39. ३९. महासभया न्ह्यःने येशू
चान्ह्ययसिया इःलय् सिपाइँतय्सं न्यंत्वं यायेगु नितिं येशूयात दकलय् तःधंम्ह पुजाहारीया छेंय् यंकल। पत्रुस नं तातापाकं हे इमिगु ल्यू ल्यू वना हे च्वन। गुबले येशूयात छेंय् दुने यंकल, पत्रुस अन हे पिने च्वन। अले मि पना लुमुसि च्वंकल।
येशूयात छेंय् दुने यहूदी नायःतय्सं महासभाया न्ह्यःने तलः। इमिसं यक्वः मखुगु द्वपंत हल। गुम्हसिनं वया: वय्कःयागु बारय् मखुगु खँ ल्ह्यत। इमिगु खँ थः थःवये हे मिलय मजुल अय्जुगुलीं यहूदी नायःतय्सं वय्कःयात छुं खँय् नं दसि क्यने मफुत। येशूं छुं हे धयामदी।
दकलय् लिपा, तःधंम्ह पुजाहारीं येशूपाखे स्वल अले धाल, “जिमित धा, छु छ मसिह खः, म्वाःम्ह परमेश्वरया काय्?”
येशूं लिसःबियादिल, “जि खः, छिसँ जित परमेश्वरनापं च्वना च्वँगु व स्वर्गं वयाः च्वनागु खनितिनि।” दकलय् तःधंम्ह पुजाहारीं तंम्वया थःम्हं फिनातःगु लं खुत: अले मेपिं धार्मिक नायःतय्त थथे धयाः हाल, “थुलिं अप्वः जिमित मेगु छुं साक्षी म्वाल?”
दक्व यहूदी नायःतय्सं लिसःबिल, “थ्व सीःत योग्यम्ह खः
पत्रुस छेंय्पिने हे पिवाः च्वनाच्वन। छम्ह भ्वातिं नं पत्रुसयात खन अले धाल, “छ नं येशू नापं हे च्वंम्ह मखु ला?
अले पत्रुसं थथे धकाः बाचा यात, “जिं थ्व मनूयात म्हःस्यू जुसाः परमेश्वरं जितः सजाँय बियादीमा।”
अले पत्रुस अन पिहा वनाः ख्व वन। व धोखा बीम्ह यहूदां यहूदी नायःतय्सं येशूयात स्यायेगु नितिं दोष लग्ययाना च्वंगु खन। यहूदा पस्ताय् चायाः नगः मछिंकल अले अन म्यःथाय् वना आत्महत्या यात।
सुथ न्हापां हे यहूदी नायःतय्सं येशूयात रोमी राज्यपाल पिलातसया न्ह्यःने हल। इमिसं थ्व आशा याना च्वंनं कि पिलातसं येशूयात दोषी मानय् याइ अले वय्कःयात मृत्युदण्ड बिइ धकाः। पिलातसं येशू यात न्यन, “छु छः यहूदीतय् जुजु खःला?”
येशूं लिसः बियादिल, “छिं थःम्हं हे धयादिल, तर जिगु राज्य संसारयागु राज्य मखु। अथे खःसा ला, जिम्ह सेवकतय्सं जिगु नितिं ल्वापु याइ मखु। जि संसारय् परमेश्वरयागु खःगु खँ धायेत वयागु खः। सुना खःगु खँ यात ययेकी, इमिसं जिगु खँ न्यनी।” पिलातसं धाल, “खःगु खँ छु खः?”
येशूनापं खँ ल्ह्यःय धुंकाः पिलातस भीडथाय् पिहाः वल अले धाल, जिं थ्व मनू याके छु हे दोष लुइके मफुत।” तर यहूदी नायःतय्सं व भीडं थथे धया हाला हल, “वयाःत क्रूसय् यख्खानाः स्याना छ्व।”
भीडं ल्वापु थनाः हइनं धयाः सिया पिलातस ग्यात। अथेजुगुलिं पिलातसं थः सिपाइँतय्त येशूयात क्रूसय यख्खाना स्यायेगु आदेश बिल। रोमी सिपाइँतयसं येशूयात कोर्रां दाय्काः राजकीय वसः पुंकाः अले कँ नं दय्का तःगु श्वीपेच वयकःयात छेनय् पुइकाबिल। अले इमिसं वय्कःयात थथे धयाः गिज्ययात, “स्वः, यहूदीतय् जुजु।
थ्व घटना बाइबलया थुपिं अध्यायत पाखें काःगु खः मत्ती २६:५७-२७:२६; मर्कूस १४:५३-१५:१५; लूका २२:५४-२३:२५; यूहन्ना १८:१२-१९:१६
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।