10. परमेश्वरे मिस्रांग सा मुसीबतरे च़रच़ि
परमेश्वरे मूसाए हारूनबी चेतावनी रन्दु कि फिरौन हठ लज़ाड़ शुचे योतो। आपेल दोरे फिरौनो कचांग इलिरे दोकुच़ि दोबि कुड़िकु, “इस्राइलो परमेश्वरे ध्यां कुचा कि, ‘ग्यु मीतिंग इबि रोऊँ!’” पर फिरौने दोतु मरेड्ररी दोई इस्राइलो मीतिंग छोड़ेक्च़िमि बजाए दोतिंग आई मास्स कठिन परिश्रम लेईरिंग मजबूर लरि।
फिरौने दु मीतिंग छोडेक्च़िमि थलज़ि लगातार इन्कार लज़ि लेकि तोई, दोऊ थलज़ि परमेश्वरे मिस्रांग सा भयंकर मुसीबतरे च़रति। दि बत्ते मुसीबतरे च़रच़े, परमेश्वरे फिरौन बी कांडि कि दु फिरौने मिस्रो सादे बे च़ि मास्स शक्तिशाली तो।
परमेश्वरे नील नदीऊ ती बी शुईरिंग लेके केरी, पर फिरौने तां ला इस्राइलीतिंग इबि मरेईं।
परमेश्वरे बत्ते मिस्रांग मेंढकरे च़रति। फिरौने मेंढकतिंग साच़िमि थलज़ि मूसारांग ज़ी लरि। पर बत्ते मेंढकरे सिए थल, फिरौने एनो सेमबि कठोर ले केरि। दोई इस्राइलो मितिंग इबिए मरेईं।
दांग परमेश्वरे च़िक्च़ाड़ यांग्ज़ातु मुसीबत च़रति। दोऊ थल दोई यांग्ज़ातु मुसीबत च़रति। फिरौने मूसाए हारूनबी बुलाके दोकुतिंग कुड़ि अगर दोकुई दि मुसीबतबी रोकके केरिकु सेत इस्राइलो मिरे मिस्रागज़ि इबि तरफोरे। अपेल मूसाज़ि प्रार्थना लरि दांग परमेश्वरे मिस्रांगज़ि यांग्ज़ातु मुसीबत हटाके केरि। पर फिरौने एनो सेम कठोर ले दोतिंग इबि मरेईं।
दिऊ थल, परमेश्वरे मिस्रो बत्ते पालतु जानवरतिंग टेपि ले सी रन्दु। पर फिरौनो सेम उई ला कठोर शुचे इलि दोई दोतिंग इबि मरईं।
दांग परमेश्वरे मूसाबि कुड़ि, कि फिरौनो तुईच़ि लन्नदिंग ताब छ़ाङु। आपेल दोई जां लरि मस्रो मितु चमड़ीरिंग खाजि हुन्ज़ा इलि, पर इस्राइलो मितिंग छल्ले मशुई, परमेश्वरे फरौनो सेमबि कठोर ले केरि, दोई दोतिंग तां ला इबि मरेईं।
दिऊ थल परमेश्वरे शरू थचे मिस्रो मास्स फसलरे तबाह ले केरि आई अरिए धक्तिका हुन्ज़िरि दोबि साचे केरि। फिरौने मूसाए हारूनबि बुलाके कुड़ि, “गै पाप लत्ताग। केरे देरच़ि इलइं।” दांग मूसे प्रार्थना लरि, दांग सर्गांग ज़ि शरू दपि बन्द शुई।
पर तां ला फिरौने यच़ा पाप लरि दोई एनो सेम डाक्कन ले केरि। दोई इस्राएलिरेतिंग इबि मरोऊं।
दांग परमेश्वरे मिस्रो टोखटे टिटतु झुण्डतिंग आपि रन्दु। दु टिटच़ि बत्ते फसलबी जै़ केरिरे आउँ दु शरूजि़ बचेके इन्दे।
दांग परमेश्वरे मिस्रांग शुम्मु ध्याड़ा तचे हयांर ले केरि । दु धोंड़ हयांर तोई कि मिस्रो मीरे एनतु चुंगज़ि धक्तिका हुपि मारतिरे। पर आंरतिग इस्राइलिरे बांगजतरे दोर छा़ङि तोई।
दि कु मुश्किलो थल ला, फिरौने इस्राइलितिंग आज़ाद शुचे इबि मरेईं। छेईकुचे फिरौने दोऊ गप्पा मरेजते दोऊ थलज़ि परमश्वरे आखिरी मुसीबत च़रच़िमि योजना बनाकतो। दिरांग साथे फिरौनो सेम लेक्सा योतो।
बाइबलो किताबंज़ी लेपसी निर्गमन अध्याय 5-10
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।