2. पापान केलीम आवणो

आदम एने तान बायकु बोगवानान बोणायील सुंदर बोगिच्याम रीन खुश एता। तामाय रीन कुणुच फाडका नाह पेरताताल, तीभी ताह लाज नाह आवताली, काहाकाय केलीम पापा नाह एतो। ता ता बोगिच्या माय फिऱ्या केरताला एने बोगवाना हेरी वात केऱ्या केरताला।

पुण ता बोगिच्या माय एक गेयळेक एतो। तो जुलुम चेतूर एतो। गेयळेक ति बायकुह पुशो, " काय खेरीच बोगवान तुमूह ज्या बोगिच्यान काल्लाच झाडान फोल खाणे नाह कियील सोथो?"

ति बायकु उत्तर आपी, "बोगवान आमुह कियील हि का तुमु हाजो एने बुर ज्ञान ने झाडान फोल सोडीन काल्ला भी झाडान फोल खाय सकतेह।"

तो गेयळेक बायकुह उत्तर आप्यो, "ज्यो खेरीच नाह सोथो! तुमु नाय मोरहो। बोगवानाह मालूम हि का जीही तुमु तो फोल खाहू, तुमु बोगवाना हारका एय जाहु एने ता हारका हाजो बुरो सोमजणे लाग जाहू।"

ति बायकू देखी काय फोय देखाणे माय हाजो एने होवादो देखाथी। तो सोमजडार बोनणे होदताली, केरीन ती फोलाह खाय लेदी। ओवती ति तीन जोवायाह भी तो फोल आपी एने तो भी खाय लेदो।

उचकाहुच, तान डोला उगडी गिया,ताह मालूम पोड्या काता नागेरलाच एता। ता पानठा हिवीन फाडका बोणाव्या तान डीलाह डापणेन केऱ्या।

तेवी एदमी एने तान बायकू बोगिच्या माय फितालान बोगवानान आवाज होमल्यो। ता दुय जाणा लीकाय गियावे। तेवी बोगवान ता अदम्याह आयळ्यो, " तु काहरी हि?" आदम उत्तर आप्यो, " मी तुवाह बोगिच्याम फिरतालु होमल्यो, एने मी भिय जायील, काहाकाय मी नागेरलुच हि।केरीन मी लीकाय जायील।"

ओवतो बोगवान बोगवान पुशो, "तुवाह कुण कियील तु नांगऱ्यो हि? काय तु तो फोल खाय लेदु काय जो मी खाणे नाह कियील एतो?" एदम्मी केयो, " तु माहु जी बायकु आपील ति माहु फोल आपील आपने।" तेवी बोगवान बायकुह पुशो, " तु ज्यो काय केर देनी?" ति बायकु बोलनीव, "गेयळे माहु ठेग लीयील।"

बोगवान गेयळेकाह केयो, "तू शापित हि! तू पेटान बोरहे चालही एने माटळ्या चाटहि। तु एने जी बायकु एक दिहरा हेरी घृणा केरहु, एने तुमरा सोरा भी एक दिहरा हेरी घृणा केरती। जी बायकुन वोच तारा मुंडाह चेंदती, एने तु तान पायान घुटण्याह चावही।"

ओवतो बोगवान बायकुह केयो, " तुवाह सोरा जन्म बुखे जुलुम दुख एय। तु तारा एदम्यान आथान बुंदे रेही, एने तो तुवा पोर राज केरी।"

बोगवान एदम्याह केयो, "तु तारी बायकुन होमलील हि एने मारी वात नाह माननु। केरीन बुई शापित एय गीयीह, तुवाह खाणो उगाड ने केरता केठीन मेहनेह केरने पोडी। एवी तुवाह मोत आवी, एने तारो शरीर माटळ्याम मिलाय जाय।" तो एदम्मी तान बायकुन नाव हव्वा मेल्यू, जान अर्थ हि "जीवन आपणारी", काहा काय ति आखी जातीन आहाक बोणी। एने बोगवान आदम एने हवाह जेनवारान चामडान बोणील फाडका पेराव देनु।

ओवतो बोगवान केयो, " एवी हाजो बुरो जाणीन माणूह आपने हार्को एय जायील ही, तान केरता ताह जीवानान फोल नाह खाणे देणु काय ता हमेशान केरता जीवताला रेती।" तान केरता बोगवान आदम एने हवाह बोगिच्याम रीन निकाल देनो। एने बोगवान तो तो जीवनान फोल कुणाह भी खाणे से रोकणेन केरता ता बोगिच्यान बायणा पोर ताकेतवोर स्वर्गताह बोहाड देनो।