11. तिहार

परमेश्वर मुसाक अर हारून के फिरौन लग यो बलुक पठावलो कि इस्राएलियांग जाऊक देस। हूनितो हूनाक चेतावनी दिलो कि अगर हूनांग जाऊक ईदेसे, तब परमेश्वर मिस्र चा मानेयांग अर जानवरांग सबले बड़े हानांग मारू देईद। फिरौन याहाक सुनुन बल परमेश्वर के विश्वास करूँक अर हूनाचो बात मानुक इनकार करलो।

परमेश्वर हूनाचा लग विश्वास करिया इतांग काचाय घला बड़े बेटाक वांचावता करता एक उपाय चो बंधोबस करलो। हर परिवार के एक ठान पवित्र भेड़ीक धरून हूनाक पुजतो आयं।

परमेश्वर इस्राएलियांग हुन भेड़ी चा रकत के आनुन आपला घरे चा दुवारे लगाऊक बल्लो। हूनाचा मांस के रानधला अर फेर हूनाक अखमिरी पोरी संग हुन भात खादला। पासे हूनांग चा तत्काल मिस्र के सांडूक बल तैयार रहूक बल्लो।

जिसे करुक परमेश्वर इस्राएलियांग आदेश देऊ रेहेय हूनिईता हूनाचा अनुसार सब कुछ करला। आधाराति, परमेश्वर एकला बड़े कड़हाक नाश करतेय मिस्र चा लगेय होउन गेलो।

इस्राएलियांग चा अर एक घर चा द्वारे रक्त लगावलो रेहेय, हूनेय करता परमेश्वर हुन घराग साडून दिलो। हूनाचा भीतरे चा सपा मानेय अच्छा रहत। हुन भेड़ी चा करता चा कारन वाचला।

तबले मिस्रीया पमेश्वर के विश्वास रहत अर हूनाचा आदेशांग ईमानु रहत। हूनेय करता परमेश्वर हूनाचा घरांग ईसाड़ेय। परमेश्वर मिस्रियांग चा हर एकला बड़े कड़हाक मारू दिलो।

जेल खानाये चा कैदीयांग चा बड़ेहान ले, फिरौन चा बड़े तक, हर एकलो बड़े लेका मरला। आपला गहरी बेदन चा कारन मिस्र चा खुबेय मानेय गागते रहत अर विलाप करते रहत।

हूनेय राती, फिरौन मुसाक अर हारून के कोकलो अर बल्लो, “इस्राएलियांग धरून जल्दी मिस्र ले निकरून जहा! ”मिस्र चा मानेय हाला इस्राएलियांग जल्दी निकरून जाता चो आग्राह करला।