6. परमेश्वर इसहाक को साठी प्रबंध करिस हा

जब अब्राहम बहुत बूढ़ा भय गयतो तब ओको पोऱ्या इसहाक एक माणूस को वय को भय गयतो. योकोसाठी अब्राहम न् आपलो एक सेवक ला आपलो पोऱ्या इसहाक साठी ओ देशलक एक बायको आनबला पठाईस, जामा ओको रिश्तेदार रहत होतो. जामा अब्राहम को रिश्तेदार रहत होतो उस देश मा जाबासाठी एक मोठी लंबी यात्रा को बादमा परमेश्वर न ओ सेवक को सत्कार रीबका को हातन कराईस. वा अब्राहम के भाई कि पोती होती.

रिबका आपलो परिवारला सोळकेना ओ सेवक संग वापस जाबसाठी मान गई. जस्से वय पहुच्या इसहाकन् ओको संग लगन कर लेईस.

एक लंबे समय को बाद, अब्राहम मर गयो। तब परमेश्वरन् अब्राहम को पोऱ्या इसहाक ला अब्राहम संग बांधी गई वाचा को कारण ओला आशिष देईस. ओच वाचा मा परमेश्वर कि प्रतिज्ञा होती कि अब्राहम का अनगिनत वंशज होन. पण इसहाक की बायको रिबका ला पोऱ्यामान उत्पन्न नही भया.

इसहाकन् रिबकासाठी प्रार्थना करीस अन् परमेश्वरन् ओला जुडवा पोऱ्या को गर्भ धारण करबला सक्षम करीस. जो वेळी वय पोऱ्यामान रिबका का गर्भ मा होता वय आपसमा झगडा करत होता, योकोसाठी जो होत होतो ओ रिबकान् परमेश्वरला सांग देईस.

परमेश्वरन् रिबकाला बलीस, “तू दुई पोऱ्याला जन्म देस. अन् ओका वंशज दुय अलग-अलग जातीला बनावान. वय एक दुसरो संग झगडा करण. पण मोठो पोऱ्या पासलक उत्पन्न होणारी जातीला लायनो पोऱ्या पासलक आवणारी जाती कि आज्ञा माननु पडन.”

जब रिबका को पोऱ्यामानको जन्म भयो, तब मोठो पोऱ्या लाल अन् रोयेदार होतो अन् उन्न ओको नाव एसाव ठेईस.

तब लायनो पोऱ्या एसाव कि एडी ला पकडकेन जन्म भयो अन् उन्न ओको नाव याकुब ठेईस.