42. यीशु स्वर्गे जायदा हेय

जिस दिन परमेश्वर यीशुक मरला लगले जीवाव रेहेय, हुनाचा दूयझन चेला लघेय चा गांवे जाते रहत। हिड़तेय हुनी यीशु संग होबु रेहेय हुनाचा बारेयें गोठीयावते रहत, हुनांग आशा रेहेय कि हुन मसीह आय, तबले बल हुनाक मारला अब हुनि बायलीया बलधात कि हुन फेर जिवलो हाय। हुन इजानते रहत कि कांय बाते विश्वास करतो आय।

यीशु हुनागचांलग एउन हुनागचा संग हिडूक सुरू करलो,तबले हुनि चिन्दुक इपावत हुन समझावलो कि हुनि कांय बारेयें गोटियावते रहत हुनिइता हुनाक पुरहे दिने चाक यीशु संग होऊ रेहेय सपा घटनाक चा बारेयें सांगला हुनिइता सोचला हुन कोंहु कि परदेशी संग गोटियावदाँ हूँ। जो इजानेय कि यारूशलेयें कांय होवु रेहे!

तब यीशु हुनांग समझावलो कि परमेश्वर चो वचन मसीह चा बारेयें कांय बलिदा हेय। खुबेय पुहरे भविष्यवक्ता कांय बलु रहत कि गलत मानेंय मसीहक सतावदे अर मारदे। तबले भविष्यवक्ता योबल बलु रहत कि हुन तीसरा दिन जिविद।

जब हुनि हुन नगरे अम्बरला जहाँ हुनि दूत जन रूकुक चाहत, तब तक लगभग शांजे होऊ रेहेय। हुनिइता यीशुक हुनागंचा संग रूकता करता बल्ला, अत: हुन हुनांचा संग एकठान घरे गेला। आपला शांजे चो भोजन खाऊक बसला। यीशु एकठान रोटीक धरून हुनाचा करता परमेश्वर के धन्यवाद दिलो अर फेर हुनाक तोड्ले। उबुकले, हुनिइता जानला कि हुन यीशु आय! तबले हुनेंय समय, हुनांगचा डोरा आझल होल!

हुन दूत जन एक दूसरे बल्ला, “ हुन यीशु आय। हुनेयकरता जब हुन हमक परमेश्वर चा वचन के समझाव रेहेय तब हमी खुबेय उत्साहित रहु!” तुरन्त हुनी निकरून वापस यरूशलेम गेला। जब हमी अबरला तो हुनीईता चेलाग सांगला।जब हुनी अबरला तो हुनीईता चेलांग सांगला “ यीशु जीवत आसेय हमी हुनाक देखलु हाव!”

जब चेला गोठयावते रहत, यीशु अचानक से हून कमराये हूनांग संग प्रगट होलो। हून बल्लो, “ तुमंग शान्ति मिरो!” चेला सोचला कि हून कोइ भूत आय, परन्तु यीशु बल्लो तुमी कायेक भय हवासा ? तुम यो क्यों इसोचास कि यो सचमुच में मै, यीशु आय? माचा हथांग अर खाठांग देखा। भुतांग लग इसो देंह ईरेहेय जिसे माचा लग आसेय।” यो देखाऊक कि हून कोइ भुत नोहोय, हून खाता करता कुछ मांगलो। हूनिईता हूनाक मसली चो एक टुकड़ा दिला, अर हूनिईतो हूना खादलो।

यीशु बल्लो, “ माचा बारेये परमेश्वर चो वचन जो कुछ भी बलिदा है हून घटित होईद। मै तुमंग सांगुन रेहेय कि याहचो होतो अवश्य आय। तब यीशु हूनांग परमेश्वर चो वचन अच्छा ले समझावलो। हून इतो बल्लो, “ खुबेय पुरहे भविष्यवक्ता लिखु रहत कि मक मसीहक दुःख उठाऊक होईद, मरुक होईद अर फैर तीसर दिन मरला लगले जिऊक पड़ीद।”

“हून भविष्यवक्ता यो बल लिखु रहत कि माचा चेला परमेश्वर चा वचन के घोषना करदे। हून हर एक के पक्ष्ताप करुक लाय सांगदे। यदि हून इसे करधात तो परमेश्वर हूनांग चा पाप के क्षमा करीद। माचा चेला या संदेश चो प्रचार करतो यरूशलेम ले आरम्भ करदे। तब हून सब जगह सब जातियांग लग जादे। तुमी सपा माचा हर एक बात अर काम चा गवाह आहा जो मै बाले अर करले, अर हून सब के जो माचा संग होलो।”

अगले चालीस दिन चो दौरान, यीशु आपला चेला लग कई बार प्रगट होलो। एक बार तो हून कि समये 500 ले जयादा मानेयांग लग प्रगट होलो! हूनी तो आपला चेलांग लग कई तरीका ये साबित करलो कि हून जीवित रेहेय, अर हूनी तो हूनांग परमेश्वर चा राज्य चो बारेये शिक्षा दिलो।

यीशु आपला चेलांग बल्लो, “ परमेश्वर मक स्वर्ग अर संसार चो हर एक जन के शासन करता चो अधिकार दिलो हाय। हूनेय करता एभे मै तुमक बलिदा हेंय: जाऊन सब जाति चा मानेयांग चेला बनावा। इसे करुक, तुमक हूनांग पिता पुत्र पवित्र आत्मा चा नावे बपतिस्मा देतो आय। जो कुछ बल मै तुमंग आज्ञा देले हंय हून सब बातंग मानुक बल तुमंग सिखावतो आय। याद रखा मै हमेशा तुमचा संग रहिस।”

यीशु चा मरून जी उठला चा चालीस दिन बाद, हून आपला चेलाग बल्लो जब तक कि माचो पिता तुमक सामर्थ ईदेय तब तक यरूशलेम रुकु रहास। हून तुमचा लग पवित्र आत्मा पठावता चा द्वारा इसे करीद।” तब यीशु स्वर्ग गेलो, अर एक बादर हूनाक हूनांग चा नजर ले लुकावलो। स्वर्ग ये यीशु सब चिजांग लग शासन करुक परमेश्वर चा उजा हातेंग बसलो।