4. अब्राहम को संग परमेश्वर की वाचा

बाढ को लगीत साल को बाद संसार मा लगीत लोकमान रहत होता, अन् ऊन्न अजून परमेश्वर संग अन् एक दुसरो को विरुद्ध पाप करीस. कारण वय सर्व एकच भाषा बोलत होता. येकोसाठी वय एकसाथ जमा भया अन् संसारला भर देबोको परमेश्वर को आदेश को बजाय एक नगरला बनाईस.

वय लगीत घमंडी होता अन् उनला कशी जीवन जीबोको हा याकोबारामा वय परमेश्वर को आदेश को पालन करनू नई चाहत होता. अजून पर्यंत उन्न एक अशी मिनार बनाबला सुरवात करीस जो स्वर्ग पहुचन. परमेश्वर देखीस कि जर वय एक साथ मिळकेन बुराई करत रन् मंग वय लगीत पापी कामाला कर सकन्.

येकोसाठी परमेश्वरन उनकी भाषाला लगीत अलग-अलग भाषा मा बदल देईस अन् उन् लोकमानला पूर्ण संसारमा फैला देईस. जो नगरला बाबेल बलीस. जोको अर्थ हा गळबळी.

लगीत सव सालको बाद परमेश्वरन अब्राहम नाव को एक माणूस संग गोष्ट करीस. परमेश्वरन ओला बलीस, “आपला देश अन् परिवारला सोळकेन ओ देश मा चलो जा, जो मी तोला देखाउन. मी तोला आशिष देईन अन् तोरो पासलक एक मोठी जाती बनाऊन. मी तोरो नाव महान करून. जो तोला आशीष देन मी वोला आशिष देऊन अन् जो तोला श्राप देन मी ओला श्राप देऊन. तोरो योकोन संसार का सर्वा झनला आशिष भेटन.

आखिर अब्राहमन परमेश्वर कि गोष्ट आयकीस. ओन आपला सर्वा सेवकल अन् आपली सर्वी धन दौलत संग आपली बायको सर्वाला लेईस अन् वो कनान ला चली गयो जो परमेश्वरन ओला दिखाईस होतीस.

जब अब्राम कनान ला पहुचे तब परमेश्वरन् ओला बलीस, “आपलो चारो तरफ देख, मी तोला यो पूर्ण देश देऊन अन् तोरा वंश हमेशासाठी योको बऱ्या अधिकार ठेवन.” तब अब्राम वो देशमा बस गयो.

मलिकिसिदक नाव को एक माणूस होतो जो सर्वोच्च परमेश्वर को याजक होतो. एक दिवस जब अब्राम लडाई करकेना आवत होता, तब मलीकीसिदकन् अब्रामला आशिष देईस अन् बलीस “सर्वोच्च परमेश्वर जो स्वर्ग अन् पृथ्वी का स्वामी हा, ओ तोला आशिष देन.” तब अब्रामन् लडाई मा जिती हुई सर्व वस्तू को दशमांश मलिकिसिदकला देईस.

कई बरस बीत गया, पण आब् भी अब्राम अन् सारे ला कोणताच पोऱ्या नई भयो होतो. परमेश्वरन् अब्राम संग गोष्टी करीस अन् अजून प्रतिज्ञा करीस कि ओको एक पोऱ्या उत्पन्न होन अन् जसे आकाशमा तारा हा वसेच ओका लगीत सारा वंशज होन. अब्रामन् परमेश्वर कि प्रतिज्ञा बऱ्या विश्वास करीस. परमेश्वरन् घोषणा करीस कि अब्राम एक धर्मी जन हा कारण ओन परमेश्वर कि प्रतिज्ञा बऱ्या विश्वास करीस हा.

तब परमेश्वरन् अब्राम संग एक वाचा बांधिस. सामान्य रूप न् एक वाचा दुय दलो को बिचमा एक दुसरो संग काम करबला एक समझौता होतो. परमेश्वरन् अब्राम संग वा प्रतिज्ञा तब करीस होतीस जब अब्राम सुते होतो. पण वो तब भी परमेश्वरला ऐकु शकत होतो. परमेश्वरन् बलीस, “ मी तोरो शरीरल उत्पन्न करकेना तोला तोरो एक नीज पोऱ्या देऊन.” पण अब भी अब्राम ला कोणताच पोऱ्या नई होतो.