40. यीशुक क्रूसे चघावधात

यीशुक करला चा पासे, सैनिक हुनाक क्रुसे चाघावता करता निला।डूनिरता हुन क्रुस के हुनाकेय उठावावला जहाँ हुन मरिद।

हुनि सैनिक यीशुक हुन जगहयें धरून निला जो “ खोपड़ी “ बल्या आत अर हुनाचा हांथ अर खाटांग क्रुसे ठेचुं दिला। तबले यीशु बल्लो, “ हे पिता, यांहांग क्षमा कर कांयेकि येंही इजानत कि येंही कांय करधात। “ हुनिइता एकठान तख्तांक बल हुनाचा मुंडा चा ऊपरे टांग दिला।हुनायें लिखलो आसेयं, “ यहुदियांग चो राजा। “ पिलातुस हुनांग योहोय लिखुक सांगु रेहेय!

तब सैनिक यीशु चा कपड़ा करता चिट्टियाँ डाल्ला।जब हुनिइता इसे करला तो हुनिइता हून भविष्यवणीक पूरा करला जो बलतो रेहेय, “ हुनिइता माचा कपड़ागं आपसे बांटला, अर माचा कपड़ा करता चिट्टि डाल्ला!”

हुता दूयजन डाकू बल रहत, हुनांग सैनिक हुनेय समयें क्रुस पर चघाव रहत।हुनिइता यीशु चा दूयेय तेंब इखुरहत।एकलो डाकु यीशु चो मजाक उड़ावलो, तबले दूसरा इतो बल्लो, “ कांय तुंय भंय इहोस कि परमेश्वर तुक दंड देइद ? हमी खुबेय गलत काम करता चो दोषी आवं तबले यो मानेंय निर्दोष आय “ फेर यीशुक बल्लो, “ जब तुंय तुचा राज्ये एसे तो कृपया मक याद करसे।” यीशु जवाब दिलो, “ आजेय तु माचा संग स्वर्ग लोक होसे! “

यहुदी अगुवा अर भीड़ चा दूसरा मानेंय यीशु चो मजाक उड़ावला।हुनिइता हुनाक बल्ला, “ अगर तुंय परमेश्वर चो बेटा आस तो क्रुसेले खाले उतरून आव अर खूद के वांचाव। तब हमी तुचालग विश्वास करून। “

तब हुन सम्पूर्ण देश चो आकाश पुरी तरह कारयो होलो, भले हुन दिन चो समय रेहेय। चो दोपहर चा समये कारयो होबू रेहेय। अर तीन घंटा तक हुसेय रेहेय।

तब यीशु चिचयाऊन बल्लो, “ पुरा होलो।हे पिता, मैं माचो अत्माक तुचा हांथे सोपोदां तब हुन आपला मुंडाक खाले करलो अर आपला जीव के सांडून दिलो। जब हुन मरलो तब एक भकंप इलो।हुन बड़े पर्दा जो परमेश्वर चा रहलाये मानेंयाग अलग करते रेहेय। ऊपरेले खाले तेंव फाटून दूय भा होलो।

आपला मरला चा द्वारा, यीशु मानेंयाग करता परमेश्वर लग एता चो वाट खोलु दिलो। जब यीशुक नजर रखयो इतो एकलो सैनिक जो कुछ हुता होवु रेहय हुन सबके देखलो तो हुन बल्लो, “ निश्चित रूपे, यो मानेंय निर्दोष रेहेय यो परमेश्वर चो बेटा आय!

तब युसूफ अर नीकुदेमुस नाव चा दूय झन यहुदी अगुवा रला हुनि विश्वास करया आत कि यीशु ही मसीह आय। हुनिइता पिलातुस के यीशु चा शरीर के मंगला। हुनिइता हूनाचा शरीर के कपड़ायें गुमटला। तब हुनि हुनाक एकठान चाथारायेंले काटून बनावलो इतो कब्रे निला अर हुनाचा भितरे बनावं दिला। तब हुनिइता हुन कब्र चा द्वार के डाकता करता एक बड़े पखनाक ठेगलुन दिला।