41. परमेश्वर यीशुक मरला ईताक जिवावलो

सैनिक द्वारा यीशुक क्रुस ले चघावलाचा बाद यहूदी अगुवा पिलातुस के बल्लो, “ हूनझुखे यीशु बुलु रेहेय कि हून तीन दिन चा बाद मरला लग ले जीवत होईद। कई झन यो निक्षित मढ़चो निगरानी करूक होईद कि हुनाचा चेला हुनाचा लाभ के चोरून ईनेवोट यदि हुन करधातटो हुन बभदे ठीहुन मरलालगले जीवत होलो हाय। “

पिलातुस बल्लो, “ कुछ सैनिकगं ने हा, अर जिसे तुमी करूक सका सा हुने मढ़ चो निगरानी कशा या हाय ठरता हुनि ईता हुन मढ़ चा गटेचा पखनाक एक मोहर लगांव दिला। हुनिईता यो निक्षित करूक हुता सैनिकांग बल बसांव दिला कि कोहु घला हुनाचा लासके चोरूक इसकाते।

यीशु चामरला चा पासे दिन सक्त चो दिन रेहेय। कोंहु सक्त था दिन काम ईकस्या आत, हुनेय करता यीशु चा कोहु संगवारी इयेऊ रेहट। तबले सब्द चा मासे चा दिने, बीहाने भारे के, आधो बायलीय यीशु चा मठे जाता करता तैयार होलो हुनि हूनाचा शरीरे अउर मसालांग लगाऊक चाहत।

हुनि बायलीयांग चा एयम्बरला चा पुरहेय, कब्रे एक बड़े भूकम्प होलो। स्वर्ग दूत ऐउन हुन पखनाक गुचावंदिलो जो कब्र चा भीतरे जाता द्वारा के ढांकु रहत अर हुनायेंय बसलो। हुन स्वर्गदूत उजड़ चो इसा चमकेय। कब्रे जो सैनिक रेहेय हुनिइतो देखलो। हुन इतना भयहोलो कि मरलो इसा भूंये गिरलो।

जब हुनि बायलीया कब्र अम्बरला तो हुन स्वर्गदूत हुनाग बल्लो। “ भय इहोवा। यीशु एथा नाही। हुन मरला लगले जीवलो हाय, जीसे कि हुन बलु रेहेय मैं जीवीन। कब्रे खोजा अर देखा। “ हुन बयलिया कब्र चा भीतरे अर जहाँ यीशु चा शरीर के ठोउरहत हुता खजला की हुनाचो शरीरी हुता इरेहेय।

तब हुनस्वर्गदूत हुन बायलीयांग बल्लो, “ जाउन हुनाचा चेलांग सांगासे,’ यीशु मरला लगले जीवलो हाय अर हुन तुमचा पुरहे -पुरये गलीले एयीद। “

हुनि बायलीया घबरावला अर खुबेय हरिक होलो हुनि चेलांग यो शुभ संदेश सुनावता करता पखवला।

जब हुनि बायलीया चेलांग यो शुभ संदेस सांगता करता आपला वारे रहत तो यीशु हुनागलग प्रगट होलो। हुनि हुनाचा खाटागयें गीरला ‘तब यीशु बल्लो, ”भय इहोवा जाऊन माचा चेलांग गलील जाउक बलासे हुनि हुता मक देखदे।“