25. शैतान यीशुक परिक्षा करिदा हेय

यीशु चो बपतिस्मा होला चा पासे, पवित्र आत्मा हूनाक बादोड़े निलो। यीशु हूता चालीस दिन अर चालीस रात रेहेय। हुन समय हुन उपवास करलो, अर शैतान यीशु लग एऊन पाप कराऊन हुनाचो परीक्षा करलो।

पुरहे, शैतान यीशुक बल्लो, ”अगर तुयं परमेश्वर चो बेटा आस तो या पखनाक पोरी बनाव ताकि तुयं खाऊक सक!”

तबले यीशु शैतान के बल्लो, “परमेश्वर चा वचने यो लिखलो आसेय, ”जीवत रता करता मानेय के केवल पोरी चो जरूरी नाही, तबले हूनांग हर हुन गोठ चो जरूरी आय जो परमेश्वर हुनांग बलिदा हेय!“

तब शैतान यीशुक मंदिरे चा सबले ऊचें निलो। हुन हुनाक बल्लो, ”अगर तुयं परमेश्वर चो बेटा आस तो एथाले खाले डेवग, कायंकि लिखलो हाय, परमेश्वर तुक उठावता करता आपला स्वर्गदूतांग आज्ञा देइद कि तुचा खाटायें पखानायें इलगीद।”

तबले यीशु हुन इकरेय जो शैतान हूनाक करूक बलु रेहेय। यहाचो बजाए, हुन बल्लो, ”परमेश्वर हर एक के बलिदा हेय, “तुयं प्रभु आपला परमेश्वर चो परीक्षा इकरसे।“

फेर शैतान हुनाक संसार चा सपा राज्य के देखावलो। हूनितो हूनाक देखावलो कि हुन कितलो शक्तिशाली रेहेय, अर हुन कितलो सम्पन्न रेहेय। हुन यीशुक बल्लो, “मै तुक या सपांग देइन। अगर तुयं मांडी मोडुन माचो आराधना करसे।”

यीशु जवाब दिलो, “ए शैतान, माचा लगले चले जा! परमेश्वर चा वचने हुन मानेयांग आदेश देयदा है, ‘केवल आपला प्रभु परमेश्वर चो आराधना करा। परमेश्वर चा रूपे केवल हुनाचोय आदर कर।

यीशु शैतान चा परीक्षायेंले हार इमानेय, याहायकरता शैतान हूनाचा लगले गेलो। तब स्वर्गदूत ऐऊन यीशु चो सेवा करूक लगला।