18. विभाजित राज्य

दाऊद राजा न चालीस साल पर्यंत शासन करीस, तब वो मर गयो अन् ओको पुत्र सुलैमान न इस्राएल बऱ्या शासन करबोको आरंभ करीस. परमेश्वर न सुलैमान संग गोष्ट करीस अन् ओला विचारिस कि ओ सर्वात जास्त काय चाहत होतो, कि परमेश्वर ओको साठी करन. सुलैमान न परमेश्वर पासलक मांगीस कि वो ओला लगीत बुद्धिमान बनाय देन. योन गोष्ट परमेश्वर ला प्रसन्न करीस, याकोसाठी परमेश्वर न सुलैमान ला संसार को सर्वात बुद्धिमान पुरुष बनाय देईस. सुलैमान न लगीत सी गोष्ट ला सिखीस अन् ओ एक बुद्धिमान शासक होतो. परमेश्वर न ओला लगीत धनवान पण बनाय देईस होती.

यरूशलेम मा सुलैमान न ओन मंदिर ला बनाईस, जेको साठी ओको पिता न योजना बनाईस होती अन् सामान ला इकट्ठा करीस होती. आब लोक मिलाप वालो तंबू को बजाय मंदिर मा परमेश्वर कि आराधना करत होता अन्न ओको साठी बली चढावत होता. परमेश्वर आयकेन्या मंदिर मा उपस्थित रहत होतो अन् वोमा ओ आपलो लोकमान संग वास करत होतो.

पण सुलैमान न दुसरे देश कि स्त्री संग प्रेम करीस. ओन लगीत सा लगभग 1000 स्त्री संग विवाह करकेन्या परमेश्वर कि अवज्ञा करीस. यकोमा लगीत सी स्त्रिया परायो देश लक आयी होती अन् आपलो संग आपला देवतावो ला लेयकेन्या आयी होती अन् ओकी उपासना करबोको सुरु ठेईस. जब सुलैमान बुढा भय गयो त ओन पण उनको देवताओ कि उपासना करीस.

यको वजह न परमेश्वर सुलैमान संग क्रोधीत होतो. ओन बलीस कि ओ इस्राएल देश ला दुय राज्यो मा विभाजित करबोको यकोन ओला दंड देन. वो सुलैमान को मरबोको बाद अश्यो करन.

सुलैमान को मरबो को बाद, रहबाम राजा बने। इस्राएल देश का सर्वा लोक ओला आपलो राजा को रूप मा स्वीकार करबसाठी एक साथ इकट्ठा भयो। उन्होन रहबाम पास शिकायत करीस कि सुलैमान न उनला लगीत कठीण परिश्रम करवाईस होती अन् लगीत सा कर वसुलीस होती. उन्होन रहबाम से अनुरोध करीस कि उनसे कम काम करवाए।

पण रहबाम न उनला मोठो मूर्खता न जवाब देईस, “तुमी बलतो कि मोरो पिता सुलैमान न तुमरो पासलक कठीण परिश्रम करवाईस पण मी तुमरो पासलक ओको पेक्षा पण जास्त कठीण परिश्रम करवाऊन अन् मी तुमला ओको पेक्षा पण जास्त पिडीत करून.”

जब लोक न ओला अश्यो बलते आयकीस त उनको मातलक कइयों न ओको विरुद्ध बलवा करीस. दस गोत्र न ओला सोड देईस. ओको संग आब फक्त दुय गोत्र हि बाच्या, योन दुय गोत्र न खुद ला यहूदा को राज्य बलीस.

बाकी का दस गोत्र न यारोबाम नाव को एक पुरुष ला आपलो राजा बनाय लेईस. यो गोत्र देश का उत्तर-पूर्वो भाग मा होत्या. उन्होन खुद ला इस्राएल को राज्य बलीस.

पण यारोबाम न परमेश्वर को विरुद्ध बलवा करीस अन् लोकमान पासलक पाप करवाईस. ओन आपलो लोक को यकोन उपासना करबसाठी दुय मूर्ती ला बनाईस. वय आब यहूदा को राज्य मा येरुशलेम मा परमेश्वर को मंदिर मा ओकी आराधना करबसाठी नई गया.

यहूदा अन् इस्राएल का राज्य शत्रु बन गयो अन् अक्सर एक दूसरो को विरुद्ध लढत होतो।

इस्राएल का नए राज्य मा, सारे ही राजा दुष्ट होतो। इनमें से कई राजा उनके स्थान पर राजा बनने की चाह रखने वाले अन्य इस्राएलियों के द्वारा मारो गयो होतो।

इस्राएल राज्य का सर्वच राजा न अन् अधिकतर लोकमान न मूर्ती कि उपासना करीस. जब उन्होन अश्यो करीस, तब वय अक्सर वेश्याओ को संग सुत्या अन् यमा पर्यंत कि कई वेळा मूर्ती को सामन्या पोऱ्याबारिकी बली पण करीस.

यहूदा राज्य को राजा, दाऊद को वंशज होतो। योन राजाओं मातलक कई चांगलो व्यक्ति होता, जिन्होंन न्यायपूर्वक शासन करीस अन् परमेश्वर की आराधना करीस। पण यहूदा को अधिकांश राजा दुष्ट होतो। उन्होन दुष्टता न शासन करीस, अन् मूर्तियों की उपासना करीस। यमा पर्यंत कि यकोमातल कई राजाओं न खोटो देवताओ को सामन्या आपला पोऱ्याबारिकी पण बली कर देईस. यहुदा का अधिकतर लोकमान न पण परमेश्वर के विरुद्ध बलवा करीस अन् अन्य देवताओ कि उपासना करीस.