6. ६. परमेश्वरं इसहाकयात बियादिल
अब्राहाम बुह्रा जुइधुंका वया काय्इसहाक छम्ह दक्व ज्याःसम्ह मनू जुइ धुंकूगु खः। अथे जुयाः अब्राहामं थः छम्ह च्यःयात अब्राहामया थथीतिपिं दुगु देशय्इसहाकया निंतिं छम्ह भम्चा हयाब्यु धकाः छ्वत।
अब्राहामया थःथीतिपिं च्वनिगु देशय्ताःहाकःगु लँपुइ वने धुंकाः परमेश्वरं व च्यःयात रिबेका नांयाम्ह छम्ह मिसायाथाय्यंकादिल। व अब्राहामया किजाया छय्खः।
रिबेका थः छेँजःयात त्वःता व च्यःनापं इसहाकया छेँय्वनेत मानय्जुल। व इसहाकया छेँय्थ्यने धुंकाः इसहाकं वनापं ब्याहा यात।
यक्व ई लिपा, अब्राहाम सित अले परमेश्वरं वनापं बाचा याःगु फुक्क खँत आः इसहाकयापाखे सरय् जुल। परमेश्वरं अब्राहामया अल्याख सन्तानत दइ धकाः बचं बियादीगु खः, अय्नं इसहाकया कला रिबेकाया छम्ह नं मस्त मदु।
इसहाकं रिबेकाया निंतिं परमेश्वरयाके प्रार्थना यात, अले परमेश्वरं रिबेकाया प्वाथय् निम्ह मचा बियादिल। उपिं निम्ह मचा रिबेकाया प्वथय् हे थवंथवय् ल्वायेगु यानाच्वन, अथे जुयाः रिबेकां परमेश्वरनापं थ्व छु जुया च्वंगु खः धकाः न्यन।
परमेश्वरं रिबेकायात धयादिल, “छंगु प्वथाय् दुने थुपिं निम्ह मचापाखें निगू देशत पिहां वइगु खः। इपिं देशत थथवय् ल्वायेगु याइ अले जेठाम्ह काय्नं कान्छाम्ह काय्यागु सेवा याइ।”
अले रिबेकां काय् बुइकल, जेठाम्ह काय् ह्याउँम्ह व म्ह छम्हं सँया सँ दुम्ह बुल अले इमिसं वयागु नां एसाव तल। अय्नं कान्छाम्ह धाःसा थःगु ल्हाः जेठाम्हय्सिगु ग्वालि ज्वनाः बुल अले इमिसं वयागु नां याकूब तल।
बाइबलया बाखं : उत्पत्ती २४:१-२५:२६ पाखें
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।