37. यीशु लाजरके मरलाइताक जिवावलो

लाजर नाव चो एकलो मानेय रेहेय। दुयझन बहीन इतिया रहत हूनांग चा नाव मरियम अर मार्था आत। हूनि सब यीशु चा अच्छा संगवारा रहत। एक दिन, कोंहु यीशुक सांगला कि लाजर खुबेय बीमार रेहेय। जब यीशु यो सुनलो तो हूनाक बल्लो, “ यो बीमार लाजर चा मरला संग समाप्त इहोय। याहचोय बजाए, येहा मानेयांग परमेश्वर चो आदर करुक प्रेरीत करिदा।”

यीशु आपला संगवारीयांग संग प्रेम करयो आय, तबले जहा हून रेहेय हूता हून दूयदिन तक प्रतीक्षा करलो। हून दूयदिन चा बाद, हून आपला चेलांग बल्लो, “ एहा, वापस यहूदिया चा चेला।” चेला जवाब दिला, “ तबले हे गुरु, एभे कुछ समय पुरहे हूता चा मानेय तुक मारुक चाहते रहत।” यीशु बल्लो, “हमचो दोस्त लाजर सोवलोहाय अर मक हूनाक उठावतो आय।”

यीशु चा चेला जवाब दिला, “हे प्रभु, अगर लाजर सोवलो हाय तो, हून ठीक होयीद। “तब यीशु हूनांग स्पष्ट रुपे बल्लो, “ लाजर मरलो हाय। मै आनन्दित आसेय कि मै हूता ईरेहेय, ताकि तुमी माचा लग विश्वास करुक सका।”

जब यीशु लाजर चा गांवे अम्बरलो तो लाजर चो मारलो इतो पुरहेय चार दिन होऊ रेहेय। मार्था यीशु संग मिलुक दुवारे इली अर बल्ली, “ हे प्रभु यदि तुंय ईथा होतीस तो माचो भाई इमरतो। तबले मै विश्वास करिंदा हेंय कि जे बल परमेश्वर के मांगसे हून तुक देईद।”

यीशु जवाब दिलो, “ पुनरुथान अर जीवन मै आय। जो बल मक विश्वास करिदा हेय यदि हून मरीद तबले बल जिविद जो बल माचा लग विश्वास करिदा हेय हून केभेय ईमरिद। का्य तुंय याहाँयेय विश्वास करसा ?” मार्था जवाब दिली, “ हे प्रभु, मै विश्वास करिदा हेय कि तुंय परमेश्वर चो बेटा मसिह आस।”

तब मरियम इली। हून यीशु चा खादांगये गिरून बल्ली, “ हे प्रभु, यदि तुंय ईथा होतीस तो माचो भाई इमरतो।” यीशु हूनेक समझावलो, “ तुमी लाजर के कहा ठोवलासा ?” हूनिईता हूनाक सांगला, “ कब्र ये। आव अर देख।” तब यीशु गागलो।

हून कब्र एक ठान गुफो रेहेय हूनाचा द्वारा एकठान पखनाक ढांकु रहत। जब यीशु कब्र लग अम्बरालो तो हून हूनांग बल्लो, “पखनाक गुचावा।” तब मार्था बल्ली, “ हूनाक मरला इतो चार दिन हिलो हाय। हूनाचा लगले गंध एयदा होही।”

यीशु जवाब दिलो, “ का्य भय तुक ईबलु रेहेय कि अगर तुय माचा लग विश्वास करासे तो परमेश्वर चा सामर्थ के देखासे ? हूनेय करता पखनाक गुचावला।

तब यीशु ऊपरे स्वर्ग तेंव देखुन बल्लो”, हे पिता,माचाक करता मै तुचो धन्यवाद रिदां हेंय।मै जानिंदा हेयं कि तुंय रोझेय माचो सुनसा,तबले मै यो यथा उभला इहीं सब मानेंयांग चो सहायता,करूक बल्लेंय ताकि इहीं विश्वास करोत कि तुंय मक पढावलिसा।”तब यीशु चिचयावलो”,ऐ लाजर,दुवारे निकरून आव।”

अत: लाजर दुवारे निकरून इलो।हुन ऐभे बल कपड़ायें गुमटावलोय रेहेय।यीशु हुनाक बल्लो,” था कपड़ाक हेड़ता करता हुनाचो सहायता करा अर हुनाक आजाद करा।”था चमत्कार चो कारण खुबेय यहुदिया यीशु लग विश्वास करला!

तबले यहुदियांग चा धार्मिक अगुवा यीशुक जलन होलो,हुनेय करता हुनि सला बनावता करता एकेयलग होलो कि किसे यीशुक अर लाजर के माखां।”