36. यीशु मसीहज़ु रूप लेक्सि

इच़ा ध्याडा, यीशुज़ि एनो श़ुम्मु चेलारे, पतरस ,याकूब ए यूहन्नाबि एनारंग साथे शिल्लि। (दि यूहन्ना मिनदंग चेला दूसंग मी मशु अच़ि यीशुबि बपतिस्मा रंदे।) दोरे प्रार्थना लेईरिंग थलज़ि इच़ा रंगि गोरिंग इलिरे।

अपेल यीशुज़ि प्रार्थना लेई लेकि तोई धोपेल दोऊ मोद एकेऊ ठ्रो यहल्न शुचि इन्जा। दोऊ खम्ज़े छ़ञींऊ ठ्रो छ़ांञसी शुचे इन्जा, छना धरतिरिंग अच्च़िआ लेई तरथु दुबे ला मस्स छ़ांञसी।

धोपेल मूसा ए एलिय्याह भविष्यवक्ताकु प्रकट शुइकु। दि मीकु दि धरतिरिंग एन्थेग बेच़ि तेईया रामि साल तुई बङज़ा तोइरे। दोच़ि यीशुरंग दोऊ सीमि पाटी गप्पा लत्तेर, छेईकुचे दु युरने यरुशलेमंग सीए योतो।

अपेल मूसा ए एलिय्याहज़ी यीशुरंग गप्पा लज़ि लेकि तोईकु धोपेल पतरसे यीशुरंग कुडि, “हेन्दु थलज़ि देर शुबि रुठे शु। हेन्ज़ि श़ुम्मु मन्डपरे बनापोईं, इच़ा कनु थल्ज़ि, इच़ा मूसाज़ु थल्ज़ि अई इच़ा एलिय्याह ऊ थलज़ि।” पर पतरसे मनेऊ कि दोई चि कुच़ि लेकि तोई।

अपेल पतरसे गप्पा लेई लेकि तोई, धोपेल इच़ा याहलन छ़ाङि च़टे डू दोतु टोक्ठे चस्सा इन्जा। दंग दोच़ि डूरिंगज़ि इच़ा सग अपि थदिरे। दोई कुत्तो, “दि ग्यू यो शु अतिंग गे दा लज़ि। गे दोरंग राजि तोतोग।दोऊ रेड्रुईं।” दोरे श़ुमला चेलारे बेई इलिरे दंग श़ोढिंग लम्मे शुचि इलिरे।

दंग यीशुज़ि दोतिंग पच्च रेईं कुडि, “बेऊईं थाईं। खडे शूंईं।” अपेल दोच़ि भत्ते नम खणिरे, धोपेल चीए दोर तोई दु यीशुए तोई।

यीशु ए दोरे श़ुमुला चेलारे दु गोरिंगज़ि यच़ा योंखा तक्सा अतिरे। दोऊ थल यीशुज़ि दोतंग कुतो, “कि एन्थेग देर चि ची शुचा दु अतंगला थशदुईं। गे च़म्बे सी योग दंग ओल्ला श़ीञि योग। दोऊ थल केच़ि मितिंग कन्ड्रि तरफोईं।”