45. स्तिफनुस अन् फिलिप्पुस

प्रथम मसीह अगुवो को बीच मा स्तिफनुस नाव को एक पुरुष होतो, सर्व लोक ओका आदर करत होता. पवित्र आत्मा न ओला लगीत सामर्थ्य अन् बुद्धी प्रदान करीस होती. स्तिफनुस न लगीतसा चमत्कार करीस होती. जब ओन यीशु बऱ्या भरोसा करबोको बाऱ्या मा उनला शिक्षा दिस त लगीतसा लोकमान न ओको बऱ्या विश्वास करीस.

एक दिवस स्तिफनुस यीशु को बाऱ्या मा शिक्षा देत होतो अन् काई अश्यो यहुदी आयो जिन्होन यीशु बऱ्या विश्वास नई करीस होती अन् ओको संग वाद-विवाद करबला सुरवात कर देईस. वय लगीत क्रोधीत भय गया यकोसाठी वय धार्मिक अगुवो को जवळ गया अन् ओको बाऱ्या मा खोटं बोलीस. उन्होन बलीस, “आमी न स्तिफनुस ला मुसा अन् परमेश्वर को बारा मा वाईट गोष्ट बोलताना आयक्याऊन.” येकोसाठी धार्मिक अगुवो न स्तिफनुस ला गिरफ्तार कर लेईस. अन् ओला महायाजक अन् यहुदीयो का अन्य अगुवो को सामन्या लेयकेन्या आया. अजून पण खोटा गावः आया अन् उन्होन स्तिफनुस को बारा मा खोटं बोलीस.

महायाजक न स्तिफनुस ला विचारिस, “काय यो लोक तोरो बारा मा खरं बोलण्या?” स्तिफनुस न महायाजक ला उत्तर देबसाठी लगीतसी गोष्ट ला बलबला सुरवात कर देईस. ओन बलीस की अब्राहम को वेळलक यीशु को वेळ पर्यंत परमेश्वर न इस्राएल का लोकमानसाठी लगीतसा अनोखा काम करीस हा. पण लोकमान न हमेशा परमेश्वर की अनाज्ञा करिता करीस होती. स्तिफनुस न बलीस, “तुमी लोक परमेश्वर को विरुद्ध ह्ठीला अन् बलवा करनेवाला हो. तुमी न हमेशा पवित्र आत्मा ला अस्वीकार करीस, जश्यो की आपलो पूर्वज न हमेशा पवित्र आत्मा को अस्वीकार करीस होती अन् हमेशा ओको भविष्यवक्ता ला मार टाकिस होती. पण जो उन्होन करीस होती ओकी तुलना मा तुमी न अजून पण बुरा करीस हा. तुमी न मसीह ला मार टाकिस!”

जब वय धार्मिक अगुवो न यो आयकीस त वय एवढो क्रोधीत भय गया की, उन्होन आपलो कान ला बंद कर लेईस अन् मोठो आवाज न चिल्लाईस. वय स्तिफनुस ला घसीटकेन्या नगरलक भायर लेय गया अन् ओला मार टाकबसाठी पत्थर मारिस.

जब स्तिफनुस मरत होतो, ओन आवाज देईस, “हे यीशु मोरो आत्मा ला ग्रहण कर!” तब वो आपलो घुटना बऱ्या पड गयो अन् अजून ओन आवाज देईस, “हे प्रभू, यो पाप उनको बऱ्या नको लगावस.” तब वो मर गयो.

वो दिवस येरुशलेम मा रयनेवालो लगीतसा लोकमान न यीशु को अनुयायियो ला सताबला सुरवात कर देईस. येकोसाठी विश्वासी लोक अन्य स्थान ला चली गया. पण येको बावजुद पण, जामा कमा पण वय गया, उन्होन यीशु को बारा मा प्रचार करीस.

फिलिप्पुस नाव को यीशु को एक विश्वासी होतो. जश्यो की अन्य लगीतसा विश्वासीयो न करीस होती, वो पण येरुशलेम लक भाग गयो. वामा ओन लोकमान को बारा मा प्रचार करीस लगीतसा लोकमान न ओको बऱ्या विश्वास करीस अन् उद्धार पाईस. एक दिवस फिलिप्पुस को जवळ परमेश्वर को कुद्यालक एक स्वर्गदूत आयो अन् ओला जंगल मा जाबसाठी अन् एक सडक बऱ्या चलत होतो. त ओन एक व्यक्ती ला आपलो रथ मा जाते हुवे देखीस, यो व्यक्ती कुश देश का एक महत्वपूर्ण अधिकारी होतो. पवित्र आत्मा न फिलिप्पुस ला बलीस, की जायकेन्या ओन व्यक्ती को संग-संग चल.

येकोसाठी फिलिप्पुस रथ को जवळ गयो. ओन आयकीस की वो कुशी परमेश्वर को वचन ला बाचत होत्तो, जो यशायाह भविष्यवक्ता न लिखीस होती, वो ओला बाचत होतो, वो बाचत होतो, “वय ओला वध की जानो वाली भेड को समान लेय गया अन् जश्यो एक मेमना शांत होतो हा, ओन पण एक शब्द नई बलीस. उन्होन ओको संग अनुचित व्यवहार करीस अन् ओको आदर नई करीस, उन्होन ओको प्राण लेय लेईस.”

फिलिप्पुस न ओन कुशी ला विचारिस, “जो तु बाचन्यास काय तोला समझत पण हा?” वो कुशी न उत्तर देईस, “नई. जब पर्यंत कोनी येला मला नई समझावन तब पर्यंत मी येला नई समझ सकून. कृपा करकेन्या मोरो जवळ आयकेन्या बस. यशायाह यो आपलो बारा मा लिखित होतो, या कोनी दुसरो को?”

फिलिप्पुस रथ बऱ्या चढकेन्या बस गयो. तब ओन वो कुशी व्यक्तीला यो सांगिस, जो यशायाह यीशु को बारा मा लिखीस होती. फिलिप्पुस न परमेश्वर को वचन का लगीतसा अन्य भाग की पण चर्चा करीस, यो तरह न ओन वो व्यक्ती ला यीशु को बारा मा शुभ संदेश सुनाईस.

फिलिप्पुस अन् वो कुशी चलता-चलता पानी को जवळ आया. वो कुशी न बलीस, “देख यामा पानी हा. काय मी बाप्तिस्मा लेय शक्तून?” अन् ओन सारथी ला रथ रोकबसाठी बलीस.

आखिर वय पानी मा चली गया अन् फिलिप्पुस न वो कुशी ला बपतिस्मा देईस. जब वय पानी लक भायर आया, त पवित्र आत्मा अचानक फिलिप्पुस ला उचालकेन्या कोनी दुसरो ठिकाण लेय गयो. वामा फिलिप्पुस न यीशु को बारा मा सांगनो चालू ठेईस.

वो कुशी आपलो घर की यात्रा बऱ्या सामन्या बढ गयो. वो प्रसन्न होतो की, वो आब यीशु ला ओळखत होता.