24. २४. यूहन्नां येशूयात बप्तिस्मा ब्यूगु
जकरिया व एलिशिबाया काय् बप्तिस्मा बीम्ह यूहन्ना तःधिकः जुया वल अले व छम्ह अगमवक्ता जुल। व मरुभूमिइ च्वनिम्ह खः वं गुँ कस्ती व क्वःबुँचात नइगु खः अले ऊँतया सं थाना तःगु वसः पुनिम्ह खः।
यक्व हे मनूत मरुभूमिइ यूहन्नाया वचन न्यनेत वल। वं इमित थथे धकाः भिंगु खँ न्यंकेगु यात, “पश्चाताप या, छाय्धाःसा स्वर्गया राज्य न्ह्यःने थ्यंकः वःगु दु।”
यक्व हे मनूतय्सं यूहन्नाया भिंगु खँय् विश्वास यानाः इमिसं पश्चाताप यात अले इमित यूहन्नां बप्तिस्मा बिल। अप्वः थें धर्म गुरुतय् नायःतय्सनं यूहन्नापाखें बप्तिस्मा काल अय्नं इमिसं थथःगु पाप नालाकया पश्चाताप धाःसा मया।
यूहन्नां उपिं धर्म गुरुतय् नायःतय्त धाल, “हे सर्पया सन्तानत,
सुं यहूदीतय्सं यूहन्नायात छु छि हे मसिह खः ला? धकाः न्यन अले यूहन्नां लिसः बिल, “जि मसिह मखु, अय्नं जि स्वया लिपा छम्ह तःधंम्ह झायाच्वंगु दु। जि वय्कःयागु लाकां ज्वनाजुइत तक नं मल्वः।”
छन्हु येशू यूहन्नापाखें बप्तिस्मा कायेगु निंतिं झाल। गुबलय् यूहन्नां येशूयात खन अले वं वय्कःयात थथे धाल, “स्वयादिसँ, छिं जक जितः बप्तिस्मा बयादी माः।”
यूहन्नां येशूयात धाल, “जि छितः बप्तिस्मा बीत योग्यम्ह मखु। बरू छिं जक जितः बप्तिस्मा बियादी माः।” अय्नं येशूं लिसः बियादिल, “छं जितः बप्तिस्मा बीमा छाय्धाःसा थथे यायेगु पाय्छि जु। अले थुकथं हे झीसं फुक्क धार्मिकता पूवंके माःगु दु।” अथे जुयाः यूहन्नां वय्कःयात बप्तिस्मा बिल। येशूं गुबलें नं पाप यानादीगु मदु।
वय्कः बप्तिस्मा कया लखं थाहां झाल, अले परमेश्वरया आत्मा सुकुभतु थें जुयाः वय्कःया थःगु म्हय् जूवयाच्वंगु खन, उघ्रिमय् हे स्वर्गं थथे धयाहल, “थ्व जि यःम्ह काय् खः थ्व खनाः जि तसकं लय्ताः।”
परमेश्वरं यूहन्नायात धयादिल, “पवित्र आत्मा क्वहांझायादी अले छं बप्तिस्मा ब्यूपिं सकसिके च्वनादी। व मनू परमेश्वरया काय् जुइ।” अन छम्ह जक परमेश्वर दी। अय्नं यूहन्नां येशूयात बप्तिस्मा बिल अले वं परमेश्वर बाः नवानादीगु सः ताल, परमेश्वरया काय् येशूयात खन, अले वं पवित्र आत्मायात नं खन।
थ्व बाइबलया बाखं थुपिं पदत पाखें काःगु खः, मत्ती ३; मर्कूस १:९-११; लूका ३:१-२३ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।