10. दस विपत्तियाँ

परमेश्वर मूसा अर हारून के चेतावनी दिलो की फिरौन हठीला होईद। जब हुन फिरौन लग गेलो तब हुनिईता बल्ला, “परमेश्वर यो बलिदाहेय, ‘माचा मानेयांग जाउक देस! “तबले फिरौन हूनांगची ईसुनेय अर इस्राएलियांग जाता करता स्वतंत्र करता चो बजाए हुन हूनांग अर कठिन काम करूक मजबूर करलो!

फिरोन हुन मानेयांग जाउक देता करता लगातार इनकार करते रेहेय, तबले परमेश्वर मिस्रयें दस भयंकर विपत्ति पठावलो ईही विपतियांग चो दुवारा परमेश्वर फिरोन, के देखावलो कि हुन फिरोन अर मिस्र चा देवतांग ले जादा शक्तिशाली आसेय।

परमेश्वर नील नदी रकते बदलू दिलो, तबले फिरोन एभे बल इस्राएलियांग जाऊक ईदेय।

परमेश्वर सम्पुण मिस्रीये मेंढका पठावलो। फिरोन मेंढाकांग दूर करुक मुसाक विनती करलो। तबले सपा मेंढकांग चा मरला चा पासे, फिरोन आपला मन के कठोर करलो अर इस्राएलियांग मिस्र ले निकरून जाउक ईदेय।

याहायकरता परमेश्वर पुरखा चा विपति पठावलो। हूनाचा पासे डांसो चो विपति पठावलो। फिरोन मूसा अर हारून के कोकलो अर हुन बल्लो यदि हुन विपतिक रुकाव देईद तब इस्राएलि मिस्र के सांडून जाउक सकधात। जब मूसा प्राथना करलो तब परमेश्वर मिस्र ले डांसाक हटाव दिलो। तबले फिरोन आपला मन के कठोर करलो अर हुन हूनी मानेयांग स्वतन्र होउन जाउक इदेय।

यहा चा पुरहे, परमेश्वर मिस्रीयांग चा पालतु जानवरांग बीमार होउन मरुक दिलो। तबले फिरौन चो मन कठोर होऊ रेहेय अर हुन इस्राएलियांग जाउक इदेय।

तब परमेश्वर मुसाक फिरौन चा पुरहे हवाये राख फिगुक बल्लो। जब हूनितो इसे करलो तब मिस्र मानेयांग मुहें पीड़ा दायक फोड़ा निकरला, तबले इस्राएलिया कहि घला इहोय। परमेश्वर फिरौन चा मन के कठोर करू दिलो, अर फिरौन इस्राएलियांग स्वतंत्र होउन जाउक इदेय।

याहचा पासे, परमेश्वर आगी गिरावलो अर मिस्र चा अधिकांश फसल के नष्ट करलो अर जो कोंहू दुवारे निकरला हूनांग मारलो। फिरौन मूसा अर हारून के कोकलो अर हूनांग बल्लो, “मै पाप करले हाय। तुमी जाउक सकासा। “मतलब मूसा प्राथना करलो, अर आकाश से ले आगी गीरतो रूकलो।

तबले फिरौन फेर पाप करलो अर आपला मन के कठोर करलो। हूनितो इस्राएलियांग स्वतत्र होउन जाउक ईदेय।

तबले परमेश्वर मिस्रयें थाफांग चा दल के एउक दिलो। इही थाफांग हुन सपा फसल के खादला जेके इंगीरा नाश इकरू रहत।

फेर परमेश्वर अंधकार करू दिलो जो तीन दिन तक हूसेय रेहेय। हुन ईतलो घोर रेहेय कि मिस्री मानेय आपला घरांग ले निकरुक ईपावत। तबले जहा ईस्राएली मानेय रहत हूता उजड़ रेहेय।

इहि नोंव विपतियांग चा पासे भी, फिरोन ईस्राएलीयांग स्वतंत्र होउन जाउक देऊक इनकार करलो। कायंकी फिरोन ईसुनु रेहेय याहायकरता परमेश्वर एक अनतिम विपति पठावता चो योजना बनावलो। यो फिरोन चा मन के बदलो।