49. परमेश्वर की नई वाचा

एक स्वर्गदूत न एक जवान बाई मरियम ला बलीस, की वा परमेश्वर को पुत्र ला जन्म देन. वा आब कुवारी होती, पण पवित्र आत्मा ओको जवळ आयो अन् वा गर्भवती भई. वान एक पुत्र ला जन्म देईस, जोको नाव वान यीशु ठेईस. योकोसाठी यीशु परमेश्वर अन् माणूस दुयबी हा.

यीशु न लगीत चमत्कार करीस, जो देखावते की वो परमेश्वर हा. वो पानी बऱ्या चले अन् आंधी ला शांत करीस. ओन लगीत सारा बिमार लोकमानला चंगो करीस अन् लगीत सारा लोकमान मातलक दृष्टात्मा ला काळीस. ओन मरे हुवो लोकमानला जिवंत कर देईस अन् ओन पांच रोटी अन् दुय मछलीयो ला 5000 लोकमानला खिलबसाठी पर्याप्त भोजन मा परिवर्तीत कर देईस.

यीशु एक महान शिक्षक पण होतो. जो काही ओन सिखाईस, वो ओन सिद्धता को संग सिखाईस. जो वय लोकमानला करबसाठी बलत होतो वो उनला करबला पाहिजे. कारण वो परमेश्वर को पुत्र हा. उदाहरण साठी, ओन सिखाईस की तुमला अन्य लोकमान ला ओनच रितीन प्रेम करबकी आवश्यक्ता हा, जसे तुम्ही स्वताह ला प्रेम करतो.

ओन यो पण सिखाईस की तुमला सर्वा पेक्षा जास्त अन् आपली संपत्ती पेक्षा पण जास्त परमेश्वर ला प्रेम करबला पाहिजे.

यीशु न बलीस की संसार मा कोनती पण वस्तू ला प्राप्त करनु पेक्षा जास्त चांगलो हा परमेश्वर को राज्य मा रयनु. ओको राज्य मा तुमरो प्रवेश करबसाठी आवश्यक हा की परमेश्वर तुमला तुमरो पाप पासलक बचावन.

यीशु न बलीस की काही लोक ओला ग्रहण करन, परमेश्वर वय लोकमानला बचावन. पण दुसरो लोक ओला ग्रहण नई करनार. ओन यो पण बलीस की काही लोक चांगली भूमी को सारखा हा, कारण वय यीशु को बारामा शुभ संदेश ला स्वीकार कर लेन अन् परमेश्वर उनला बचावन. पण काही लोक मार्ग की कठोर भूमी को सारखा हा. परमेश्वर को वचन बीज को सारखो मार्ग बऱ्या पडत हा. पण वामा काही नई उगत. वय लोक यीशु को बारामा संदेश ला अस्वीकार कर देते. वय ओको राज्य मा प्रवेश करबसाठी मना कर देते.

यीशु न सिखाईस की परमेश्वर पापियो संग लगीत प्रेम करते. वो उनला क्षमा करनु चाहत हा अन् उनला आपली संतान बनावनु चाहत हा.

यीशु न यो पण सांगिस की परमेश्वर पाप संग घृणा करते. कारण आदम अन् हव्वा न पाप करीस, योकोसाठी उनका सर्वा वंशजो न पाप करीस. यो संसार मा रहने वाला हर एक जन पाप करते अन् परमेश्वर पासलक दूत हा. हर एक जन परमेश्वर को शत्रू हा.

पण परमेश्वर न यो संसार मा रहने वाला हर एक जन ला योन रितीन प्रेम करीस, ओन आपलो एकलौतो पुत्र ला देय देईस ताकी परमेश्वर उनला दंड नई देईस पाहिजे जो ओको बऱ्या विश्वास करते, योको बजाय, वय ओको संग हमेशा साठी रहन.

तुम्ही मरबोको लायक हाओ, कारण तुमी न पाप कऱ्या हावो. तुमरो पासलक ला गुस्सा होन उचीतच हा, ओकी अपेक्षा, वो यीशु बऱ्या गुस्सा भयो. ओन यीशु ला क्रूस की मृत्यू देयकेन दंड देईस.

