19. भविष्यद्वक्ता

परमेश्वर हमेशा इस्राएलियों को पास भविष्यद्वक्ताओं ला पठावत होतो। भविष्यद्वक्ता परमेश्वर पासलक संदेश ला आयकत होता अन् मंग ओला लोकमानला सांगत होता।

जब अहाब इस्राएल राज्य बऱ्या राजा होतो त ओन वेळी एलिय्याह भविष्यद्वक्ता होतो. अहाब एक बुरो माणूस होतो. ओन खोटा बाल देवता की उपासना करबसाठी लोकमान ला विवश करीस होतीस. योकोसाठीएलिया एलिय्याह न अहाबला बलीस, “कि परमेश्वर वय लोकमानला दंडीत करबसाठी जानार होतो. ओन ओला बलीस “जब पर्यंत मी अजून बारीश आबला नई बलून तब पर्यंत इस्राएली को राज्य मा ना बारीश होन अन् ना ओस पडन.” या गोष्ट न अहाबला येवळो क्रोधीत कर देईस कि ओन एलिय्याह ला मार टाकबोको निर्णय लेईस.

योकोसाठी परमेश्वर न एलिय्याह ला बलीस, कि तू जंगलमा जायकेन अहाब पासलक लप जा. एलिय्याह जंगलमा वो सोता को पास गयो जामा जाबसाठी परमेश्वर न ओला बलीस होतीस. हर सकाळी अन् रात्री पक्षी एलिय्याह साठी रोटी अन् मांस लेयकेन आवत होता. यो सर्व वेळी अहाब अन् ओकी सेना एलिय्याह ला ढूंढत होता, पण ओला ढूंढ नई पाया.

बारिश नई होनू पासलक काही वेळको बाद वो सोता सुख गयो. योकोसाठी एलिय्याह जवळको एक देशमा चली गया. वो देशमा एक गरीब विधवा होती जोको एक पोऱ्या होतो. ओको पास भोजन लगभग खतम भय गयतो कारन वामा कोणतीच फसल नई भयती, पण तरी भी वा बाई न एलिय्याह कि देखभाल करीस. येकोसाठी परमेश्वर न ओकी अन् ओकी पोऱ्या कि जरुरत ला पूर्ण करीस. योन कारण लक ओकी आटा को पात्र अन् ओको तेल कि कुप्पी कबक खाली नई भई. ओन पूर्ण अकाल को वेळमा उनको पास भोजन होतो. एलिय्याह काही वर्ष पर्यंत वामा रयेन.

साढ़े तीन साल को बादमा, परमेश्वर न एलिय्याह ला बलीस कि ओ अजून बारीश करन. ओन एलिय्याह ला वापस इस्राएली को राज्य मा जायकेन अहाब संग गोष्ट करबला लगाईस. योकोसाठी एलिय्याह अहाब को जवळ गयो. जब अहाब न ओला देखीस अन् ओला बलीस, “अच्छा तू हास, मुसिबत पैदा करने वालो. एलिय्याह न जवाब देईस, “मुसिबत पैदा करने वालो त तू हास. तूनच यहोवा ला त्याग देयेस, वोच सच्चो परमेश्वर हा, लेकीन तू बाल कि उपासना करन्यास. आब तोला इस्राएल राज्य का सर्वा लोकमान ला कर्मेल पर्वत बरत्या लेयकेन आवस.”

आखिर सर्व लोकमान कर्मेल पर्वत मा गया. वय माणूस पण आयो जो बलत होतो कि वय बाल को संदेशला बलत होता. वय बाल का भविष्यवक्ता होता. वय सर्वा 450 होता. एलिय्याह न लोकमानला बलीस, “कब पर्यंत तुमी आपलो मनला फिराये ठेओ? जर परमेश्वर हा त ओकी आराधना करो, जर बाल परमेश्वर हा त ओकी उपासना करो.”

तब एलिय्याह न बाल को भविष्यद्वक्ता ला बलीस, “एक बैल कि बली करकेन ओको मांस को बलिदान होबसाठी एक वेदी बऱ्या ठेय देवो, पण आग नको लागाओ. ओको बादमा मी पण वसेच करून, अन् एक अलग वेदी बऱ्या मी वो मांस ला ठेय देऊन. तब जर परमेश्वर वेदी बऱ्या आग गिरावते त तुम्ही जान लेओ कि ओ सच्चो परमेश्वर हा.” तब बाल को भविष्यवक्ता न एक बलीला तय्यार करीस पण आग नई लगाईस.

तब बाल को भविष्यद्वक्ताओं न बाल कि प्रार्थना करीस, "हे बाल, आमरी आयक!" पूर्ण दिवस उन्होंन प्रार्थना करीस, अन् चिल्लाईस अन् यामा पर्यंत की खुडला चाकू न काट टाकिस. पण बाल न जवाब नई देईस, अन् ओन कोणतीच आग नई गिराईस.

