41. ४१. परमेश्वरं येशूयात सीपाखें म्वाकादिल
सिपाइँतय्सं येशूयात क्रूसय् नकिंताना स्यायेधुंका विश्वास मदुपिं यहूदी नायःतय्सं पिलातसयात धाल, “व मखुगु खँ ल्हाइम्ह येशूं धाःगु दु, स्वन्हु दय्का हाकनं म्वाना वये। वया चेलातय्सं येशूयागु सिम्ह खुयायंकी अले व हाकनं म्वाना वःगु दु धकाः धाये मफय्मा धइगु खँ पक्का यायेग निंति चिहानय् पिवाः तयेमाः।”
पितातसं धाल, “छुं सिपाइँत ब्वँना यंकी अले व चिहानयात छिमिसं फक्क सुरक्षा यानाती।” अथे जुयाः इमिसं चिहानया म्हुतुप्वाः तिनातःगु ल्वहँतय् छगू मोहर छाप तयाबिल अले सुनानं येशूया सिम्ह खुया यंके मफय्मा धकाः सिपाइँतय्त अन पिवाः तल।
येशूयात थुंगु खन्हय् खुन्हु विश्रामबार खः अले यहूदितय्त उखुन्हु चिहानय् वनेगु अनुमति मदु। अथे जुयाः शबाथ दिंया कन्हय् खुन्हु सुथ न्हापां हे सुं मिसात येशूयात तयातःगु चिहानय् वय्कःया म्हय् अत्तर बुइकः वनेत तयार जुल।
आकांझाकां तःभुखाय् ब्वल। नन्यात अले ल्हावसा त्वयाच्वन अले स्वर्गदूतत आकाशय् खने दत। अले वय्कलं चिहानया म्हुतुप्वाः तिनातःगु तःग्वःगु ल्वँ अन चिकाः उकि हे फेतुनादिल। चिहानय् पिवाः च्वनाच्वंपिं सिपाइँत तसकं ग्यात अले सीपिं मनूत थें बँय् ग्वारतु वन।
उपिं मिसात चिहानय् थ्यंबलय् अन स्वर्गदूततय्सं इमित थथे धाल, “ग्याये मते। येशू थन मदी। वय्कलं धयादीगु थें वय्कः हाकनं सीपाखें म्वानाझायादीगु दु।
अले स्वर्गदूतं उपिं मिसातय्त धाल, “वना चेलातय्त धयाब्यु, ‘येशू सीनाम्वाना झायादीगु दु अले वय्कः छिमिगु न्ह्यः न्ह्यः गालिलय् झायादी।’”
उपिं मिसात तसकं ग्यात अय्नं इमिगु नुगः तसकं लय्ताः। अथे जुया इमिसं चेलातय्त थ्व लय्ताया बुखँ न्यंकेत ब्वाँय् वन।
उपिं मिसातय्सं चेलातय्त थ्व लय्ताया बुखँ न्यंका च्वंबलय् प्रभु येशू इमिथाय् खनेदय्कः झायादिल, अले इमिसं येशूयात क्वछुना दण्डवत यात। येशूं इमित धाल, “ग्याये मते। वनाः जिमि चेलातय्त गालिलय् हुँ धकाः धयाब्यु। अले इमिसं जित अन हे खंकेफइ।
थ्व बाइबलया घटना थुपिं अध्याय पाखें काःगु खः मत्ती २७:६२-२८:१५; मर्कूस १६:१-११; लूका २४:१-१२; यूहन्ना २०:१-१८
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।