32. यीशुज़ि माजि आत्माओ दोरच़ि इच़ा मीए इच़ा टेचि मेच़मिबि ठीक लरि

यीशुए दोऊ च़ेलारे एनतु किश्तिंग दु ठाढ़िरिंग इन्दोरे आंरतिग गिरासेनी मीरे बागंज़ा तोईरे। दु ठाढ़िरिंग पिचे दोरे दोर ताक्सिरे।

दोर इच़ा मी तोई आतिंग माजि आत्माज़ि च़ुमसि तरे।

दि मी धोंण तकड़ा तोई कि आच़िला दोबि काबू लेई मारच़तेर। मास्स फेरा मीच़ि दोऊ गुड़ ए कोन्ज़ाबि शांङणी कुचे छ़ुचे केतेर, पर दोई दु थाक्शे केट्रा तोई।

दु मि दु ठाढ़िरिंग मशाणांग बांगज़ा तोई। दि मि पूरा ध्याड़ा ए पूरा रात हाऊशेक्पा लज़ि तोई। दोई खाम्म मलेच़ा तोई आई घड़ि-घड़ि एनबि राग्गट्रि घायल लज़ा तोई।

दु मि ज़ारका रन्जा यीशु कचरिंग अन्जा दाङ दोऊ तुईच़ि पुशटु टोखटे बांगज़रि। दाङ यीशुज़ि दोऊ तोंग कि आत्मारांग गप्पा ले कुड़ि, “दि मिऊ अन्दरेगच़ि धाक्तिखा हुच़ा अता!”

दु माजि आत्माज़ि जोरे हाउशेके कुड़ि, “हे यीशु, बत्ते बे मोढ़े परमेश्वरो यो, कनु गैरांग चि काम्म? ज़ी शबस गिबि तंग थलऊ!” दाङ यीशु ज़ि दु माजि आत्माबि रुकतो, “कनु मिन चि शु?” दोई जवाब रेंईं, “ग्यु मिन सेना शु, छेई कुचे ञेंरे मास्स तोतोईं।” (रोमी सेनारिंग मास्स हजार सैनिकतु इच़ा झुण्ड इच़ा “सेना” शुबि तोई)

दु माजि आत्मारेच़ि यीशुबि शबस लेईरे कि, “दोतिंग दि ठाढ़िरिंगज़ि धातिका थच़रतु!” दोररे कचरिंग गोरिंग सुअरतु इच़ा झुण्ड रुआक्सि लेकि तोई। दिऊ थल्ज़ि दु माजि आत्मा रेच़ि यीशु बि शबस लरिरे, “शबस ले ञेंतिग दु सूअरतु अन्दरेग च़रचि च़रतु!” यीशु ज़ि कुड़ि, “ठीक शु, दीतु अन्दरेग अच़ा इलईं!”

दाङ दु दुष्ट आत्मारे दु मीऊ अन्दरेगच़ि हुन्ज़ा सूअरतु अन्दरेग अच़ा इलिरे। दु सूअररे ज़रकेके इलिरे दाङ इच़ा गोच़ो दोरच़ि झीलांग छुआड़ रें डुमजे सिए इलिरे। दु झुण्डांग लगभग 2,000 सूअररे तोईरे।

दोरतिग दु सुअररे रुन्जाड़ मीरे तोईरे। चि-चि शुत्ते अपेल दोच़ि खणिंरे दोरे नगरो आखा पोख्शे इलिरे। यीशुज़ि चि लत्ते दोर दोच़ि बत्तेतिंग शदिरे। दु नगरो मीरे बत्ते अतिरे दाङ दु मीबि खणिरे आंऊ दोऊ अन्दरेग माजि आत्मारे तोइरे। दु मी शान्तिरांग, खामज़े लेच़ा, इच़ा ठीक ठाक मीऊ छो बांगज़ा तोई।

दु मीरे मास्स बै इन्जे तोईरे दाङ दोच़ि यीशुबि अच़ा इबिरिंग कुड़िरे। दाङ यीशु किश्तिंग लोक्सा इलि। दु मी आंऊ दिऊ अन्दरेग माजि आत्मारे तोईरे दोच़ि यीशुरांग इबिरिंग ज़ि लरिरे।

पर यीशुज़ि दोरांग कुड़ि, “मेस्स। गे जुंगा कि केई चुंखा इन्जे बत्तेतिंग कन्डु कि परमेश्वरे कनु थल्ज़ि चि लत्तु। दोतिंग कन्डु कि छना परमेश्वरे कनु टोखटे दया लत्ते।”

दोऊ थल्ज़ि दु मी अच़ा इलि दाङ बत्ते तिंग दि पाटि कन्जतु कि यीशु ज़ि दोऊ थल्ज़ि चि लत्तु। दोऊ कथा रेड्रा इच़ा-इच़ा मी हैरान शुत्ते।

यीशु झीलो नुरेच़ि यच़ा अति। दोऊ दोर पिचे थल्ल, इच़ा मोट्टे भीड़ दोऊ कचरिंग ठ्रोक्कन शुई दाङ दोबि तेप्च़ि लेकि तोईरे। दु भीड़ांग इच़ा मेच़मि तोई आंऊ दु सनिह वर्षरिंगज़ि शुई आपिमि तकलीफरिंग तोई। दोई एनो बत्ते ढबा डाक्टरतिंग रैं केते छेई कुचे दोच़ि दोबि ठीक लेई तरफोरे, पर दोऊ रोग उई ल बिगड़ेके इलि।

दोई थशते कि यीशुज़ि मास्स टेचि मीतिंग ठीक लत्ते दाङ दोई सोचेक्ति, “गै पक्का तोतोग कि अगर गै यीशु खामज़ेबि जेत्ते पच रैंईगा सेत गैला ठीक शुचे योग!” दिऊ थल्ज़ि दु यीशु थलेच़ि आन्जे यीशु खामज़ेतिंग पच रैं केरि। छन्ने दोई दोबि पच रणीं, शुई हुच़ि बन्द शुचे इलि।

युरने, यीशुज़ि ञेंए केरि कि दोऊ धुन्ना शक्ति हुन्ज़ते। दोऊ थल्ज़ि दोई थल्का किरज़ा रुक्ति, “गिवि अच़ि पच रणीं?” चेलारेच़ि जवाब रेईंरे, “देर धोंण बत्ते मीरेच़ि कां फेरे झुण्ड लगासि ततोर, दाङ केई जां चिले रुकतन कि कनिंग अच़ि पच रन्दो?”

दु मेच़मि यीशु तुईच़ि बेई ए डगेके एनो पुशतु टोख्टे बांगज़ा इलि। दाङ दोई दोबि कान्जे केरि कि दोई चि लत्ते, दाङ दिला कि दु ठीक शुचे इन्जा। यीशुज़ि दोरांग कुड़ि, “कनु विश्वासे कनिंग ठीक लत्तु। रुठे रांग इला।”