20. बंधुवाई अन् लौटना

इस्राएल को राज्य अन् यहूदा को राज्य दोनो न परमेश्वर के विरुद्ध पाप करीस. उन्होंन उस वाचा ला तोड़ देईस, जो परमेश्वर न उनको संग सीनै बऱ्या बांधिस होती. परमेश्वर न उनला पश्चाताप करबसाठी अन् अजून ओकी आराधना करबसाठी चेतावणी देबसाठी आपला भविष्यद्वक्ताओं ला पठाईस. पण उन्होन उनकी गोष्ट ला मानबसाठी मनाई कर देईस.

आखिर परमेश्वर न उनको शत्रूओ ला उनला नाश करबसाठी सक्षम करबको योकोन दुय राज्य ला दंडीत करीस. अश्शूर एक अन्य देश होतो, जो लगीत शक्तिशाली भय गयो होतो. वय दुसरो देश को प्रती लगीत निर्दयी पण होता. उन्होन आयकेन्या इस्राएल का राज्य ला नाश कर देईस. अश्शूरियों न आयकेन्या इस्राएल को राज्य मा लगीतोला मार टाकिस, जो चाहीस ओला लुट लेईस अन् देश का कई हिस्सा ला जलाय देईस.

अश्शूरियों न सर्वा अगुवा, धनवान लोकमान अन् असो लोकमानला जो किमती वस्तुये बनाय सकत होता, एक साथ इकट्ठा करीस अन् वय उनला अश्शूर देश लेय गया. इस्राएल मा फक्त काई गरीब इस्राएलीच बाच्या.

मंग अश्शूरी लोक ओन देश मा रयबसाठी विदेशीयो ला लेयकेन्या आया. वय विदेशीयो न ओन नगरला अजून बनाईस. जो इस्राएली ओमा बाच्या होता उनको संग उन्होन विवाह करीस. येन लोकमान का वंशज सामरी कहलाईस.

यहूदा का राज्य को लोकमान देखीस, कि कश्यो परमेश्वर न ओको बऱ्या विश्वास नई करबोको कारण ओकी गोष्ट ला नई मानबो को कारण इस्राएल का राज्य का लोकमानला दंडीत करीस होती. पण तब भी उन्होन कानानियो कि देवताओ कि मुर्तियो की उपासना करीस. परमेश्वर न उनला चेतावणी देबसाठी भविष्यवक्ताओ ला पठाईस, पण उन्होन आयकबला मना कर देईस.

लगभग 100 साल को बाद अश्शूरियों न इस्राएल को राज्य ला नाश कर देईस. परमेश्वर बेबीलोन को राजा, नबूकदनेस्सर ला यहूदा को राज्य बऱ्या हमला करबसाठी पठाईस. बेबीलोन एक शक्तिशाली देश होतो. यहूदा को राजा नबूकदनेस्सर को दास बनब अन् प्रती साल ओला लगीत सारो धन को भुगतान करबसाठी सहमत भय गयो.

पण काई साल को बाद, यहूदा को राजा न बेबीलोन को विरुद्ध बलवा करीस.आखिर बेबीलोनियों न वापिस आयकेन्या यहूदा को राज्य बऱ्या हमला कर देईस. उन्होंन यरूशलेम नगर बऱ्या कब्जा कर लेईस, मंदिर ला नष्ट कर देईस अन् नगर अन् मंदिर का खजाना ला लुट लेय गया.

बलवा करबोको कारण यहूदा को राजा ला दंडीत करबसाठी, नबूकदनेस्सर को सैनिकों न राजा को पुत्र ला ओको सामने मार टाकिस अन् मंग ओला अंधो कर टाकिस. योको बाद वय राजाला लेय गया, ताकी ओ बेबिलोन को जेलखाना मा मर जान.

नबूकदनेस्सर अन्ओकी सेना यहूदा का राज्य का लगभग साऱ्याच लोकमानला बेबिलोन लेय गयो. फक्त सर्वात गरीब लोकमानला मंग सोडकेन्या, ताकी वय खेत मा फसल उगावन. वेळ को योन काळला बंधुवाई बलीस गयो हा. जेकोमा परमेश्वर का लोकमानला प्रतिज्ञा को देशलक निकर जाबसाठी विवश करीस गयो होतो.

भलो हि परमेश्वर आपलो लोकमानला उनको पाप को साठी बंधुवाई मा लेय जाबोको योकोन दंडीत करीस. तरी वय उनला या आपली प्रतिज्ञाला नई भूलीस होतो. परमेश्वर न आपलो लोकमान कि निगरानी करबको जारी ठेईस अन् आपलो भविष्यवक्ता को यकोन संग गोष्ट करत होतो. ओन प्रतिज्ञा को सत्तर साल को बाद, वय अजूनप्रतिज्ञा को देश मा लौटन.

लगभग सत्तर साल को बाद, फारस को राजा कुस्रू न बेबीलोन ला पराजित करीस, यकोसाठी बेबीलोन का साम्राज्य को बजाए फारस का साम्राज्य न कई देश बऱ्या शासन करीस. इस्राएली लोग अब यहूदी कहलावत होता. उनको लक लगितो न आपलो पुरो जीवन, बेबिलोन मा बिताय देईस होती. फक्त लगीत थोडा बुढा यहुदीयो ला हि यहुदा को देश स्मरण होतो.

फारसी लोक लगीत सामर्थी होत्या, पण उन्होन आपला जित्या हुव्या लोकमान बऱ्या द्या करीस होती. फारसी लोकमान को राजा बनबोको काई वेळ को बाद, कुस्रू न एक आदेश देईस कि कोणी पण यहुदी जो यहूदा ला लौटबसाठी देखत होतो, वय फारस लक निकरकेन्या वापस यहूदा ला जाय सकते. यमा पर्यंत की उनन उनला मंदिर ला अजून बनाबसाठी धन भी देईस. आखिर बंधुवाई का सत्तर साल को बाद याहुदियो को एक छोटा समूह यहूदा मा येरुशलेम नगर ला लौटकेना आयो.

जब वय लोक येरुशलेम पहुचा त उन्होन मंदिर ला अन् नगर को चारो वोर कि दिवार ला अजून बनाईस. फारसी लोक आब पण उनको बऱ्या शासन करत होता. लेकीन एक वेळा अजून वय प्रतिज्ञा को देश मा रहत होता अन् मंदिर मा आराधना करत होता.