खन अले इमिसं क्वछुनाः वय्कःयात भागि यात अले वय्कःया आराधना यात। इमिसं येशूयात तसकं मूवंगु चिजत छाल। अनंलि इपिं थथःगु छेँय् लिहां वन।
थ्व बाइबलया बाखं थुपिं अध्यायपाखें काःगु खः मत्ती १; लूका २ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।