40. ४०. येशूयात क्रुसय्‌ यख्‍खाःगु

येशूयात गिजय्‌ याये धुंकाः सिपाइँतय्‌सं वय्‌कःयात क्रूसय्‌ यख्‍खायेगु नितिं अन मेगुथासय्‌ यंकल। इमिसं वय्‌कःयात क्रूस ज्‍वंकल गुके वय्‌कःयात यख्‍खायेगु खः।

व सिपाइँतय्‌सं येशूयात “खप्‍परे” धाइगु थासय् हल अले वय्‌कःया ल्‍हाः व तुःतियात क्रुसय् तया नः किं ताना बिल। तर येशूं धयादिल, “बाः इमित क्षमा यानादिसं, छाय् धाःसा इमिसं छु याना च्‍वंनागु धइगु व इमिसं मस्‍यू।” पिलातसं व सिपाइँतय्‌त छगू पौलय्‌ “थ्‍व यहूदीतय् जुजु खः” धकाः च्‍वल। व पौ यात क्रूसय येशूया छ्यं फुसय् तःया बीगु आदेश बिल।

सिपाइँतय्‌सं येशूयागु वसःतय् चिट्ठा तल अले इमिसं थथे यागुलिं थुकथं धर्मशास्‍त्रय् च्‍वया तःगु अगमवाणी पूवन, सुना धयाःतगु खः “इमिसं जिगु वसःत थःथःवय् इना काल अले जिगु वसःयागु नितिं चिट्ठा तल।

येशूयात निम्‍ह दाखुँतय्‌ बीचय् क्रुसय यख्‍खागु खः। वं मध्‍य छम्‍हय्‌सिनं येशूयात गिजय् यात, तर मेम्‍हसिनं धाःसा धाल, “छु छंन्‍त परमेश्‍वरयागु छुं ग्‍या: भय् मदु ला? झिपीं ला दोषी खः, तर थ्‍व मनू ला निर्दोष म्‍हः खः।” अले वं येशूयात धाल, “जिं छितः इनाप याये जितः छिगु राज्‍यलय् जितः लुमंकादिसं।” येशूं लिसः बियादिल, “थौं हे, छ जि नापं स्‍वर्गय् जुइतिने।”

यहूदी नायःत व भीडय्‌ च्‍वंपिं मेपिं मनूतय्‌सं येशूयात गिजय्‌ यात। इमिसं वय्‌कःयात धाल, “छः परमेश्‍वरया काय् खःसा, क्रुसं क्‍वहां वयाः थःत बचय् या।”

अबलय् सारा संसार हे खिउँसे च्‍वना वल। थ्‍वबलय्‌ न्‍हिनय्‌सिया ई खः। व खिउँसे मध्‍यान्‍हया तीन बजे तक हे च्‍वनाच्‍वंन।

अले येशू तसकं हालादिल, “आ सिद्धल।”

वय्‌कःया मृत्‍यु पाखें, येशूं मनूतय्‌गु नितिं परमेश्‍वरथाय् वनेगु लँ चायकादिल। उबलय् येशूयात पिवा च्‍वनाच्‍वँपिं व सिपाइँतय्‌सं थ्‍व फुक्‍क खँत जुगु खन। वं धाल, “धाःथें हे, थ्‍व मनू निर्दोषम्‍ह खः। वय्‌क परमेश्‍वरया काय् खः।”

अले योसेफ व निकोदेमस, येशूयात मुक्ति बीम्‍ह खःधकाः विश्‍वास याइम्‍ह निम्‍ह यहूदी नायःतय्‌सं पिलातसयाथाय् वनाः येशूयागु सीम्‍ह फ्वं वन। इमिसं वय्‌कःया सीम्‍ह यात कापतं हिन अले पहाड ह्वखनाः दय्‌कातःगु चिहानय् यंकाः तया बिल। थथे याये धुंकाः इमिसं चिहानयागु म्हुतु तिनाबीत उकिःया न्‍ह्यःने छगः तग्‍वःगु ल्‍वहं गुलु तुइकाः चिहानया प्‍वाःलय्‌ तयाबिल।