31. यीशु पाणी पोर चालीह

पाच एजार माणहाह रोटू खावाडणेन बाद, यीशु तान चेलाह नावीम जाणे लागडयो। तो ताह दरियान दिहरी उगे जाणेन कियो एने तो थोडोक टायम ताहरीच रेय गियो। ओवता चेला जात रेना एने यीशु गेर्दिह मोकल्या का ता तान घेर जाती जाती। ज्या बाद, यीशु प्रार्थना केरणेन केरता एक बोयडा पोर जात रेनो। ताहरी तो एखालोच एतो, एने तो जुलुम राती वोर प्रार्थना केऱ्यो।

जुलबुखे, चेला आपणी नाव चालडतीन जाताला, पुण वारो तान विरुद्ध जुलुम जोरे आवतालो। जुलुम रात एय गीयी तीभी ता दरियान विचमायच पोचन।

तेवी यीशु प्रार्थना केरणेन बोंद केरीन तान चेला उगे आवणे चालु केऱ्यो। तो नावी उगे जाणे केरीन पाणी पोर चालणे लागो।

तेवी चेला देख्या। ता जुलुम बिय गिया काहाकाय ता विचार केरताला का तो भूतडो। यीशुह मालूम एतो का ता बिय जायील एता, केरीन तो ताह आयडीन केयो, "बिवु मा, मी हि!"

तेवी पतरस ने यीशुह केयो, "हे प्रभु, जर तु हि ते माहु पाणी पोर चालीन तार फाय आवणेन आज्ञा आप।" यीशु पतरसाह केयो, "आव!"

ओवतो पतरस नावी पोर रीन उतरी गीयोएने यीशु फाय जाणेन पाण्या पोर चालणे सुरवात केऱ्यो। पुण जारीक ओगाण जायीन, तो तान डोला यीशु पोर रीन फिराव लेदु एने जावटाह एने वाराह देखणे चालू केऱ्यो।

तेवी पतरस बिय गियो एने पाणीम बुडणे लागो। तो आयड्यो, "हे प्रभु, माहु वोचाड!" यीशु ताहरुच आथ वोडाविन ताह देर लेदु। तेवी तो पतरसाह केयो, "तार विश्वास जुलुम कोम हि! तुवाह मी तुवाह वोचाड लेह केरीन तु माहु पोर विश्वास काहा नाह केऱ्यो?"

तेवी यीशु एने पतरस नावी पोर चेढ गिया, एने चालूच वारो चालणे बोंद आय गियो। पाणी शान्त एय गियो। चेला बोंगलायीन यीशुन ओगाण मांड्या पोड गिया। ता तान आराधना केऱ्या एने, "खेरीच तु बोगवानान सोरो हि।"