28. सेठ छ़ोकरा शासक

इच़ा ध्याडा, इच़ा सेठ छ़ोकरा शासके यीशुज़ु कच्चाङ अंजे दोबि रुक्ति, “हे रुठे गुरु, अनन्त जीवन जुन्ज़िमि थलज़ि गिबि चि लज़ि लेपोतो?” यीशुज़ी दोरंग कुडी, “केई गिबी ‘रुठे’ छेरिंग कुचतन? झित्ते इच्च़े रुथे शु दु परमेश्वर शु।

दोई रुक्ति, “गिबी आऊंसंङ-आऊंसंङ आज्ञारे मनेकच़ि लेपोतो?” यीशुज़ी जवाब रेईं, ”हत्या थलोऊ। माजी थलोऊ। चोरी थलोऊ। हफसि थकुडु। केनो या-बाकू आदर लोऊ, अई केनो पढोसीरंग घ्याङो ठ्रो दा लोऊ।”

पर दु छ़ोकरा गङमी कुडि, “गे घ्याङो बालपन बेच़िए दि भत्ते आज्ञातिंग मनेक्च़ा अन्जि शुगा। गिबि हमेशो थलज़ी श़िङि बंगज़िमि थलज़ी अत्तला चि लज़ि जूंशी तो? “यीशुज़ी दोऊ हाखा खणि ए दोबि दा लरि।

यीशुज़ी जवाब रणि, “अगर का सिध्द शुबिमी ततन सेत इन्जे केनो भत्तेधिर लङे च़रतू अई दु ढबा गरीबतिङं फाए च़रतु, दंग कनिंग स्वर्गरिंग धन खोक्सोतो। दोऊ थल अंजे ग्यु थले शुचे इला।”

चि यीशुज़ी कुत्ते अपेल दु छ़ोकरा गांङमी रेड्रिरी दंङ दु शोरन शुचे इल्लि, छेईकुचे दु मस्स ढबो ग्राक तोई दंङ दोई ऐनो भत्ते सम्पत्तिबी रंड्रिमि मतरे। दु किरज़ा यीशुज़ु कच्चरिंज़ी अच्च़ा इन्जा।

धोपेल यीशुज़ी एनो चेलातंग कुड़ि, “परमेश्वरो राज्यरिंग सेठ मीतु तोंखा अपि मास्स खरे तो! वई, इच़ा सेठ मीज़ु परमेश्वरो रज्यरिंग इबिम बेच़ि अरिया ऊँठो चेबतु पुन्ज़ारिंगज़ी शुचे इबि योचि तो।”

चि यीशुज़ी कुत्ते अपेल चेलारेचि रेड्रिरे दोरे हेरान तोइरे। दोच़ि कुढिरे, “अगर दि ध्याँह शु सेत परमेश्वरे अतिंग बचापोतो?”

यीशुज़ी चेलातु आखा खणि दंग कुडि, “ मीतु थल्ज़ि घ्याङो उध्धार लज़ी खरे शु। पर परमेश्वरो थल्ज़ि छिल्ला लज़ि खरे मशु।”

पतरसे यीशुरंङ कुत्तो, “ङेरे चेलारे हेन्दु भत्ते-धिर केट्रा काँ थले शुचि इन्दईं। दंग ङेतु इनाम चि शोतो?”

यीशुज़ी जवाब रणि, ”इच्च़ा-इच्च़ा मी अच़ि ग्यु मुके चुंग, काका, ऋङ, या, बा, कटु, या जागा केट्रा अन्दोरे, दोच़ी दुबे 100 गुना मस्स खोक्कपोरे अई अनन्त जीवन ला खोक्पोरे। पर मस्स अऊँ दोरे तुई तोतोरे दोरे थले शोरे, अई मस्स अऊँ थले तोतोरे दोरे तुई शोरे।”