27. दया करयो सामरी चो काहनी

एक दिन व्यवस्था चो एक विशेषज्ञ यीशु लग इलो। हुन सबके यो देखाऊक चाहते रेहेय कि यीशु गलत रीतियें शिक्षा देते रेहेय। याहायकरता हुन बल्लो, “ऐ गुरु, अनन्त जीवन पाँवता करता मैं कांय करीन ? “यीशु जवाब दिलो परमेश्वर चा व्यवस्थायें कांय लिखलो आसेय?”

हुन मानेय बल्लो, “हुन बलीदा हेय कि आपला परमेश्वर के आपला सपा मन, प्राण, सामर्थ,अर बुध्दी ले मया कर अर आपला पड़ोसीक आपलो ईसा मया कर। “यीशु जवाब दिलो, “तुंय एक दम सही आस! अगर तुंय ईसे करसे, तो तुक अनन्त जीवन मिरिद।”

तबले हुन व्यवस्था चा विशेषज्ञ मानेयांग देखाऊक चाहते रेहेय कि हूनाचो जीवन जीवता चो तरीका सही रेहेय। याहायकरता हुन यीशुक समजावलो, “ठीक आसेय तो माचो पड़ोसी कोन आय?”

यीशु हुन व्यवस्था चा विशेषज्ञक एक काहनी सांगता चो दुवारा जवाब दिलो। “एक यहूदी मानेय रेहेय जो एक सड़के होऊन यरूशलेम ले यरीहो चो यात्रा करते रेहेय।”

“तबले आधो डाकुया हूनाक देखला अर हूनाक हमला करला। हूनिइता हूनाचा सब के धरला अर हूनाक लग भग मरते तक मार पेट करला। तब हूनिइता गेला।”

हूनाचा तुरन्त पासे एक यहूदी याजक हूनेय सड़क वाटक गेलो। हुन याजक हुन मानेय के सड़के घुड़लाक देखलो। जब हुन हूनाक देखलो तो हुन सड़क चा दुसरा तेव जाऊन पुरहे गेलो। हुन हूनाक पूरी तरह अनदेखा करलो।”

याहचा पासे कुछ समय बितला चा पासे एकलो लेवी हुन सड़के इलो। (लेवी यहुदियांग चो एक गोत्र रेहेय हूनिइता मंदिरे याजकांग चो सहायता करू रहत। हुन लेवी बल सड़क चा दुसरा वाटक गेलो। हूनइतो बल हुन मानेय के अनदेखा करलो।”

“दुसरा जन हुन सड़के इलो हुन सामरिया चो एक मानेय आय। सामरी अर यहूदी एक दुसराक नफरत करया आत। हुन सामरी सड़के हुन मानेय के देखलो कि हुन यहूदी आय तबले बल हुन हूनाक खूब तरस खादलो। मतलब हुन हूनाचा लग गेलो अर हूनाचा घावांग लग पट्टी बांधलो।”

फेर हुन सामरी हुन मानेय के आपला गधाहा लग जोड़लो अर हूनाक हुन सड़क ले एक सराये निलो। जहाँ हूनाचो देख भाल करतो जारी ठोवलो।”

अगले दिन, हुन सामरीक आपलो यात्रा जारी करता चो आवशयकता रेहेय। हूनइतो हुन सराय चा प्रभारी मानेय के अजिक धन दिलो। हुन हूनाक बल्लो, “या मानेय चो देखभाल करसे अगर या धन चो अलावा तुचो कुछ अउर धन खर्चा होलेक वापस इलेक मैं तुचा खर्चाक भुगतान करू देईन।”

फेर यीशु हुन विशेषज्ञक समजावलो, “तुंय कांय सोचसा? इहिं तीनझन मानेयांगयें कोन हुन मानेय चा पड़ोसी आय जेके लुटला अर पेटू रहत?” हुन जवाब दिलो, “हूनेय जो हूनाचा लग कृपालु रेहेय। “यीशु हूनाक बल्लो, “तुंय जा अर इसेय कर।”