43. ४३. मण्डली शुरू जूगु
येशू स्वर्गय् थाहां झायादी धुंकाः चेलात येशूं आज्ञा यानादी थें यरुशलेमय् हे च्वनाच्वन। अन दुपिं विश्वासीत नापं मिलय् जुयाः प्रार्थना यायेत छथाय् मुना च्वन।
दँय् दँसं यहूदीतय्सं छुत्काराया नखः न्यय्न्हु (५०) लिपा तसकं महत्त्व दुगु दिं पेन्तिकोसया दिं खुन्हु मानय् याइगु खः। पेन्तिकोस नखः यहूदीतय् बाली लइगु इलय् मानय् याइगु खः। उखुन्हु संसारय् फुक्क थासय् च्वंपिं यहूदीत यरुशलेमय् सकलें मिलय् जुया पेन्तिकोसया नखः हनेत वइगु खः। उगु दँलय् पेन्तिकोसया नखः येशू प्रभु स्वर्गय् झायादीगु झिन्हु (१०) लिपा लाःगु खः।
फुक्क विश्वासीत छथाय् मुना प्रार्थना यानाच्वंगु इलय्, आकांझाकां इपिं च्वनाच्वंगु छेँय् तच्वःगु फय् वया हुरुरु सः वल। अनंलि मियागु तसकं थीगु चिज खने दया फुक्क विश्वासीतय्गु छेँनय् च्वन। अले इपिं फुक्क पवित्र आत्मां जायाः इमिसं मेमेगु भासं नवाना हल।
येरूशलेमय् च्वंपिं मनूतय्सं अन जुयाच्वंगु हाहूया सः ताया छु जूगु धकाः स्वयेत वल। अले अनच्वंपिं विश्वासीतय्सं अजूचायापुगु ज्याया बारे इमिगु थःगु हे मांभासं प्रचार यानाच्वंगु अन स्वयाच्वंपिं मनूतय्सं न्यंबलय् इपिं तसकं छक्क जुल।
छुं मनूतय्सं चेलातय्त दाखमद्य त्वःना लगय् जुया च्वंपिं धकाः धाल। अय्नं पत्रुस दनाः इमित थथे धाल, “न्यनादिसँ! मखु इमिसं मद्य त्वंगु मदु। अन छिमिसं छु खनाच्वंगु दु थुकिया पलेसा छिमिसं योएल अगमवक्तां नवाःगु थें जूगु वःगु दु, परमेश्वरं धयादी, ‘अन्तया दिनय् जिं मनूतय्त थःगु आत्मां जायेकाबी।
ए इस्राएलया मनूत, येशू छम्ह मनू जूसां नं वय्कलं परमेश्वरया शक्तिपाखें यक्व तःधंगु चिं व अजूचायापुगु ज्यात यानादिल। उपिं ज्यात छिकपिन्सं खंगु व स्यूगु दु। अय्नं वय्कःयात क्रूसय् यख्खानाबिल।
“येशू सीनादीसां नं परमेश्वरं वय्कःयात स्वन्हु दय्का सीपाखें म्वाकादिल। थ्व खँ उपिं भविष्यवाणीत पूवन गुगु थथे धयातःगु खः, ‘छिसं थः पवित्र जनयात चिहानय् ध्वःगीकादी मखु।’ झीपिं व खँया साक्षीत खः अले परमेश्वरं येशूयात हाकनं म्वाकादिल।”
“आः येशू परमेश्वरया बाःया जवः ल्हापाखे महिमित जुयादीगु दु। अले येशूं बाचा यानादी थें पवित्र आत्मा छ्वयाहयादीगु दु। थौंकन्हय् छिकपिन्सं खंगु व न्यनाच्वंगु खँत पवित्र आत्मां हे धयादीगु व यानादीगु खः।”
“छिकपिन्सं येशूयात क्रूसय् यख्खानाबिल। अय्नं थ्व खँ पक्का याना सिकादिसँ परमेश्वरं येशूयात प्रभु व मसिह नितां दय्कादिल।
पत्रुसं धाःगु खँ न्यनाच्वंपिं मनूतय्त वयागु खँ नुगलय् थ्यंक हे दुहांवन। अथे जुयाः इमिसं पत्रुस व चेलातय्के न्यन, “किजापिं अय्सा जिमिसं छु छु यायेमा?”
पत्रुसं इमित लिसःबिल, “छकपिं सकसिनं पश्चाताप यायेमा अले येशू ख्रीष्टया नामं बप्तिस्मा कायेमा, अले वय्कःपाखें परमेश्वरं छिकपिनिगु पाप क्षमा यानादी। अले वय्कलं छिकपिन्त पवित्र आत्माया वरदान नं बियादी।”
लगभग स्वद्वः (३,०००) मनूतय्सं पत्रुसं धाःगु खँ न्यना विश्वास यात अले येशूया चेला जुल। इमिसं बप्तिस्मा काल अले इपिं यरूशलेमया मण्डलीया अधिकार दुपिं जुल।
उपिं चेलातय्सं न्ह्याबलें प्रेरिततय्गु शिक्षा न्यना इपिंनापं हे च्वना सय्केगु यात। इपिं छथाय् हे च्वना नये त्वने याइगु अले मुना प्रार्थना यायेगु यात। इपिं सकलें मिलय् जुया परमेश्वरया प्रशंसा यायेगु यात अले इमिके दुगु फुक्क चिजत मंका याना तल अले सुयातं छुं माला धाःसा व इनाबीगु याइगु खः। इपिं फुक्कसिनं भिंगु बिचा याइगु खः। न्हिया न्हिथं विश्वासीत अप्वया वन।
थ्व घटना बाइबलया थुपिं अध्यात पाखें काःगु खः प्रेरित २ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।