39. यीशुक न्याय करिदा

इभे चो आधा राती चो समय आय। हुनि सैनिक यीशुक महायाजक चा धरे आनला,कांयेकि हुन यीशुक सवाल करूक चाहेय। पतरस दूरे ले हुनाकचो पीछा करते रेहेय।जब सैनिक यीशुक धरे आनला, तब पतरस दूवारे रुकुन खुदके आगीयें गरम करलो!

घर भीतरे, यहूदी अगुवा यीशुक मुकदमा चलावला।हुनि हुनाचा विरूद्ध सुर बातांग बलता करता खुबेय झुठे गवाहांग आनला।होलांकि, हुनागचा गोठ एक दूसरायें सहमत इरे हेय, हुनेयकरता यहूदी अगुवो यो साबित करूक एसकला कि हुन कोहु बाते दोवी रेहेय यीशु कहाँ इबलेय!

अत: महायाजक सीधा यीशु तेंब देखून बल्लो, “ हमक सांग कि कांय तुहींच जीवित परमेश्वर चो बेटा मसीह आस ? “

यीशु बल्लो, “ मै आयं अर तुमी मक परमेश्वर चा संग बसला इताक अर स्वर्ग ले ऐता इताक बल देखासे।” महायाजक आपला कपड़ाक फाटावालो कांयेकि जो यीशु बल्लो हुन – हुन बाते रीस होवु रेहेय।हुन दूसरा अगुवांग चिचयावलो, “ हमक यो सांगता करता कोंहु दूसरा अगुवा चो जरूरी नाहीं कि या बारेये तुमचो मानेंय कांय करलो हाय! तुमी खूद हुनाक यो बलताक सुनलासा कि हून परमेश्वर चो बेटा आय।हुनाचा बारेये तुमचो कांय निर्णय आसेय ? “

सब यहूदी अगवा महायाजक के जवाब दिलो, “ हुन मरता चो योग्य आसेय। “ तब हूनिइता यीशु या डोरांग पट्टी बांधु दीलो, हुनाक थुकला हूनाक पेटला, अर हुनाचो मजाक उडावला।

अर पतरस जब हुन घर चा बहीर इंतजार करते रेहेय। तब एकली दासी लेकी हुनाक देखली। हुन हुनाक बल्ली, “ तूंय बल यीशु चा संग रहस। “ पतरस मना करलो।पासे कोनतो दूसरा लेकी हुनेय बात के बल्लो, अर पतरस फेरेय मना करलो! आय रियें, आधो मानेंय बल्ला, “ हमी जानु दां हूँ कि तुंय यीशु चा संग रहस कांयेकि तुमी दूयेय झन गलीले ले आहास! “

तब पतरस बल्लो, “ यदि मैं या मानेय के जानीदां हेंय तो परमेश्वर मक देवो। “ तुरूत शपत खादला चा पासे, एकठान कुकड़ो वासलो यीशु पाटतेंब पलटून पतरस के देखलो।

पतरस हुताले गेलो अर सुसकुन – सुसकुन भागलो हुनेंय समय यीशुक धरावयों इतो यहूदा देखलो कि यहुदी अगुवा यीशुक मरतो दंड दिला हात यहुदा खुबेय दू:खी होलो अर जाऊंन खूद के आरलो!

इभे हुन देशे चो राज्यपाल पिलातुस आय। हुन रोम करता काम करयो आय। यहुदी अगुवा यीशुक हुनाचालग आनला। हूनि चाहत कि पिलातुस हुनाक मरतो दंड देओं अर हुनाक मारोता तब पिलातुस यीशुक समझावलो, “ कांय तुंय यहुदियांग चो राज्य आस ?!

यीशु जवाब दिलो, “ तुंय बल्लीसा तबलि माचो राज्य इथा संसार चो नोहोय।अगर होतो तो माचा दास माचा करता युध्द करता। मैं संसारे परमेश्वर चाबारेयें सही सांगुक इलेहांय। हर एक जन जो सचे प्रेम करिदा हेंय हुन माचो सुनिदाहेय।” पिलातुस बल्लो,” तो सच कांय आय ? “

यीशु संग गोठियावाला चा पासे पिलातुस दूवारे भीड़ लग जाऊंन बल्लो, “ मैं इसो कहीं कारण इपावेंय कि यो मानेंय मरता चो योग्य आसेय।” तबले यहुदी अगुवा अर भीड़ चिचयाऊन बल्ला, “ हुनाक क्रुसे चदांवा।” पिलातुस जवाब दिलो, “ हुन कहीं बल गलत करता चो दोषी नोहोय।” तबले हुनि अउर बल जोरसे चिचयावलो। तब पिलातुस तीसरा बार बल्लो, “ हुन दोषी नोहोय!”

पिलातुस भय होलो कि हुन भीड़ दंगे सुरू करूदेदे, हुनेयकरता हुन आपला सैनिक दारा यीशुक क्रुसे चादाहावता करता मानलो।रोमी सैनिक यीशुक कड़ायें दिला, अर हुनाक राजसी कपड़ा लयावला, अर हुनाचा मुड़े फांटा चो बनलो मुकुट रखला तब हुनि यो बलुन हुनाचो मजाक करला “देखा यहुदियांग चो राजा!