11. फसह सन

परमेश्वर न मुसा अन् हारून ला फिरोन को पास यो बलबसाठी पठाईस की, इस्रायलीयो ला जान दे. उन्होने ओला चेतावणी दिस की, जर वय उनला नई जान देन, त परमेश्वर मिस्त्र का लोकमानको अन् जनावर का सर्वा पहिलौठा ला मार टाकन. फिरोन न यो आयकेन पण परमेश्वर बऱ्या विश्वास करबसाठी अन् ओकी गोष्ट मानबसाठी मनाई करीस.

परमेश्वर न ओको बऱ्या विश्वास करनेवाला कोणी को पण पाहिलौठा पुत्र ला बचाबसाठी एक उपाय को प्रबंध करीस. हर परिवार को एक निष्कलंक मेमना ला लेयकेना ओको वध करबोको होतो.

परमेश्वर न इस्रायलीयो लक ओ मेमना को रक्त लेयकेन्या आपलो घरका दरवाजा बऱ्या लगाबला बलीस. उनला ओको मास ला भाजबोको होतो, अन् मंग उनला अखमिरी रोटी को संग ओला फुर्ती न खाबोको होतो. उनन वो भोजन ला खाबो को बाद उनला लवकर मिस्त्र ला सोडबसाठी तयार रयबला लगाईस.

जसो करबसाठी परमेश्वर न इस्रायलीयो ला आदेश दिस होती, उन्होन ओको अनुसार सर्वो काही करीस. अर्धोरात्री परमेश्वर हर एक पाहिलौठा पुत्र को घात करत होतो अन् मिस्त्र को बिचलक होयकेना गयो.

इस्राएलियों का घर का दरवाजा बऱ्या रक्त लागे होतो, यकोसाठी परमेश्वर न ओन घरला सोड टाकिस. उनको अंदर का सर्वा लोक सुरक्षित होतो. वय मेमना को रक्त को कारण बाच्या होता.

तरी मिस्त्रीयो न परमेश्वर बऱ्या विश्वास नई करीस होती, अन् ओको आदेशला नई मानिस होती. यकोसाठी परमेश्वर न उनको घरला नई सोडीस. परमेश्वर न मिस्त्र का हर एक पहिलौठा पुत्र ला मार दिस.

जेलखाना मा कैदियो का पहिलौठा लक लेयकेना, फिरोन को पहिलौठा पर्यंत हर एक पहिलौठा नर मर गयो. आपली गयरी वेदना को कारण मिस्त्र का लगीत लोक रोवत होता अन् विलाप करत होता.

वाच रात्री, फिरोन न मुसा अन् हारून ला बलाईस अन् बलीस, “इस्रायलीयो ला लेयकेना तुरंत हि मिस्त्र लक निकर जाओ.” मिस्त्र का लोकन पण इस्रायलीयो ला तुरंत निकरब साठी आग्रह करीस.