5. ५. बाचाया सन्तान
कनानय् च्वंवंगु झिदँ (१०) दय्कधुंका नं अब्राम व साराइया सुं नं सन्तान मदु। अथे जुयाः अब्रामया कलाः साराइनं वयात धाल, “परमेश्वरं जितः थारिम्ह यानादीगु दु अले आः मचाबुइकेगु निंतिं जि बुह्रि जुइधुंकल, अथे जुयाः जिमि भ्वातिं हागारनापं ब्याहा यानादिसँ अले वं जिगु निंतिं छम्ह सन्तान बुइकी।
अथे जुयाः अब्रामं हागारनापं ब्याहा यात। हागारं छम्ह काय् बुइकल, अले अब्राम्हं वयागु नां इश्माएल तल। अय्नं साराइनं हागारयात दाह याना हल। इश्माएल झिंस्वदँ (१३) दय्धुंका, परमेश्वर हाकनं अब्रामनापं नवानादिल।
परमेश्वरं धयादिल, “जि दक्वसिबय् बल्लाःम्ह परमेश्वर खः। जि छ नापं छगू बाचा चिने।” अले अब्रामं बँय् भ्वसुला परमेश्वरयात भागीयात। परमेश्वरं हाकनं धयादिल, “छ यक्व देशया बौ जुइ। कनान देशयात जिं छ व छिमि सन्तानतय्गु ल्हातय्बियागु दु अले जि सदां छिमि परमेश्वर जुइ। छं थः छेँजःया फुक्क मिजंतय्गु खतना यायेमाःगु दु।” (थ्व यहूदीतय्गु छगू परम्परा खः। थ्व मिजंमस्तय्गु गुप्त अंगया च्वकाय्च्वंगु छेंगू ध्यनेगुयात खतना धाइगु खः।)
छिमि कलाः साराइनं छम्ह काय्बुइकी - व धाःसा बाचायानातःम्ह सन्तान जुइ। छं वयागु नां इसहाक ती। वनापं जिं बाचा ची अले वयागु निंतिं छगू तःधंगु देश दइ। जिं इश्माएलयात नं तःधंगु देश बी अय्नं जिं जिगु बाचा धाःसा इसहाकनापं हे ची।” अनंलिपा परमेश्वरं अब्रामयागु नां अब्राहाम तयादिल, उकिया अर्थ यक्वसिया बौ खः। परमेश्वरं साराइया नां आः ‘सारा’ तयादिल, उकिया अर्थ “राजकुमारी” खः।
उखुन्हु अब्राहामं थः छेँजःया फुक्क मिजंतय्गु खतना यानाबिल। अनंलि दछि लिपा, अब्राहाम सछि दँ व सारा गुइदँ दुबलय् सारां अब्रामया निंतिं छम्ह काय् बुइकल। परमेश्वरं धयादी थें हे इमिसं वयागु नां इसहाक तल।
इसहाक मचाया ईलय् हे परमेश्वरं अब्राहामया विश्वासयात जाँचय् यानादिल अले धयादिल, “छिमि छम्ह हे जक काय् इसहाकयात ज्वनाः हुँ अले वयात जिगु निंतिं बलि ब्यु।” अब्राहामं परमेश्वरं धयादीगु खँयात मानय्यात अले थः काय्यात बलि बीत तयार जुल।
अब्राहाम व इसहाक वेदीपाखे वनाच्वंबलय् इसहाकं न्यन, “अबु, झीके बलिया निंतिं सिँत ला दु अले भ्याःचा धाःसा ग्वलय्?” अब्राहामं लिसः बिल, “अय् जिमि काय् परमेश्वरं हे बलिया निंतिं भ्याःचा ज्वरय्यानादी।”
उपिं वेदी दुथाय् थ्यंबलय् अब्राहामं थः काय्यात चित अले वयात वेदीइ तल। अब्राहामं थः काय्यात बलि बीत संबलय् परमेश्वरं धयादिल, “आसे
अन लिक्क अब्राहामं छम्ह भ्याःचा झालय् तःक्यना च्वंगु खन। पमेश्वरं व भ्याःचायात इसहाकया पलेसा बलिया निंतिं अन तयादीगु खः। अब्राहाम लय्लय्ताया व भ्याःचायत बलि बिल।
अले परमेश्वरं अब्राहामयात धयादिल, “छं जिगु निंतिं थःगु फुक्क चिज बीत तकं तयार जूगुलिं अले थः छम्ह हे जुक काय्यात नं ल्यंका मतःगुलिं जिं छन्त आशिष बीगु बाचा याये। छं सन्तानत सर्गय् नगुत स्वया अप्व दइ। छं जिगु आज्ञा मानय् यागुलिं, पृथ्वी फुक्क छेँजःतय्सं छं छेँजःतपाखें आशिष काय्खनि।
बाइबलया बाखं : उत्पत्ति १६-२२ पाखें
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।