16. सोडावने वालो

यहोशु को मरबोको बादमा इस्रायेलियो न परमेश्वर कि अवज्ञा करीस. उन्होन परमेश्वर को नियम को पालन नई करीस अन् उन्होन वो वाचा को देश लक बाच्या हुवा कनानीयोला भायर नई काढिस. इस्रायेलियो न आपलो सच्चो परमेश्वर यहोवाला सोडकेन कानानियो को देवताओ कि उपासना सुरु करीस. इस्रायेलियो को पास कोनतोच राजा नई होतो, येकोसाठी जेला जो चांगलो वाटे ओन वोच करीस.

परमेश्वर कि आज्ञा नई मानीस योकोन इस्रायेलियो न एक पद्धती ला आरंभ करीस, जेला लगीत वेळा दोहराईस. या पद्धती योन प्रकार चली, कई वर्ष पर्यंत इस्राएली परमेश्वर कि आज्ञा नई माननार, तब वय उन्हला उनको शत्रूओ पासलक पराजित करबोको योकोन दंडीत करन. वय शत्रू इस्राएलीयो लक उनकी वस्तू ला लुट लेन, उनकी संपप्ती ला नष्ट कर देन अन् उनको मातलक लगीत झनला मार टाकन. मंग जब इस्रायेलियो का शत्रू उनको बऱ्या कई वर्ष पर्यंत अत्याचार करन. ओको बाद इस्राएली आपलो पाप को पश्चाताप करन अन् परमेश्वर पासल उनला बचाबसाठी प्रार्थना करन.

हर वेळा इस्राएली पश्चाताप करन त परमेश्वर उनला बचावन. वय एक छुडावनेवाला को योकोन असे करन – एक असे जन जो उनको शत्रूओ को विरुद्ध लडन अन् उनला पराजित करन, तब देशमा शांती रहन अन् वो छुडानेवालो उनको बऱ्या चांगलोन शासन करन. परमेश्वर वय लोकमानला बचाबसाठी लगीत छुडानेवालाला पठाईस. परमेश्वर न जवळकि एक शत्रू जाती, मिद्यानियो को योकोन इस्रायेलियो ला पराजित करबोको योकोन अजून असे करीस.

मिद्यानियोन सात साल पर्यंत इस्रायेलियो कि फसलला लुटीस इस्राएली लोकमान लगीत डर गयता अन् वय गुफा मा लप गया, ताकी मिद्यानी लोक उनला ढूंड नई सक्या. आखिरकार उनला बचाबसाठी उन्होन परमेश्वर ला आवाज देईस.

गिदोन नाव को एक इस्राएली माणूस होतो. एक दिवस ओ एक गुप्त जागा बऱ्या गहू झाडत होता, ताकी मिद्यानी लोक ओला चुरा नई सके. यहोवा को स्वर्गदूत न गिदोन को जवळ आयकेन ओला बलीस, “ये शूरवीर सुरमा परमेश्वर तोरो संग हा. जा अन् इस्रायेलियो ला मिद्यानियो पासलक बचाव.”

गिदोन को पिता को पास मूर्ती ला समर्पित एक वेदी होती. सर्वात पहली गोष्ट जो परमेश्वर न गिदोन ला करबसाठी बलीस, कई वा ओन वेदीला तोडबोको होतो. पण लोकमान पासला डरत होतो, योकोसाठी ओन रात होबसाठी प्रतीक्षा करीस. तब ओन वा वेदीला तोडकेन तुकडा-तुकडा कर देईस. ओन परमेश्वर साठी एक नवीन वेदीला बनाईस अन् ओकोबऱ्या परमेश्वरसाठी बली चढाईस.

दुसरो दिवस सकाळी लोकमान न देखीस कि कोनीन वेदीला तोडकेन तुकडा-तुकडा कर टाकिस. योकोसाठी वय लगीत गुस्सा भया. वय गिदोन ला मार टाकबसाठी ओको घर गया, पण गिदोन को पिता न बलीस, “तुम्ही का आपलो देवता कि मदत करबोको प्रयास करण्याओ? जर वो देवता हा तर ओला आपली सुरक्षा खुद करने दे.” कारण ओन असे बलीस योकोसाठी लोकमान न गिदोन ला नई मारीस.

तब इस्रायेलियो ला लुटब साठी मिद्यानी लोक अजून आया. वय लगीत सारा होता कि उनला भोजू पण नई शकत होता. गिदोन न उनकी विरुद्ध लडबसाठी इस्रायेलियो ला एक साथ बलाईस. गिदोन न परमेश्वर ला दुय चिन्ह कि मांग करीस, जर ओला विश्वास होय जाये कि परमेश्वर खर मा ओला इस्राएल ला बचाबसाठी बलत होतो.

