36. ३६. येशूया रूप ह्यूगु
छन्हु, येशूं वय्कःया स्वम्ह चेलात पत्रुस, याकुब व यूहन्नायात थःनापं यंकादिल। (व यूहन्ना येशूयात बप्तिस्मा बीम्ह मनू मखुला) इपिं छगू तज्जाःगु पर्वतय प्रार्थना यायेत झायादिल।
येशू प्रार्थना याना च्वंनादिबलय, वय्कःया ख्वाः निभाः थें थिनाः वल, अले वय्कःया वसः नं जःथें त्वइसे च्वानाः वल।
अनंलिपा अन मोशा व एलिया अगमवक्ता खनेदयावल। थ्व मनूत व घटना जुइ सछि स्वया अप्व दं न्ह्यः तक म्वाःपि खः। इमिसं येशूनापं वय्कः सीगुया बारय् खँ ल्हात, गुगु याकनं हे यरूशलेमय् जुइ त्यंगु खः।
उबलय् मोशा व एलिया खँ ल्हाना च्वंबलय्, पत्रुसं येशूयात धाल, झीपिं थन हे च्वने दत धाःसा गुलि बांलाइ। जिमिसं स्वंगू बल्चा दय्के ला, छगू छितः, छगू मोशायात व छगू एलियायात। उबलय् वं छु धयाच्वंगु खः वं छु हे मसिल।
पत्रुसं थथे धया च्वंबलय्, तसकं थीगु सुपाय् वयाः इमित त्वपुल अले सुपाय दुनें थथे धया हःगु सः ताये दत, “थ्व जि यः म्ह काय् खः सुयात जिं तसंक माया याना। जि थ्व लिसे तसकं लय्तायागु दु। थ्वं धाःगु खँ न्यं।” थ्व खँ न्यना: चेलात तसकं ग्यानाः बय् भ्वसु वन।
अले येशूं इमित थियाः धयादिल, “दँ, ग्याये मते।” अले इमिसं चाकःछिं स्वल, अन वय्कः सिबय् मेपिं सुं हे मदु।
येशूया व स्वम्ह चेलात हाकनं पर्वतं क्वहां झायादिल। अले येशूं इमित धयादिल, थन जूगु घटनाया बारय् आः सुयात नं कने मते। जि याकनं हे सीमानी अले हाकनं म्वना वयेमानी। अनंलि छिमिसं मनूतय्त धाये फइ।
थ्व घटना बाइबलया थुपिं अध्यायत पाखें काःगु खः मत्ती १७:१-९; मर्कूस ९:२-८; लूका ९:२८-३६
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।