45. स्तिफनुस ए फिलिप्पुस

मुन्डा मसीह नेतातु बिचांग स्तिफनुस मिनदांङ इच़ा गांग्मि तोई। बत्तेच़ि दोऊ आदर लज़ि तोई। पवित्र आत्माज़ि दोबि मास्स तरछि ए बुदधि रांशि तरे। स्तिफनुसे मास्स चमत्काररे लसि तरे। अपेल दोई यीशु टोख्टे भरोसा लेईमि थल्ज़ि शिक्षा रन्दे दाङ मास्स मीच़ि दोऊ टोख्टे विश्वास लरिरे।

इच़ा ध्याड़ा, स्तिफनुसे यीशु पाटि शिक्षा रन्ड्रि लेकि तोई, दाङ मिना ध्याहं ठ्रो यहुदिरे आतिरे आच़ि यीशु टोख्टे विश्वास मलज़तेर दाङ दोतांग साथे बहस लेई च़ुके केरिरे। दोरे मास्स रोशेक्सा इलिरे, दोऊ थल्ज़ि दोरे धार्मिक नेतातु कचरिंग इलिरे दाङ दोऊ पाटि हाप्सि कुईरे। दोच़ि कुड़िरे, “ङेच़ि स्तिफनुसबि मूसा ए परमेश्वरो पाटि माजि गप्पा लज़तर थश्तईं!” दिऊ थल्ज़ि धार्मिकनेताच़ि स्तिफनुसबि च़ुमे मोढ़े पुजारि उई यहुदि प्रधानरेतु तुईच़ि शिन्दोर। उई ल हाप्सि गवाहरेच़ि स्तिफनुसो पाटि हापसि कुईरे।

मोढ़े यहुदि पुजारि स्तिफनुसबि रुक्ति, “दि मीच़ि चि कनु पाटि हेल्ले कुट्रतोरेआ?” स्तिफनुसे यहुदि मोढ़े पुजारिबी जवाब रन्ड्रिम थल्ज़ि मास्स गप्पारे कुट्रि च़ुक्ति। दोई कुड़ि कि अब्राहमो मोक्काज़ि च़ुके यीशु मोक्का तचे परमेश्वरे इस्राएलो मीतु थल्ज़ि नोख्खे कम्म लत्ते। पर मीचि हमेशा परमेश्वरो भौन्ना मलेईरे। स्तिफनुसे कुड़ि, “केरे परमेश्वरो खिलाफ हठ्ठी ए बगावत लज़ाड़ शुंईं। केच़ि हमेशा शुच्चे आत्माबि मिन्दिईं, छनाह कि हेन्दु पूर्वजच़ि हमेशा शुच्चे आत्माबि मिन्ज़तेर आई दोऊ भविष्यकुट्राड़बि ल सचे केतेर। पर दोच़ि चि लत्तेर केच़ि दुबे ल माजि लत्तईं! केच़ि मसीहबि साचे केरिईं!”

अपेल दु धार्मिक नेतारेच़ि दि रेड्रिरे, दाङ दोतिंग धोंण रोष आति कि दोच़ि एनतु रेट्रा बन्द ले मास्स जोरे हाउशेक्तिरे। दोच़ि स्तिफनुसबि शोके नगरो धाक्तिका लेन्ज़ा शिलिरे दाङ दोबि साच़िम थल्ज़ि राग्गटु द्रालेग केरिरे।

अपेल स्तिफनुस सी लेकि तोई, दोई जोरे कुड़ि, “हे यीशु, ग्यु आत्माबि लेप्तु!” दांङ दोई एनो पुशटु भारे शोड़िंग दचे हाग्ग रणिं, “हे प्रभु, दु पाप दीतिंग लेपि थरोऊं।” दाङ दु सिए इलि।

दु ध्याड़ा, यरुशलेमांग बांगज़ाड़ मास्स मीच़ि यीशुबी मनेक्च़ाड़ मीतिंग तंग लज़ि च़ुके केरिरे, दिऊ थल्ज़ि विश्वासी मीरे उईनम्खा पोख्शे इलिरे। पर दिऊ थल्ल ल, दोरे आंरे इलिरे दोच़ि यीशु पाटि प्रचार लरिरे।