पहिलो चिन्ह साठी गिदोन न भेड कि वा भूमी बऱ्या ठेयकेन परमेश्वर ला बलीस कि, “सकाळी कि ओस फक्त भेद कि वा ऊन बऱ्या पडी पाहिजे अन् भूमी बऱ्या नई पडी पाहिजे. परमेश्वर न असेच करीस. अगलो रात्री परमेश्वर ला बलीस कि भूमी ओली भई पाहिजे पण भेड कि ऊन सुखी रयनी पाहिजे. परमेश्वर न असे पण करीस. वय दुय चिन्ह को कारण, गिदोन न विश्वास करीस कि परमेश्वर खर मा चाहते कि ओ इस्रायेलियो ला मिद्यानियो पासलक बचावन.

तब गिदोन सैनिकोला आपलो जवळ बलाईस अन् 32,000 माणूस आया. पण परमेश्वर न उनला बलीस कि ये लगीत जास्त हा. आखिर गिदोन न वय सर्वा 22000 ला घर वापस पठाईस, जो लडबला डरत होता. परमेश्वर न गिदोन ला बलीस कि ये माणूस आब पण लगीत हा. योकोसाठी गिदोन न 300 सैनिक ला सोळकेन वय सर्वा ला घर पठाईस.

ओन रात्र परमेश्वर न गिदोन ला बलीस, “मिद्यानियो कि छावणी मा जा अन् उनला गोष्ट करतांनी आयक. जब तू आयकस कि वय कोणती गोष्ट करत ओटो, तब उनको बऱ्या हमला करबला नको डरु. योकोसाठी ओन रात्र गिदोन खाल्या ओकी छावणी मा गयो अन् ओन एक मिद्यानी सैनिक ला आपलो मित्र ला ओमा गोष्ट सांगतानी आयकीस, जो ओन स्वप्नमा देखीस होतीस. ओ माणूस को मित्र न बलीस, “यो स्वप्न को अर्थ हा कि गिदोन कि सेना आपण मिद्यांनी सेना ला पराजित कर देबन.” जब गिदोन यो आयकीस त ओन परमेश्वर कि स्तुती करीस.

तब गिदोन आपलो सैनिको पास वापस आयो अन् ओन मातल सगळाला एक-एक नरसिंगा एक माती को घळा अन् एक मशाल देईस. उन्होन वा छावणीला घेर लेईस, जामा मिद्यानी सैनिक सुत्या होता. गिदोन का 300 सैनिक न आपली मशालला घळा न झाकिस होती, योकोसाठी मिद्यानी लोक वय मशाल को प्रकाशला नई देख सक्या.

तब गिदोन का सैनिक न आपलो घळा ला एकच वेळ बऱ्या तोडकेना अचानक मशाल को आगला प्रगट करीस. उन्होन आपलो नरसिंगा ला फुकीस अन् चिल्लाईस, “यहोवा कुद्या अन् गिदोन कि तलवार.”

परमेश्वर न मिद्यानियोला घबराय टाकीस, योकोसाठी वय एक दुसराला मारबला-काटबला लाग्या. लवकरच गिदोन वय संदेश वाहको पिछा करबसाठी उनकी मदत करबला बलाबला पठाईस. उन्होन ओकोमातल लगीत झनाला मार टाकिस अन् बाकीको पिछा करके उनला इस्राएल देश लक भायर काळीस. ओन दिस 1,20000 मिद्यानी माऱ्या गया. योन प्रकारे परमेश्वर न इस्राएल ला बचाईस.

वय लो गिदोनला आपलो राजा बनावून चाहत होतो, पण गिदोन न उन्ला असे नई करन देईस. लेकीन ओन उनको पासलक वय सोना का आभूषण मांगीस जो उनको मातल सर्वान मिद्यानियो पासल लुटीस होतीस. वय लोकमान न मोठी मात्रा मा गिदोन ला सोना देईस.

तब गिदोन वय सोनालक एक विशेष कपडा बनाईस जसे महायाजक घालत होतो. पण लोकमान न ओकी उपासना करनू चालू करीस, जसे कि वो एक मूर्ती हा. तब परमेश्वर न अजून इस्राएल ला दंडीत करीस, कारण उन्होन मूर्ती कि उपासना करीस होतीस. परमेश्वर न उनको शत्रूओला उनला पराजित करबसाठी सक्षम करीस. आखिरकार उन्होन अजून परमेश्वर पासलक मदत करबसाठी प्रार्थना करीस अन् परमेश्वर उनको पास उनला बचाबसाठी एक दुसरो सोडवनेवाला पठाईस.

याच गोष्ट लगीत वेळा घटी. इस्राएल लोक पाप करन, परमेश्वर उनला दंडीत करन, वय पश्चाताप करन, अन् परमेश्वर उनला सोळाबसाठी अजून कोनीला पठावन. कई साल पर्यंत, परमेश्वर लागीतसा सोळावनेवाला पठाईस, जिन्होन इस्राएलीयो ला उनला शत्रूओ पासलक बचाईस.

आखिरकार वय लोकमान न अन्य देश सारखा परमेश्वर पासलक आपलो साठी एक राजा कि मांग करीस. वय एक असे राजा चाहत होतो जो लंबो अन् शक्तिशाली रयने पाहिजे अन् जो युद्ध मा उनकी अगुवाई कर सकन. परमेश्वर यो निवेदन पसंद नई आयो, पण ओला असे राजा देईस, जसे उन्होन मांग करीस होतीस.