36. रूप बदल्लो

एक दिन, यीशु आपला तीन झन चेला, पतरस, याकुब, अर यूहन्नाक आपला संग धरलो। (यो यूहन्ना नाव चो चेला हूनेय मानेय नोहोय जो यीशुक बपतिस्मा देऊरेहेय।) हूनि प्रार्थना करुक एकठान डोंगरे गेला।

जब यीशु प्रार्थना करते रेहेय तो हूनाचो मुँह बेर चो इसा उजड़ होलो। हूनाचा कपड़ा उजियाला चो इसा पादरो होलो, जिसे पृथ्वीये कोहू करुक सकी हूनाचो ले बल पादरो।

तब मूसा अर एलियाह भविष्वक्ता प्रगट होला। येही मानस या पृथ्वीये या समय चा सेकड़ो साल पुरहे रहया इता आत। हूनिईता यीशु संग हूनाचा मरता चा विषये बात करला, कायेकी हून जल्दी यरूशलेम मरीद।

जब मूसा अर एलियाह यीशु संग गोठियावते रहत तब पतरस यीशुक बल्लो, “ हमचा करता ईथा रहतो अच्छा आहेय। हमी तीन मंडपांग बनाऊ, एकठन तुचा करता, एकठन मूसा करता अर एकठान एलियाह करता।” तबले पतरस ईजानते रेहेय कि हून का्य बलिदाहेय।

जब पतरस गोठियावते रेहेय, तो एक चमदार बादर खाले ऐऊन हूनांग लग छावलो। फेर हूनिईता बादरे ले एक आवाज एताक सुनला। हून बल्लो, “ यो माचो बेटा आय जेके मै प्रेम करिदाहेय। मै हूनाचा संग प्रसन्न आसेय। हूनाचो सुना।” हूनि तिनेय झन चेला भय होला अर भूये सोवला।

तब यीशु हूनांग सिंवला अर बल्लो।” भय इहोवा उठा।” जब हूनिईता एक भिवार देखला तो जो बल हूता रेहेय हून केवल मीरा रेहेय।

यीशु अर हूनि तिनेय झन चेला हून डोंगरे ले वापस खाले उतरला। तब यीशु हूनांग बल्लो, “एभे जो ईथा होलो हूनाचो चर्चा काचायसंग ईकरासे। मै जल्दी मरीन अर फेर जीवन हूनाचा बाद, तुमी मानेयांग सांगुक सकासा।”