21. बोगवान मसीह ने वाट जोवीह

जेवी बोगवान केली बोणायील,तो जाणतालो का ताह एक दिह मसीहाह मोकेलणे पोडी। तो आदम एने हवाह वायदो केरील एतो तो इही केरी।तो हवाह केयील का तिन वोच माय एक जाण जन्म लेय तो गेयळेकान मुंडाह चेंदी। जो गेयळेक हवाह धोकु दियील एतो तो शैतान एतो। बोगवानान ज्यो अर्थ एतो का मसीह पूरी रिती से शैतानाह आरवाड देय।

बोगवान अब्राहमाह वायदो केरील एतो का तान द्वारा केलीन आखी जातीह जुडी।बोगवान बाद माय केदिह भी मसीहाह मोकेलणेन द्वारा ज्या वायदाह पुरो केरी।तो मसीह केलीन आखी जाती माय ने माणहाह तान पापा माय रीन सोडवी।

बोगवान मूसाह वायदो केरील एतो का तो भविष्य माय तो मूसान हारको एक दिहरा भविष्यवक्ताह मोकली। ज्यो भविष्यवक्ता मसीह रेय। जी रीति से, बोगवान पोशो वायदो केऱ्यो का तो मसीहाह मोकेलण्यो हि।

बोगवान राजा दाऊदाह वायदो केऱ्यो का तान वोचनेचे एक जाण मसीह रेय। तो राजा रेय एने बोगवानान माणहे पोर हमेशा राज्य केरी।

बोगवान यिर्मयाह भविष्यवक्ता केयो का एक दिह तो नोवालो वायदो केरण्यो हि। तो नोवालो वायदो इस्राएल ने माणहा हेरी सीनाय बोयडा पोर केरील जुनाला वायदान गेत नाय रेय।जेवी माणहा हेरी तो तान वायदो केरी, ते तो ता पोर स्वताह प्रकट एय। हर एक जाण जो तासे मोंग केरी एने तान व्यवस्थान पालन केरणेन इच्छा मेली।बोगवान केयो का ज्यो तान व्यवस्थाह तान हृदय पोर लेखणेन गेत रेय। ता तान माणहा रेती,एने बोगवान तान पापाह क्षमा केरी। ज्यो मसीह रेय जो ता हेरी नोवालो वायदो केरी।

बोगवानान भविष्यवक्ता ज्यो भी केयील हेते का मसीह एक भविष्यवक्ता रेय। एक भविष्यवक्ता तो माणुह रेणे जो बोगवानान वचनाह होमने एने ओवतो माणहाह बोगवानान वचन केणे।जाह मोकेलणेन वायदो तो मसीह एक भविष्यवक्ता होगा। अर्थाम तो मसीह बोगवानान वचनाह हास केरीन होमली, एने माणहाह ता वचनाह हास केरीन हिकाडी।

इस्राएली याजक माणहान केरता बोगवानान ओगाण बलिदान चढ़ावणे चालूच मेल्या। ज्यो बलिदान माणहान पापान केरता ताहा बोगवाना द्वारा दण्ड आपणेन बोदले चेढावताला। याजक माणहाण केरता प्रार्थना केरता। पुण, तो मसीह तो महायाजक रेय जो बोगवानाह आपणेन केरता एक बलीन रूप माय स्वताह चढ़ाव देय। अर्थाम,तो कधीच पाप नाय केरी,एने जेवी तो स्वताह बलीन केरता आप देय, ते केलीम उंजू काल्लीच दिहरी बलिन जरूरत नेय पोडी।

माणहाण पोर राजा एने मुखी राज्य केरणू, एने कधी-कधी चुकी केरणू। राजा दाऊद फक्त इस्राएलि पोर राज्य केरील, पुण राजा दाऊद ने वोच ने मसीह पुरी केली पोर राज्य केरी, एने तो हमेशान केरता राज्य केरी। एने, तो हमेशा न्यायपूर्ण रीति से राज्य केरी,एने खेरा निर्णय लेय।

बोगवानान भविष्यवक्ता मसीह ने बाराम जुलुम वाते कियील हेते। उदाहरण केरता, मलाकी कियील हि का मसीह आवणे पेल एक दिहरो भविष्यवक्ता आवी। तो भविष्यवक्ता जुलुम कामान रेय। एने तिहीच, यशायाह भविष्यवक्ता लिखीह का मसीह एक कुवारी से जन्म लेय।एने मीका भविष्यवक्ता किय्ली हि का मसीह बैतलहम हेराम जन्म लेय।

यशायाह भविष्यवक्ता कियील हि का मसीह गलील ने भागाम रेय। जा माणहा जुलुम दुखी रेती मसीह ताह शान्ति आपी। तो बोन्दीम वालाह भी सोडवि। मसीह दुखाऱ्याह भीएने जाह होमलात नाह, जाह देखात नाह,जाह बोलात नाह, एने जाह चालात नाह ताह भी हुदारी।

यशायाह भविष्यवक्ता नज्यो भी केयो माणहाह मसीहाह कुयराती एने ताह स्वीकार नेय केरती। दिहरा भविष्यवक्ता कियी का मसीह ने एक हाथी तान विरुद्ध एय जाय। जकर्याह भविष्यवक्ता कियील हि का ज्यो हाथी ज्यो केरणेन केरता दिहरा माणहा फाय रीन तीस चांदीन सिक्का लेय। एने तिहीच, काहीक भविष्यवक्ता कियील हेते का माणहा मसीहाह मार टाकति, एने ज्यो भी का तान तान फाडकान करता चीठठ्या पाडति।

भविष्यवक्ता ज्यो भी कियील हेते का मसीह किहिक मोरी। यशायाह भविष्यवाणी किरील का माणहे मसीह ओर थुपति, ता पोर आहती, एने देती। ता ताह टाग देती एने तो जुलुम तेकलीत एने दुखाम मोर जाय, तो कायच चुकि नेय किरील रेय तीभी।

भविष्यवक्ता ज्यो भी कियील हेते का मसिह पाप नेय केरी। पुण तो ज्यान केरता मोरी का बोगवान ताहा दिहरा माणहान पापान कारण दण्ड देय।ताह मोरनर से माणहा बोगवाना हेरी मेल केर सकती। तान केरता बोगवान होदिह मसीह मोरी।

भविष्यवक्ता ज्यो भी कियील हेते का बोगवान मसीहाह मोरील माय रीन जीवतो केरी।ज्यो सोब देखाडीह का नोवालो वायदो केरणेन जी बोगवानाच ने योजना एति, काय तो ता माणहाह वोचाड सकी जा तान विरुद्ध पाप किरील एता।

बोगवान भविष्यवक्ताह मसीह ने बाराम मोक्त्यूच वातु कियील एतो,पुण मसीह ता भविष्यवक्ता ताम रीन कुणाच ने जीवनकाल माय नाह आवो। जी इन भविष्यवाणी आपणेन 400 से जास्ती वोर्ह्या बाद, सही टायमा पोर, बोगवान मसीहाह केलीम मोकली।