31. यीशूज़ु तीऊ टोख्टे जोई

ङा हजार मीतिंग बगत रैंथल, यीशूज़ि एनो चेलातिंग किशतिंग इबिरिंग कुत्तो। दोई दोतिंग झीलो नुरेच़ि इबिमि थल्ज़ि कुत्तो पर दु एना मिना ध्याड़ो थल्ज़ि दोरे रुमज़ा इन्जा। दोऊ थल्ल चेलारे अच़ा इलिरे दांङ यीशूज़ि दोतिंग विदा लरि कि दोरे एनतु चुंखा योरे। दिऊ थल्ल, यीशू प्रार्थना लेईमि थल्ज़ि इच़ा गो ज़ु टोख्टे अच़ा इन्जा। दोरतिग दु इच़ा तोई, दोई दोर मास्स रात तचे प्रार्थना लरि।

धोपेल, चेलारे एनतु किशति चलाच़ा इबि लेकि तोईरे, पर लन्न दोतु फुचांङका मास्स जोरे अपि लेकि तोई। मास्स रात शुचे ल दोरे अत्तला झीलो बिचांगए पिचतेर।

धोपेल यीशुज़ि प्रार्थना लज़ि योचतु दाङ एनतु चेलातु कचरिंग यच़ा इलि। दु किशतिऊ आखा इबिम थल्ज़ि तिऊ टोखटे जोरि।

धोपेल चेलारेच़ि दोबि तांगरिरे। दोरे बै इलिरे छेई कुचे दोच़ि चेकतेर कि दु अरिया बेड़ा शु, यीशु ज़ि ञेंयते कि दोरे बै इन्देर, दिऊ थल्ज़ि दोई दोतिंग हाग रैं कुड़ि, “बेऊईं थाईं दि गे शुगा!”

दाङ पतरसे यीशुरांग कुड़ि, “हे प्रभु, अगर दि का ए शुना सेत गिबि तीऊ टोख्टे जोए केनो कचरिंग अपिम आदेश रोऊं।” यीशुज़ि पतरसरांग कुड़ि, “अता!”

दाङ पतरस किशतिंगज़ि ताग्सा इलि दांग यीशू कचरिंग इबिम थल्ज़ि तिऊ टोखठे इबि च़ुक्ति। पर फोआर ओईतारे इन्जे थल, दोई एनो टीरा यीशु दोरच़ि घेरेके केरि आई ती बि खन्जि ए लन्न बि महसूस लज़ि च़ुके केरि।

पतरस बै इलि दाङ तीरिंग डुम्बि च़ुक्सिरि। दु हाऊशेक्ति, “हे प्रभु, गिबि बचातु!” यीशुज़ि धोपेलए गुड़ तूखा ले दोबि च़ुमे केरि। दांङ दोई पतरसबि कुड़ि, “कनु बिश्वास मास्स थोड़े तो! कनिंग सुरक्षित तच़िम थल्ज़ि केई ग्यु टोखटे भरोसा छेरिंग मतरिन?”

दाङ यीशु ए पतरस किशतिंग लोक्सा इलिकु, धोपेले लान्न बन्द शुचे इलि। ति धिप्पन शुचे इलि। चेलारे हैरान शुचे यीशु तुईच़ि पुशतु टोखटे बांगज़ा इलिरे। दोच़ि दोबि फ्याग ले कुड़िरे, “हेल्ले क परमेश्वरो यो शुना।”