7. ७. परमेश्वरं याकूबयात आशिष बियादीगु
उपिं मचात ब्वलना वल, याकूब छेँय्हे च्वने मंदुम्ह खः, अय्नं एसावयात धाःसा शिकार यावने मंदुम्ह खः। रिबेकां याकूबयात तसकं हे माया याइगु खः, अय्नं इसहाकं एसावयात माया याइगु यात।
छन्हु, एसव शिकार याना छेँय् लिहां वल, अले वयात तसकं हे नयेमास्ति वल। एसावं याकूबयात धाल, “छं दय्कागु छुं नयेगु नसा जितः नं ब्यु?” याकूबं लिसः बिल, “न्हापालाक जितः छिगु तःधिम्ह काय्या अधिकार बियादिसँ।” अले एसावं थःगु तःधिम्ह काय्या अधिकार याकूबयात बिल अले याकूबं वयात छुं नयेगु नसा बिल।
इसहाकं थःगु आशिष एसावयात बीगु इच्छा यानाच्वंगु खः। अय्नं वं अथे याये न्ह्यः, रिबेका व याकूब मिलय्जुयाः याकूबयात एसाव थें हे च्वंक दय्काः इमिसं इसहाकयात ध्वंलात। इसहाक बुह्रा जुइधुंकूम्ह ख अले मिखां मखने धुंकूम्ह खः। याकूबं एसावयागु लं फित अले च्वतय्चियागु छेंगुलिं गपतय्व ल्हातय्भुना ब्यूगु खः।
याकूब इसहाकयाथाय् वल अले धाल, “जि एसाव खः। जि छिके आशिष फ्वने वयाम्ह खः।” इसहाकं च्वलेचिया सँयात थिया स्वल अले वं फिनांतःगु लं नतुना स्वल, व एसाव हे जुइमा धकाः वं बिचाः यात।
एसावं याकूबयात घृणा याइगु खः छाय्धाःसा याकूबं वयागु तःधिम्ह अधिकार व वयागु आशिष लाका काःगु खः। अथे जुयाः वं थः अबु सीधुंका याकूबयात स्यायेगु ग्वसा ग्वल।
अय्नं एसावं याकूबयात स्यायेगु ग्वसा ग्वःगु दु धयागु खँ रिबेकां सिकल। अथे जुया इसहाक व रिबेकां याकूबयात इपिं च्वना च्वंगु थासं तापाक्क इमि थथितिपिन्थाय्छ्वयाबिल।
याकूब यक्व दँतक रिबेकाया छेँजःपिं नापं तुं च्वन। उगु इलय्वं ब्याहा यात अले वया झिंनिम्ह काय्पिं व छम्ह म्ह्याय्दत। परमेश्वरं वयात तसकं तःमि यानादीगु खः।
नीदँतक थःगु छेँ कनान स्वया तपाक्क च्वने धुंकाः याकूब थः छेँजःपिं, थः च्यःत व थःगु फुक्क पशुत ज्वनाः हाकनं कनानय्तुं लिहां वल।
याकूब तसकं ग्याना च्वंगु खः छाय्धाःसा एसावं वयात स्यायेगु इच्छा यानाच्वंगु दु धकाः वं बिचाः याःगु दु। अथे जुयाः याकूबं यक्व पशुत उपहारकथं एसावयाथाय् छ्वःया ब्यूगु खः। उपिं पशुत ज्वनाःवंपिं च्यःतय्सं एसावयात धाल, “छिकपिनि च्यः, याकूबं छिगु निंतिं थुपिं पशुत बिया छ्वयाहःगु दु। वय्कः याकनं हे झायदीत्यंगु दु।”
अय्नं न्हापा हे एसावं याकूबयात क्षमा बी धुंकूगु खः अले इपिं निम्हं थथवय् नापलाय् दुगुलिं इपिं तसकं लय्ताः। परमेश्वरं अब्राहामयात बाचा बियादीगु खँत आ इसहाकपाखें याकूबयाके सरय्जुल।
बाइबलया बाखं : उत्पत्ति २५:२७-३३:२० पाखें
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।