15. प्रतिज्ञा को देश

अन्त मा, आब वो समय आयो होतो की, इस्राएली लोक प्रतिज्ञा को देश कनान मा प्रवेश करन ओन देश मा यरीहो नाम को एक देश होतो, ओकी सुरक्षा साठी ओको चारो कुद्या मजबूत दिवार होती, यहोशु न वो नगर मा दुय भेदियो ला पठाईस. ओन नगर मा राहाब नाव कि एक वेश्या रहत होती, वान यो भेदियो ला लपाईस अन् मंग बाद मा वान उनला नगर लक बचायकेन्या निकलबसाठी सहायता करीस. वान अश्यो यकोसाठी करीस कि वा परमेश्वर बऱ्या विश्वास करत होती, जो समय इस्राएली लोक यरीहो ला नाश करन, तब उन्होन राहाब अन् ओको परिवार कि रक्षा करबकी प्रतिज्ञा करीस होती.

इस्राएली लोक न प्रतिज्ञा को देश मा प्रवेश करबसाठी यरदन नदी पार करबकी होती. परमेश्वर न यहोशु ला बलीस, “याजको ला पहिले जान दे.” जब याजको न यरदन नदी मा आपलो पाय ठेईस, तब पानी की धारा को बहना थांब गयो. जीकोण इस्राएली लोक नदी को दुसरो कुद्या सुखानी भूमी बऱ्या पार होय सकन.

वय लोक न यरदन नदी पार करीस, त परमेश्वर न यहोशु ला बलीस कि, यरीहो बऱ्या हमला करबसाठी तयारीमा रहो, कारण वो लगीत दृढ नगर होतो. परमेश्वर न वय लोकला बलीस की उनको याजक अन् सैनिक ला सय दिवस तक ओ नगर को चारो कुद्या चक्कर लगाबोको होतो, आखीर याजक अन् सैनिको न असोच करीस.

तब सातवो दिस, इस्रायेलियो न ओ नगर का चारो कुद्या सात वेळा चक्कर लगाईस. ओन नगर का चारो कुद्या सातवो वेळा चक्कर लगाबोको बाद, याजको न आपली तुरहीया फुकीस अन् सैनिकोन जोरदार शब्द करीस.

तब यरीहो को चारो कुद्या की दिवार पड गई. जसी परमेश्वर न आज्ञा देईस होती, इस्रायेलियो न नगर कि हर एक चीज ला नष्ट करीस. उन्होन राहाब अन् ओको परिवार ला सोड टाकिस, जो इस्राएली यो को भाग बन गयो होतो. जब कनान रयनेवाला अन्य लोक न आयकीस कि इस्रायेलियो न यरीहो ला नष्ट करीस हा, तब वय डर गयो कि इस्राएली लोक उनको बऱ्या पण हमला करन.

परमेश्वर न इस्राएलियों ला आज्ञा दिस होती की, कनान मा रयनेवाला कोणतोभी जाती संग शांतसिंधी नई करबकी होती, पण गिबीनियो नाव को एक कनानी जाती न यहोशु संग खोट बोलीस, कि वय कनान लक दूर एक ठिकाण बऱ्या रयने वाला हा, उन्होन यहोशु संग शांतसिंधी करबोको अनुरोध करीस. यहोशु अन् अन्य इस्राएली अगुवो न परमेश्वर ला नई विचारिस कि उनला काय करबला पाहिजे, यको बजाय उन्होन गिबीनियो को सोबत शांतसिंधी करीस.

तीन दिवस को बाद इस्रायेलियो ला मालूम भयो की गीबोनी लोक कनान मा रहत होतो. वय क्रोधीत भयो, कारन गीबोनियो न उनला धोका दिस होती, पण उन्होन ओको संग करीस होती वा शांतीसिंधी ला बनायके ठेईस. कारन वय परमेश्वर को सामन्या करीस होती. तब काईवेळ को बाद, कनान मा रयने वाली एक अन्य जात, एमोरियो का राजा न आयकीस कि गिबोनियो न इस्रायेलीयो को संग शांतीसिंधी करीस हा, यकोसाठी उन्होन आपली आपली सेना ला एक करकेना मोठी सेना बनाईस अन् गिबोन बऱ्या हमला कर टाकिस.गिबोनियो न ओकी सहायता करबसाठी यहोशु पास एक संदेश पठाईस.

आखिर यहोशु न इस्रायेलियो कि सेना ला इकठ्ठा करीस अन् गिबोनियो कोपास पहुचबसाठी वय पूर्ण रात्र चाल्या. सकाळी पायठला उन्होन एमोरियो कि सेनाला चकित करिस अन् ओको बऱ्या हमला कर टाकीस.

ओन दिस परमेश्वर इस्राएलियों को साठी लढीस. ओन एमोरियो ला घबराय टाकिस अन् ओन मोठा-मोठा ओला गिरायकेना लगीत सा एमोरियो ला मार टाकिस.

परमेश्वर न सूर्य ला पण आकाश मा एक ठिकाण बऱ्या थमाय दिस, ताकी इस्रायेलियो ला पर्याप्त वेळ भटन कि एमोरियो ला पूर्ण तरहण हराय देन. परमेश्वर न इस्रायेलियो साठी एक मोठी विजय प्राप्त करीस.

जब परमेश्वर न उन सैनिको ला हराने के बाद, लगीत सारे कनानी जाति को लोग इस्राएल पर हमला करने को लिए इकट्ठा हुए। यहोशू अन् इस्राएलियों न हमला करके उनको सर्वनाश कर दिस।

यनो युद्धो को बाद, परमेश्वर न इस्राएल का प्रत्येक गोत्र ला प्रतिज्ञा को ओन देश मा उनको भाग दिस. तब परमेश्वर न इस्राएल ला ओकी सर्वो समीओ बऱ्या शांती प्रदान करीस.

जब यहोशू बूढो भय गयो त ओन इस्राएल का सर्वा लोकला एकसाथ बलाईस. तब यहोशु न वय लोकला स्मरण कराईस की उन्होन ओन वाचा को पालन करबकी प्रतिज्ञा करीस होती, जो उनको संग परमेश्वर न सीने पर्वत बऱ्या बांधिस होती. वय लोकन परमेश्वर को प्रती विश्वासयोग्य रयबकी अन् ओको व्यवस्थाओ को पालन करबोको वादा करीस.