बाल के भविष्यद्वक्ताओं न बाल की प्रार्थना करबला लाग्या, लगभग पूर्ण दिवस बीत गयो, आखिर उन्होन प्रार्थना करनू बंद कर देईस. तब एलिय्याह न दुसरो बैल को मांस ला परमेश्वर कि वेदी बऱ्या ठेईस. ओको बादमा ओन लोकमान पासलक पानी को विशाल बर्तन ला वो बलिदान बऱ्या तब पर्यंत उंडेलबसाठी बलीस, तब पर्यंत कि मांस, लकडीया अन् यामा पर्यंत कि वेदी को आसपास कि जमीन पूर्ण तराह न गीली नई भय गई.

तब एलिय्याह न प्रार्थना करीस, "हे यहोवा, अब्राहम, इसहाक, अन् याकूब को परमेश्वर, आमला देखाब कि मी तुमरो दास हाऊन. मला उत्तर देओ, जसे की ये लोकमान जान सकन की तुम्हीच सच्चो परमेश्वर होवो.

तुरंतच आकाश लक आग पडी अन् ओन मांस, लकडीया, चट्टानें, मिट्टी यामा पर्यंत कि वेदी को आसपास को पानी ला पण जलाय टाकिस. जब लोकमान यो देखीस, वय जमीन बऱ्या गिर गयो अन् बलीस, “यहोवाच परमेश्वर हय. यहोवाच परमेश्वर हय.”

तब एलिय्याह न बलीस, "बाल को एक बी भविष्यद्वक्ता बाच के नई गया पाहिजे. “योकोसाठी लोकमान बाल को भविष्यद्वक्ताओ ला पकड लेईस अन् उनला वांकू तलक लेय गया अन् मार टाकिस.

तब एलिय्याह न अहाब राजा ला बलीस, "जल्दी से अपने घर को भाग जा, क्योंकि बारिश होने वाली है।" जल्दी ही बादल घने हो गए, और भारी बारिश आरम्भ हो गई। यहोवा उस सूखे को समाप्त कर रहा था। इससे प्रकट हुआ कि यहोवा ही सच्चा परमेश्वर है।

तब एलिय्याह न आपलो कामला खतम करीस, तब परमेश्वर न एलिशा नाव को एक माणुसला आपलो भविष्यवक्ता होबसाठी चुनीस. परमेश्वर न एलिशा को माध्यम न लागीतसा चमत्कार करीस. एक चमत्कार नामान को संग भयो, वो एक शत्रू कि सेना को सरदार होतो, पण ओकी त्वचा ला एक बुरो रोग भय गयो होतो. नामान न एलिशा को बारा मा आयकीस होतीस, योकोसाठी वो एलिशा को जवळ गयो अन् ओन ओला ठीक करबसाठी अनुरोध करीस. एलिशा न नामान ला बलीस कि जायकेन यरदन नदी को पानी मा सात वेळा डुबकी लगाय टाक.

नामान क्रोधित भयो. ओन असे करबसाठी मना कर देईस, कारण यो ओला मूर्खता को काम वाढत होतो. पण बादमा ओन आपलो मनला बदलाय टाकिस अन् जायकेन यरदन नदी को पानी मा सात वेळा डुबकी लगाईस. जब आखिर वेळा वो पानी लक भायर निकरे त परमेश्वर न ओला ठीक कर देईस.

परमेश्वर न इस्राएल को लोकमान पास अन्य लगीत सा भविष्यद्वक्ताओं ला पठाईस. वय सर्वान लोकमानला मूर्ती कि उपासना करनू बंद करबसाठी बलीस. ओको अलावा, उनला एक दुसरो संग न्यायपूर्वक व्यवहार करबला पाहिजे अन् एक दुसरो बऱ्या द्या करबला पाहिजे. वय भविष्यवक्ताओ न लोकमानला चेतावणी देईस कि उनला बुरो काम ला करनू बंद कर देबोको हा अन् योको बजाय परमेश्वर कि गोष्ट को पालन करबोको हा जर वय लोकमान न अशो नई करीस त परमेश्वर उनला दोषी मानकेना उनको न्याय करन अन् उनला दंडीत करन.

जास्त वेळ वय लोकमान पारमेश्वर कि आज्ञा को पालन नही करीस. अक्सर उन्होन भविष्यद्वक्ताओं को संग बुरो व्यवहार करीस अन् यात पर्यंत कि कब-कब उनला मार टाकिस. एक वेळा उन्होन यिर्मयाह भविष्यद्वक्ता ला सुखो कुवा मा टाक देईस अन् ओला वामा मरबला सोळ देईस. वो कुवा कि तल मा किचड मा धस गयो. पण तब राजा ला ओको बऱ्या दया आयी अन् ओन आपलो सैनिक ला आदेश देईस की यिर्मयाह ला मारबोको पहले ओला कुवा लक भायर खीच ले.

भविष्यद्वक्ताओं न परमेश्वर कुद्याल बोलून चालू ठेईस, भले हि लोकमान उनको संग नफरत करीस. उन्होन लोकमानला चेतावणी देईस की जर उन्होन पश्चाताप नई करीस त परमेश्वर उनको नाश कर देन. उन्होन लोकमानला यो पण स्मरण कराईस की परमेश्वर उनको पास मसीहा ला पठाबकी प्रतिज्ञा करीस हा.