यीशु न कबक पाप नई करीस, पण ओन परमेश्वर ला ओला दंड देईस. ओन मर जाबसाठी स्वीकार करीस. योन रितीन, तुमरो पाप ला अन् यो संसार मा रयने वाला हर एक जन को पाप ला उचालकेन लेयजाबसाठी वो एक बलिदान होतो. यीशु न खुद ला परमेश्वर को साठी बलिदान कर देईस, योकोसाठी परमेश्वर कोनतो पण पाप ला, यामा पर्यंत की भयंकर पाप ला पण क्षमा करते.

जरी तुम्ही लगीतसा चांगलो काम ला करतो, त ओको द्वारा परमेश्वर तुम्हाला नई बचावन. ओको मित्र बनबसाठी असे काही पण नई हा जो तुम्ही कर सकतो. येकी अपेक्षा तुमला विश्वास करबोको हा की यीशु परमेश्वर का पुत्र हा अन् वो तुमरो बदलामा क्रूस बऱ्या मर गयो अन् यो पण की परमेश्वर न ओला अजून जिवंत कर देईस. जर तुमी योको बऱ्या विश्वास करो, तब परमेश्वर तुमरो पाप की क्षमा देन.

परमेश्वर वो हर एक जन ला बचावन जो यीशु बऱ्या विश्वास करत अन् ओला आपलो पराभू स्वीकार करते. पण वो उनला नई बचावन जो ओको बऱ्या विश्वास नई करत. यो काई मायने नई ठेवत की तुनी धनी हो या गरीब हो, माणूस हो या बाई हो या तुमी कामा रयतो. परमेश्वर तुमरो संग प्रेम करते अन् चाहते की तुमी यीशु बऱ्या विश्वास करो की वो तुमरो मित्र बने पाहीजे.

यीशु तुमला बलावत हा की ओको बरत्या विश्वास करो अन् बपतिस्मा लेओ. काय तुमी विश्वास करतो की परमेश्वर को एकलौतो पुत्र यीशुच मसीह हा? काय तुमी विश्वास करतो की तुमी एक पापी हो अन् यो पण की तुमी परमेश्वर द्वारा दंडीत करबसाठी योग्य हो? काय तुमी विश्वास करतो की तुमरो पाप ला मिटाबसाठी यीशु क्रूस बरत्या मरे?

जर तुमी यीशु बऱ्या अन् जो ओन तुमरो साठी करीस ओको बरत्या विश्वास करतो, त तुमी एक मसीही हो. शैतान आपलो अंधकार को राज्य मा अबब तुमरो बरत्या शासन नई करत. आब परमेश्वर आपलो प्रकाश को राज्य मा तुमरो बरत्या शासन करते. ओन तुमला पाप करबसाठी रोक देईस हा, जेला तुमी करत होतो. ओन तुमला एक नवीन उचित जीवन देईस हा.

जर तुमी एक मसीही हो त जो यीशु न करीस हा ओको कारण परमेश्वर न तुमरो पाप ला क्षमा कर देईस हा. आब परमेश्वर एक शत्रू की अपेक्षा तुमला एक घनिष्ट मित्र मानते.

जर तुमी परमेश्वर को मित्र हो अन् प्रभू यीशु को सेवक हो त तुमी वय गोष्ट को पालन करबकी इच्छा करन जो यीशु तुमला सिखावते. तरी ही तुमी एक मसीही हो, शैतान आब पण पाप करबसाठी तुमरी परीक्षा लेन. कारण परमेश्वर हमेशा वो करते जो वो बलते की वो करन. वो बलते की जर तुमी आपलो पाप ला मान लेओ त वो तुमला क्षमा कर देन. वो तुमला पाप को विरुद्ध लडबसाठी सामर्थ देन.

परमेश्वर तुमको प्रार्थना करने और उसके वचन को पढ़ने के लिए कहता है। वह तुमको अन्य विश्वासियों के साथ मिल कर उसकी आराधना करने के लिए भी कहता है। तुमको अन्य लोगों को भी बताना है कि उसने तुम्हारे लिए क्या किया है। यदि तुम इन सब कामों को करो, तो तुम उसके एक पक्के मित्र बन जाओगे।