फिळिप्पुस मिनदाङ यीशु इच़ा विश्वासी तोई। छना उई विशवासिरेच़ि लत्तेर ध्वांहए दु ल यरुशलेमांगज़ि पोख्शे इलि। दु सामरियाऊहाखा अच़ा इलि। दोरतिग दोई मीतिंग यीशु पाटि कन्डि। मास्स मीच़ि दोऊ टोख्टे विश्वास ले उद्‍धार खोक्तिरे। इच़ा ध्याड़ा, फिलिप्पुसो कचांग परमेश्वरो तरफे इच़ा स्वर्गदूत अन्जा दाङ दोई दोबि बणांग इबिरिंग कुड़ि, दाङ दोई दोबि इच़ा सड़करिंगज़ि जोईरिंग कुड़ि। फिलिप्पुस दोरतिग अच़ा इलि। अपेल दु सड़करिंग जोई लेकि तोई, धोपेल दोई इच़ा मीबि एनो रथांग इबि तांगरि। दि मी कूश देशो इच़ा मोढे मी तोई। पवित्र आत्माज़ि कुड़ि कि इला दु मी रांग साथ-साथे अच़ा इला।

दिऊ थल्ज़ि फिलिप्पुस रथो कचरिंग इलि। दोई थज़ि कि दु कूशी परमेश्वरो वचन पढेक्पि लेकि तो। दि वचन यशायाह भविष्यवक्ताज़ि च़ेसि तोई। दु पढ़ेक्पि लेकि तोई, “दोच़ि दोबि बलिऊ त्रैंईऊ ठ्रो लेन्ज़ा शिन्देर, आई छना इच़ा कुरच़ा चुप्पे शुबि, ध्वांह छो दोई इच़ा शब्द मकुड़ि। दोच़ि दोरांग साथे रुठे मलरिरे आई दोऊ आदर ल मलरिरे। दोच़ि दोऊ प्राण लेप्चे केरिरे।”

फिलिप्पुसे दु कूशीबि रुक्ति, “चि केई पढ़ेकपतन्न दु केई शुंङतना?” दु कूशी जवाब रणीं, “मशु। अपेल तचे अच़िया गिबि समझाति म धोपेल तचे गै शुंगज़ि मारका। ज़ी शबस ग्यु कचरिंग अन्जे बांगज़ु। यशायाहज़ि दि एनो पाटि च़ेच़तिआ कि अरिया उईतु?”

फिलिप्पुस रथांग लोक्सा बांगज़ा इलि। दाङ दोई दु कूशी मीबि दु कन्ड्रतु आऊं दु यशायाहज़ि यीशु पाटि च़ेसि तरे। फिलिप्पुसे परमेश्वरो वचनो उई ल मास्स भागो गप्पा लरि। ओ ध्याहं छो, दोई दु मीबि यीशु पाटि रुठे उजाब सुनाति।

फिलिप्पुस ए दु कूशी जोथर तीऊ कचरिंग आतिकु। दु कूशीज़ि कुड़ि, “खणुं! देर ती तो! गे चि दीक्षा लेप्चि तरछ़िया?” दाङ दोई रथ चलाच़ाबि रथ चच़िम थल्ज़ि कुड़ि।

दाङ दोकु तीरिंग अच़ा इलिकु, दांङ फिलिप्पुसे दु कुशीबि दीक्षा रणीं। अपेल दोकु तिरिंगज़ि धाक्तिका आतिकु पवित्र आत्माज़ि रिप्पकुचे फिलिप्पुसबी उई ठाड़िऊहाखा लेन्ज़ा शिलि। दोरतिग फिलिप्पुसे मीतिंग यीशु पाटि कान्ड्रि जारि तरे।

दु कूशी एनो चुंखा इबिम थल्ज़ि तूखा डेके इलि। दु राजि तोई कि द दोई यीशूबि ङेंए केरि।