38. यीशुक धरायदा हेय

हर साल, यहूदी मानेय फसह चो तिहार मनावया आत। यो या बारेये तक उतसव रेहेय कि कई शताब्दिया चा पुरहे परमेश्वर हूनांग चा पूर्वजांग मिस्र चा दासत्वे ले सांडाव रेहेय लग भग तीन साल चा बाद यीशु सार्वजनिक रुपे प्रचार करुक अर शिक्षा देऊक सुरु करलो। यीशु आपला चेलांग सांगलो कि हूनाग चा संग यरुशलेम फसह चो तिहार के मनाऊक चाहिदा हेय, अर यो बल कि हून हूता मरीद।

यीशु चा चेलांगयेले एकलो यहुदा नाव चो मानेय रेहेय प्रेरीतांग चा धन चा थैलाक ठोवता चो प्रभारी रेहेय, तबले अक्सर हून थैलायेले पैसा हेड़यो आय। यीशु अर चेला यरुशलेम अम्बरला चा पासे यहुदा यहूदी अगुवांग लग गेलो। हून धन चा बदलाये यीशुक हूनांग चा हान्थे धरावता चो प्रस्ताव रखलो। हून जानते रेहेय कि यहुदी अगुवा ईमानते रहत कि यीशु मसीह आय। हून जानते रेहेय कि हूनि मारुक चाहधात।

महायाजक चा बलताये यहूदी अगुवांग यीशु हूनांग चा हाथे धरावता करता याहुदाक तीस चाँदी चा सिक्का दिलो। यो हूनेय प्रकार होलो जिसे कि भविष्यवाकता बलु रेहेय कि होहीद। यहुदा मानलो अर धन के धरुन गेलो। हून यीशुक गिरफ्तार करुक हूनांग चो सहायता करता कोन्हो अवसर चा खोजे लगलो।

यरुशलेम, यीशु आपला चेलांग संग फसह चो तिहार मनावलो। फसह चा भोज चा दौरान, यीशु रोटी धरुन तोड्लो। हून बल्लो, “ यहाक धरा अर खाहा। यो माचो आंग आय जो मै तुमचा करता देयदा हेय। याहाक माचा यादे करासे।” या प्रकारे, यीशु बल्लो कि हून हूनांग चा करता मरीद, मतलब हूनांग चा करता हून आपला शरीर के बलि चढ़हायिद।

फेर यीशु एकठान दाखरस चो प्याला धरलो अर बल्लो, “ याहक पीया। यो नई वाचा चो माचो रक्त आय। जो कि मै उंडेलिन ताकि परमेश्वर तुमचा पाप के क्षमा करो। हर बार याहक पीता दांय माचो यादे यहाक करा जो मै एभे करिदा हेंय।”

तब यिशुयिशु आपला चेलांग बल्लो, “ तुम ले एकलो जन मक धरायिद।” चेला चोकला, अर समझावला कि कौन इसी कम करीद। यीशु बल्लो, “ मक धरावया इता मानेय हून आय जेके मै या रोटी चा कुटकाक देंयदा हेय।” तब हूनइतो हून रोटी यहुदाक दिलो।

हून रोटी धरला चा पासे, यहुदा लग सैतान समालो। यहुदा निकरून यीशुक गिरफ्तार करुक अगुवांग चो सहायता करुक गेलो। यो राती चो समय रेहेय।

भात खादला चा पासे, यीशु अर हूनाचा चेला जैतून डोंगरे गेला। यीशु बल्लो, “ तुमी सब आज राती मक साडून देहासे। यो लिखलो आसेय, ‘मै चरवाहक मारीन अर सपा भेड़िया इसु हेंय होदे।

पतरस जवाब दिलो, “ भले ही आधोया सब तुक साडून देदे, मै ईसाडेय!” तब यीशु पतरस के बल्लो, “ शैतान तुमी सब झनांग नेऊक चाहिदा, तबले हे पतरस, मै तुचा करता प्रार्थना करलेहाय कि तुंय विश्वासेले इचुकसे। तबले बल, आज राती, कुकड़ा वासता चा पुरहे तुंय तीन बार इनकार करसे कि तुंय मक ईजानेय बलते।”

पतरस तब यीशुक बल्लो, “ भले ही मै मरीन बल, मै केबेय तुचो इनकार इकरेय!” आधो सब चेला बल हूसेय बल्ला।

तब यीशु आपला चेलांग संग गतासमनी नाव चा जघाये गेला। यीशु आपला चेलांग प्रार्थना करुक बल्लो ताकि शैतान हूनांग चो परीक्षा ईकरो। तब यीशु खुद प्रार्थना करुक गेलो।

यीशु तीन बार प्रार्थना करलो “हे माचा पिता, यदि सम्भव आसेय तो कृपा करून या दू:ख कचा प्याला पीता करता मकू दे। कांयेंकि अगर मानेंयांग चो पाप क्षाम करूक कहीं अऊर बांट नाहीं, तो तुचो इच्छा पूरी होवो।”यीशु खुबेय परेशान रेहेय अर हुनाचो पसीना रक्त चो बूंद चो समान रेहेय हुन सामर्थ देता करता परमेश्वर एक स्वर्गदूत के पठावलो!

हर बार प्रार्थना चा बाद यीशु आपला चेलांग लग वापस इलो,तबले हूनि सोउरहत।जब यीशु तीसरा बार बाहडून इलो तब यीशु बल्लो,”उठा।मचो धरावयो इतो ऐथाय आसेय!

यहूदी अगुवा,सैनिक,अर बडये भीड़ संग यहूदा इलो।हूनि इता तलवार अर बडगा धरूरहत।यहूदा यीशु लग एऊन हुनाक बल्लो,”हे ‘गुरू नमस्कार, “अर उनाक चुमलो।हुन गिरफ्तार करयो इता मानेंय यहूदी अगुवांग लग प्रकट करूक इसे करू रेहेय।तब यीशु बल्लो, “हे यहूदा, कांयेक तुंय एक चुमायें मक धरावासा?!

जब हूनि सैनिक यीशु धरते रहत,तो पतरस आपला तलवार निकरावलो अर महायाजक चा एक सेवक चा कानेटाक कटुदिलो “यीशु बल्लो,”तलवार के दूर कर। मै माचा पिताक माचो बचाव करता स्वर्गदूतांग चो एक सेना करता बिनती करूक सकिंदा हेंय। तब ले मक माचा पिता चा बात मानतो आस “तब यीशु हुन मानेंय चा कानेटाक ठीक करू दिलो।तब सपा चेला पसवला।