30. येशु पांच हाजारन खानु देच

येशु ये अपना सोपतीन आलग आलग गमती लोकून सू समाचार शिकावन पोचाया। जध यो येशु क डबल आया तध हीवे करेला काम येशु न बोल्या तध येशु ये हिन्वे तलावना दुसरा किनारा पर शांत जगा पर काहि घंटा ना लिये आराम कराना लिये हिना बरोबर बुलाया फेरी यो जहाज पर बेशा आणि दूसरा किनारा पर गया।

परन्तु यों ठिकाण पर घना लोक था हिन्वे येशु व हिन्वा शिष्य न जहाज पर बेशीन देख्या। यो सबन लोकू हिन्वा आगुदर तलवाना दुसरा किनारा पर पोह्चवना लिए किनारा ती नाशवान लाग्या। हिना पायती येशु व शिष्य यों ठिकाण पर पोहचा तध एक मोठो आदमी हिवनी वाट देखू करौ।

यो लोकू म कंनत कंन 5000 आदमी था। तरी बी बायबल आणि लड़कावन मोजा कोणी था। तरीबी येशु न हिंन्व आळशो आयो कोनी थो। येशु यो लोकू म मेंडपाळ नशीन बी मेढपाळ वाणी दिशो तध यो हिव्व शिकावान लागो आजिक जो हिवना म बीमार लोकू था हिवन चगलू करान लागो।

दुपार हिवना शिष्य येशुक जाईन बोलू, “घना घंटा हुई गया आणि हां कन्ह पास कोणताच गाम काईनी तध आपुण लोकून पोचाइदे फेरी यो आपना लिय खावान काही तरी लावशे।”

फेरी येशु ये शिष्य बोलू, “तुम हिवना लिए काही तरी खावान लेयो हिव्ये उत्तर दिदु हम किन ओवडा मोठा लोकून खावान दि सके आपना कन फक्त पाच रोतला आजिक ब माछ्ले छ।”

येशु ये शिष्य न बोल्यु की हियो लोकू न 50-50 पंक्त करिन बेसान बोल्यु।

फेरी येशु ये पाच रोतला आणि ब मछ्ले लीदे आभाळल आळी देखु आणि यो खनाना लिए देवन धन्यवाद करो।

फेरी येशु ये रोटला ना आणि माछ्ली ना तुकडा कव्या। आणि हिना शिष्य क वाटांना लिए दिदा शिष्य वाटतातच रहीग्या तरीबी यो खानू खतम हुदू कोनी सबन लोकु खाइन आंदित हुइ गया।

फेरी येशु ये रोटला ना आणि माछ्ली ना तुकडा कव्या आणि हिना शिष्य क वाटांना लिए दिदा शिष्य वाटतातच रहीग्या तरीबी यो खानू खतम हुदू कोनी सबन लोकु खाईन आंदित हुइ गया।