33. एक किसान की कहानी

एक दिवस यीशु झील को किनारा को जवळ होतो। वो लोकमानकी एक लगीत मोठी गर्दी ला शिक्षा देत होतो। ओला आयकबसाठी एवढा सारा लोक आया की यीशु को पास ओन सर्वो संग गोष्ट करबसाठी ठिकान नई बाचे। यकोसाठी वो पानी मा उभी नाव बऱ्या चढ गयो। वामा वो बस गयो अन् लोकमानला शिक्षा देईस।

यीशु न उनला या कहानी सांगिस, “एक किसान बीज पेरबसाठी भायर निकरे, जब वो हात न बीज ला पसरावत होतो त काई बीज मार्ग बऱ्या पड्या पण पक्षीयो न आयकेन्या ओन सर्वो बीज ला खाय लेईस। ”

"दुसरे बीज पथरीली जमीन बऱ्या पड्या, जामा लगीत कमी माती होती। पथरीली जमीन बऱ्या पड्या बीज लगीत लवकर अंकुरित भया, पण ओको जड जमीन मा गहराई मा जाबसाठी सक्षम नही होता। जब सूर्य निकरे अन् गर्मी भयी त वो पौधा मुरझाय गयो अन् मर गया। ”

"तरी पण दुसरा बीज झाडीयो मा पड्या. ओन बीजो न बाढनो सुरवात करीस, पण काटो न उनला दबाय देईस. यकोसाठी काटेदार जमीन बऱ्या पड्या बीज लक निकऱ्या पौधा मातलक कोणी पण अनाज उत्पन्न नई कर पायो.”

"दुसरा बीज चांगलो जमीन बऱ्या पड्या, वय बीज बाढ्या अन् जेवढा बीज पेरीस होती उनकोलक 30,६० अन् यात पर्यंत की 100 गुणा अनाज उत्पन्न करीस. जो कोणी पन परमेश्वर को मंग चलनो चाहत हा, वो ओन गोष्टी बऱ्या ध्यान दे, जो मी बलन्याऊन.”

या कहानी न चेलो ला उलझन मा टाक देईस, येकोसाठी यीशु न व्याख्या करीस, “वो बीज परमेश्वर को वचन हा. वो मार्ग एक अश्यो माणूस हा जो परमेश्वर को वचनला आयकीस, पण ओला समझत नई. तब शैतान ओको पासलक वचन ला चुराय लय जातो हा, अर्थात शैतान ओला वचनला समझब साठी दूर ठेवतो.”

"वो पथरीली जमीन अश्यो माणूस हा जो परमेश्वर को वचनला आयकते अन् ख़ुशी-खुशीत ओला स्वीकार कर लेते. पण जब मुश्कील वेळ आवते, या जब अन्य लोक ओला सतावते, त वो परमेश्वर पासलक दूर होय जाते, अर्थात वो परमेश्वर बऱ्या भरोसा करनो बंद करतो हा.”

"वो काटेदार जमीन अश्यो माणूस हा जो परमेश्वर को वचनला आयकते, पण वो लगीत सारी गोष्ट को बारामा चिंता करनो सुरवात करतो हा अन् वो लगीत सा धन कमाबसाठी प्रयास करतो हा, अन् वो लगीत सारी चीजो ला पाब को प्रयास करतो हा, काई वेळ को बाद, आब वो परमेश्वर ला प्रेम करनो मा सक्षम नई हा, यकोसाठी जो ओन परमेश्वर को वचन लक सिखीस होती, वो ओला परमेश्वर ला प्रसन्न करबसाठी सक्षम नई करतो हा. वो गहू की उंठलो को सारखो हा जो कोणी अनाज उत्पन्न नई करत हा.”

"पण चांगली जमीन वो माणूस हा, जो परमेश्वर को वचन ला आयकते, ओको बऱ्या विश्वास करतो हा अन् फळ उत्पन्न करतो हा.”