31. ३१. येशू लखय् न्यासि झायादीगु
अले भीडयात बिदा बीधुंकाः येशूं चेलातय्त नाःचाय् च्वना समुन्द्रया उखेपाखे वनेनु धयादिल। मनूतय्त छेँय् छ्वयादीधुंकाः वय्कः प्रार्थना यायेत पहाडय् थहां झायादिल। येशू याकःचा हे बहनीतक प्रार्थना यानाच्वनादिल।
चेलात इमिगु नाःचा न्ह्याका यंकाच्वंगु खः, बहनी लिबाय् धुंकूगु खः अय्नं इपिं समुन्द्रया दथुइतिनि जक थ्यंगु खः। इमिसं नाचाया तसकं हे थाकुक न्ह्याका यंकाच्वंगु खः छाय्धाःसा तच्वःगु फय् अःखतं वयाच्वंगु खः।
येशूं प्रार्थना याये सिधय्का वय्कः थः चेलातय्थाय् झायादिल। वय्कः चेलातय्गु नाःचापाखे लखय् द्यंनि न्यासि झायादिल।
चेलातय्सं येशूयात खंबलय् इपिं तसकं ग्यात छाय्धाःसा इमिसं सुं भुतयात खंगु धकाः मति तयाच्वंगु खः। इपिं ग्याना च्वन धयागु खँ येशूं स्यु, अथे जुयाः वय्कलं इमित धयादिल, “ग्याये मते, जि हे खः!”
अनंलि पत्रुसं येशूयात धाल, “प्रभु, धात्थें छि हे खः धयागु जूसा जितः नं छिथाय् लखय् न्यासि वयेगु उजं बियादिसँ।” येशूं पत्रुसायत धयादिल, “वा!”
अथे जुयाः पत्रुस नाचां कुहां वनाः लखय् येशू दनादीथाय् न्यासे वन। अय्नं छुं ई लखय् न्यासे वने धुंकाः थःगु मिखां येशूयात स्वयेगु पलेसा वं लःयाकिसिद्वंबपाखे स्वल अले ग्वःफय् वयाच्वन धकाः मनय् ताय्कल।
थुकथं पत्रुस तसकं ग्यात अले व लखय् दुना वन। वं थथे धकाः चल्लाय् दनाः हाल, “प्रभु, जितः बचय् यानादिसँ।”
पत्रुस व येशू प्रभु नाःचाय् थाहां वन अनंलि ग्वःफय् थत्थें हे दीत अले लः शान्त जुल। नाःचाय् च्वंपिं मेपिं चेलात तसकं अजूचाल। अले इमिसं थथे धकाः येशूया आराधना यात, “धात्थें हे छि परमेश्वरया काय् खः।”
थ्व बाइबलया थुपिं पदत पाखें काःगु खः, मत्ती १४:२२-३३; मर्कूस ६:४५-५२; यूहन्ना ६:१६-२१ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।